Phung Kôranh Phat Dôih 12:3 - Nau Brah Ndu Ngơi 2023

³ Dôl saơ jêh khân may mâu văch tât tâm rklaih an ôh gâp, pôri gâp hŏ sân săk gâp nơm hăn tâm lơh đah phung Ammôn, jêh ri Brah Yêhôva hŏ jao khân păng tâm ti gâp. Pônây, mâm nar aơ khân may văch tât ta gâp gay ŭch tâm lơh đah gâp?”

Phung Kôranh Phat Dôih 12:3 ပူးပေါင်းရင်းမြစ်များ

II Nau Rêh Jêng 13:12

Aơ, Brah Ndu gŭ ndrel ma hên jêh ri chiă uănh ma hên. Phung kôranh ƀư brah Păng djôt nŭng ntrŭt tahan uh huy tâm rdâng đah khân may. Ơ phung Israel! Lơi ta tâm rdâng ôh đah Yêhôva Brah Ndu phung chô yau khân may, yorlah khân may mâu mra dơi ôh!”

Ndrom Samƀŭt bơh Yôp 13:14

Mâm dĭng gâp sŏk sêk kăp êng săk gâp nơm Jêh ri rơm ndrăp jêh sân săk jăn?

Nau Mprơ Ơm 119:109

Nau rêh gâp tâm tra đah nau djơh mhĭk ƀaƀơ, Ƀiălah gâp mâu chuêl ôh nau vay May.

Samƀŭt Pôl Njuăl Ăn Ma Phung Nsing Ta Ƀon Rôm 16:4

jêng bar hê khân păng sân săk khĭt gay tâm rklaih nau rêh gâp; mâu di knŏng geh gâp tuy nau yô̆ ma bar hê khân păng, ƀiălah lĕ rngôch Phung Ngih Brah Ndu phung bu năch tâm ban lĕ.

Nau Tâm Mpơl 12:11

Khân păng geh nau dơi yor mham Kon Biăp, Jêh ri yor nau khân păng mbơh nkoch; Khân păng mâu nhhuach nau rêh khân păng nơm ma tât nau khĭt.

Phung Kôranh Phat Dôih 11:27

Pôri, gâp mâu geh ƀư tih ôh đah may, ƀiălah may ƀư mhĭk gay tâm lơh đah gâp. Dăn Brah Yêhôva, jêng Nơm phat dôih, nar aơ phat dôih ta nklang phung ƀon lan Israel jêh ri phung ƀon lan Ammôn!”

Phung Kôranh Phat Dôih 12:2

Y-Jêptê lah: “Gâp jêh ri phung ƀon lan gâp geh nau tâm djrel hâu ngăn đah phung Ammôn, jêh ri tơlah gâp kuăl khân may, khân may mâu sâm rklaih an ôh gâp bơh ti khân păng.

Phung Kôranh Phat Dôih 12:4

Nôk nây taơ, Y-Jêptê rgum băl lĕ rngôch phung tahan Gilêat jêh ri tâm lơh đah phung Êphraim. Phung tahan n'gor Gilêat dơi lơh phung Êphraim, yorlah phung Êphraim lah pô aơ: “Hơi phung Gilêat, khân may jêng phung nchuăt du luh bơh phung Êphraim jêh ri gŭ ta nklang phung Êphraim jêh ri Manasê!”

Phung Kôranh Phat Dôih 9:17

Yorlah mbơ̆ gâp tâm lơh an jêh ma khân may, păng hŏ sân săk jăn gay tâm rklaih khân may tă bơh ti phung ƀon lan Madian.

I Samuel 19:5

Păng sân săk jăn jêh ri nkhĭt jêh bu klâu Philistin, yor ri Brah Yêhôva ƀư du nau tâm rklaih toyh yor tă bơh păng ăn ma lĕ rngôch phung Israel. May lĕ saơ jêh ri răm rhơn nau nây. Pônây, mâm dĭng may ŭch ƀư tih đŏng đah mham mâu geh nau tih ôh, ŭch nkhĭt Y-Đavit dơm dam?”

I Samuel 28:21

Rnôk nây, bu ur nây văch dăch Y-Sôl, saơ hađăch klach ngăn jêh ri păng lah: “Aơ, oh mon bu ur may hŏ tông jêh bâr may. Gâp sân săk jăn jêh nau rêh gâp gay tông tĭng jêh lĕ nau may lah ma gâp.