Phung Kôranh Phat Dôih 13:3 - Nau Brah Ndu Ngơi 2023

³ Tông mpăr Brah Yêhôva tâm mpơl ma bu ur nây jêh ri lah: “Aơ, ay jêng bu ur ndrô gâng, mâu geh kon, ƀiălah ay mra ntreo jêh ri deh du huê kon bu klâu.

Phung Kôranh Phat Dôih 13:3 ပူးပေါင်းရင်းမြစ်များ

Nau Ntơm 17:16

Gâp mra ăn nau ueh uĭn ma păng, jêh ri tă bơh păng Gâp mra ăn ma may du huê kon bu klâu, Gâp mra ăn nau ueh uĭn ma păng, păng mra jêng mê̆ ma âk phung ƀon lan; phung hađăch ma âk phung ƀon lan luh tă bơh păng da dê.”

Nau Ntơm 18:10

Du huê tâm phung nây lah: “Klăp lah yan aơ năm taơ, nanê̆ gâp mra plơ̆ tay ta aơ ndrel ma may, jêh ri nôk nây taơ H'Sara, ur may, mra geh du huê kon bu klâu.” H'Sara gŭ iăt nau ngơi nây ta bôk mpông ngih bok, pakơi khân păng.

Nau Ntơm 18:14

Geh lĕ moh ntil nau jêr ir kŏ tât Brah Yêhôva mâu dơi ƀư? Tât yan lĕ tâm nal, năm taơ Gâp mra plơ̆ tay ma may, jêh ri H'Sara mra geh du huê kon bu klâu.”

II Phung Hađăch 4:16

Y-Êlisê lah ma păng: “Năm pakơi taơ, tâm nôk aơ, ay mra chông ra-u du huê kon bu klâu.” Păng plơ̆ lah: “Mâu ôh, hơi kôranh jêng bunuyh Brah Ndu! Lơi ngơi mƀruh ma oh mon bu ur may ôh.”

Luka 1:11

Nôk nây geh du huê tông mpăr Kôranh Brah tâm mpơl ma Y-Sakari, dâk pa ma nơng ƀư brah nhhơr ndơ ƀâu kah.

Luka 1:13

Ƀiălah tông mpăr đă ma păng: “Aơ, hơi Y-Sakari, lơi klach ôh! Yorlah Brah Ndu hŏ tăng jêh nau may mbơh sơm. H'Êlisabet, ur may, mra deh du huê kon bu klâu; may mra tâm amoh păng Y-Yôhan.

Phung Kôranh Phat Dôih 13:10

Bu ur hăn nchuăt nkoch ro ma sai păng: “Aơ, bunuyh hŏ văch tât ma gâp ta nar lor, aƀaơ tâm mpơl tay đŏng.”

Phung Kôranh Phat Dôih 13:15

Nôk nây, Y-Manôa lah ma Tông mpăr Brah Yêhôva: “Hên dăn jă ma may gŭ tay jêh ri thai ma may du mlâm be kon.”

Phung Kôranh Phat Dôih 13:6

Bu ur nây hăn nkoch ma sai păng: “Du huê bunuyh Brah Ndu văch tât ma gâp, muh măt păng klach krit ngăn, nâm bu muh măt tông mpăr Brah Ndu. Gâp mâu ôp ôh păng bơh tă păng văch, jêh ri păng mâu đŏng mbơh ôh amoh păng ma gâp.

Phung Kôranh Phat Dôih 13:8

Y-Manôa mbơh sơm ma Brah Yêhôva pô aơ: “Ơ Kôranh Brah! Dăn Kôranh Brah ăn bunuyh Brah Ndu Kôranh Brah prơh hăn trŭnh, plơ̆ văch tay ma hên, gay nti ma hên moh hên mra ƀư ma oh bê mra deh nây!”

Phung Kôranh Phat Dôih 2:1

Tông mpăr Brah Yêhôva hăn hao bơh Gilgal tât ta Bôkim jêh ri lah pô aơ: “Gâp hŏ leo jêh khân may du luh bơh n'gor Êjipt, njŭn leo khân may lăp tâm n'gor Gâp sơm ton ăn ma phung chô yau khân may. Gâp hŏ lah: ‘Gâp mâu mra chalơi ôh nau tâm rnglăp Gâp hŏ rdâk jêh đah khân may,

Phung Kôranh Phat Dôih 6:14

Brah Yêhôva n'gĭl jêh ri lah ma păng: “Dŏng hom nau ktang may geh jêh gay rklaih phung Israel bơh ti phung Madian. Mâu di hĕ Gâp prơh may hăn?”

I Samuel 1:20

Dôl tâm năm nây lĕ, H'Anna hŏ ntreo jêh ri păng deh du huê kon bu klâu, păng ntơ amoh jêng Y-Samuel, yorlah păng lah: “Gâp hŏ dăn jêh păng tă bơh Brah Yêhôva.”