Phung Kôranh Phat Dôih 17:2 - Nau Brah Ndu Ngơi 2023

² Păng lah ma mê̆ păng: “Yorlah du rbăn du rhiăng glo prăk bu sŏk tă bơh ay jêh ri yor ndơ nây ay ngơi jêh nau rak rtăp, jêh ri tôr gâp hŏ tăng jêh. Aơ, prăk nây gŭ ndrel ma gâp, gâp yơh sŏk păng.” Mê̆ păng lah: “Dăn ma Brah Yêhôva ăn nau ueh lăng ma kon!”

Phung Kôranh Phat Dôih 17:2 ပူးပေါင်းရင်းမြစ်များ

Nau Ntơm 14:19

jêh ri ăn nau ueh uĭn ma Y-Abram. Păng lah: “Dăn ma Brah Ndu Dŭt Prêh, Nơm rhăk njêng trôk jêh ri neh ntu, Ăn nau ueh uĭn ma Y-Abram!

Nêhêmi 13:25

Gâp nduyh jêh ri rak rtăp khân păng, gâp dong mbang bar pe nuyh mâu lah tôch sŏk khân păng jêh ri lah khân păng sơm ton knŏng ma amoh Brah Ndu pô aơ: “Khân may mâu mra mbloh ôh kon druh khân may đah kon ndăm khân păng mâu lah nđăp kon bu ur druh khân păng đah kon bu klâu ndăm khân may mâu lah ma săk jăn khân may nơm!

Nau Mprơ Ơm 10:3

Yorlah phung mhĭk tâm rnê ma nuih n'hâm khân păng ŭch; Phung ndơm kơnh ma nau suai rak jêh ri dun Brah Yêhôva.

Nau Ngluh Êjipt 20:7

May mâu dơi dŏng blă blơ amoh Yêhôva Brah Ndu, yorlah Brah Yêhôva mâu mra yô̆ an mbu dŏng blă blơ amoh Păng.

Nau Hôr 28:24

Mbu nơm ntŭng ndơ mbơ̆ mâu lah mê̆ păng nơm, Jêh ri ngơi pô aơ: “Mâu di jêng tih ôh,” Nơm nây jêng băl đah nơm ƀư rai.

Yêrêmi 48:10

Di ma nau rak rtăp ăn ma nơm pah kan ma Brah Yêhôva ma nau mâu răp jăp! Di ma nau rak rtăp ăn ma nơm mâu ŭch ôh đao păng krêp mham!

Mathay 26:74

Ƀiălah Y-Pêtrôs rak rtăp jêh ri sơm ton pô aơ: “Gâp mâu gĭt bunuyh nây ôh.” Dôl rnôk nây, iăr ndrau.

Samƀŭt Pôl Njuăl Ăn Ma Phung Nsing Ta Ƀon Rôm 9:3

Yorlah gâp ŭch dơi suai rak gâp nơm jêh ri chalơi bơh Brah Krist ntrok an ma phung oh nâu jêng phung ndŭl mpôl gâp;

I Kôrintô 16:22

Tơlah du huê mâu rŏng ôh ma Kôranh Brah, ăn anathem ma păng! Maranatha ma păng!

Nau Vay Nkah Tay 27:16

‘Di ma rak rtăp ma nơm ƀư bêk mê̆ mbơ̆ păng nơm!’ Ăn lĕ rngôch phung ƀon lan mra plơ̆ lah: ‘Amen!’

II Yôhan 1:11

Yorlah mbu nơm tâm mbah ôp đah păng jêng geh kô̆ tâm kan djơh mhĭk păng ƀư.

Phung Kôranh Phat Dôih 17:1

Tâm n'gor klơ dor yôk Êphraim, geh du huê bu klâu amoh Y-Mika.

Phung Kôranh Phat Dôih 17:3

Y-Mika mplơ̆ sĭt du rbăn du rhiăng glo prăk nây ma mê̆ păng. Mê̆ păng lah: “Gâp nhhơr prăk ma Brah Yêhôva gay kon bu klâu gâp tŏ du mlâm rup trah. Pôri aƀaơ gâp mra mplơ̆ sĭt păng ma may.”

Phung Kôranh Phat Dôih 5:23

Phung mbơh Brah Yêhôva lah: ‘Rak rtăp hom ƀon Mêros; Rak rtăp hom ma phung ƀon lan păng! Yorlah khân păng mâu văch kơl ôh Brah Yêhôva, Mâu kơl Brah Yêhôva tâm lơh đah phung ktang nây!’

Bu ur Rut 3:10

Păng plơ̆ lah: “Ơ kon bu ur gâp, dăn Brah Yêhôva ăn nau ueh uĭn ma ay! Nau ueh ay ƀư tơ̆ aơ toyh lơn tơ̆ lor nơh, yorlah ay mâu tĭng joi ôh phung bu klâu ndăm, nđâp lah o ach mâu lah ndrŏng.

I Samuel 14:24

Tâm nar nây lĕ, phung Israel hŏ huăr ngăn jêh yorlah Y-Sôl sơm ton ma phung ƀon lan pô aơ: “Geh nau rak rtăp ma mbu moh sông sa du ntil ndơ lor tơlah ê-hŏ nhâp nar, nâm bu ntĭt lor gâp plơng har lôch jêh ma phung rlăng gâp!” Yor ri, lĕ rngôch phung ƀon lan mâu nănh sông sa nhêt du ntil ndơ ôh.

I Samuel 14:28

Geh du huê tâm phung ƀon lan lah ma păng gĭt: “Mbơ̆ may hŏ ton ma phung ƀon lan pô aơ: ‘Geh nau tak rtăp ma mbu moh sông sa du ntil ndơ nar aơ.’ Yor nây phung ƀon lan lĕ huăr ngăn jêh.”

I Samuel 15:13

Y-Samuel hăn tât ma Y-Sôl, jêh ri Y-Sôl lah ma păng: “Dăn ma Brah Yêhôva ăn nau ueh uĭn ma may! Gâp ƀư jêh tĭng nâm nau Brah Yêhôva ntăm.”

I Samuel 23:21

Y-Sôl lah: “Dăn ma Brah Yêhôva ăn nau ueh uĭn ma khân may, yor khân may geh nuih n'hâm yô̆ nđach ma gâp!

I Samuel 26:19

Aƀaơ, dăn hađăch gŭ iăt hom nau ngơi oh mon may. Tơlah Brah Yêhôva nsŭk nsôr may ƀư mhĭk ma gâp, dăn Păng sŏk dơn ndơ ƀư brah. Ƀiălah tơlah kon bunuyh, ăn păng dơn nau rak rtăp tanăp măt Brah Yêhôva; yorlah nar aơ khân păng hŏ mprơh gâp luh tă bơh ntŭk prăp ma gâp tâm drăp ndơn bơh Brah Yêhôva, jêh ri khân păng lah pô aơ: ‘Hăn hom mbah ma lĕ brah êng.’