Phung Kôranh Phat Dôih 10:9 - Nau Brah Ndu Ngơi 2023

⁹ Phung Ammôn tâm ban đŏng rgăn dak krong Yurdan gay hăn tâm lơh đah phung Yuđa, đah phung Benjamin, jêh ri đah ngih phung Êphraim. Phung Israel tŭp tâm nau rêh ni hâu ngăn.

Phung Kôranh Phat Dôih 10:9 ပူးပေါင်းရင်းမြစ်များ

II Nau Rêh Jêng 14:9

Y-Sêra, bunuyh Kus, jă du rkeh phung tahan văch tâm lơh đah khân păng ndrel ma pe rhiăng ndeh seh hăn lơh phung Yuđa, jêh ri khân păng hăn văch tât ta Marêsa.

II Nau Rêh Jêng 15:5

Tâm rnôk nây, mâu geh du huê nuyh luh mâu lah lăp dơi geh nau đăp mpăn ôh, yorlah lĕ rngôch ƀon lan bơh lĕ bri dak geh nau rŭng răng da dê.

Nau Vay Nkah Tay 28:65

Ta nklang phung ndŭl mpôl aơ khân may mâu geh nau đăp mpăn ôh, mâu mra geh ntŭk rlu ôh ma mpang jâng. Ta nây, Brah Yêhôva mra ăn ma nuih n'hâm khân may klach râm sâr, bar đah măt rgănh huơi jêh ri huêng rngot rvê.

Phung Kôranh Phat Dôih 10:10

Nôk nây, phung ƀon lan Israel vơl dăn ma Brah Yêhôva pô aơ: “Hên hŏ ƀư tih ngăn jêh đah Kôranh Brah, yorlah hên chalơi jêh Brah Ndu hên jêh ri pah kan rhŏ ma phung brah Baal.”

Phung Kôranh Phat Dôih 10:8

Ntơm bơh năm nây, bar phung ƀon lan aơ tŭn jot jêh ri mưch rmot phung Israel. Đơ phung Israel gŭ mpeh kơh tê̆ dak krong Yurdan tâm n'gor Gilêat, ta n'gor Amôrit, bu tŭn jot đŏng jêh ri mưch rmot tâm jât ma pham năm.

Phung Kôranh Phat Dôih 11:4

Pakơi jêh ma nây, phung Ammôn tâm lơh đah phung Israel.

Phung Kôranh Phat Dôih 2:15

Ăp tơ̆ khân păng hăn tâm lơh, ti Brah Yêhôva ƀư mhĭk ma khân păng nâm Brah Yêhôva hŏ sơm ton jêh ma khân păng. Khân păng tŭp tâm nau rêh ni toyh ngăn ngên.

Phung Kôranh Phat Dôih 6:2

Ti phung Madian tŭn jot phung Israel. Yor klach ma phung Madian rĭ dĭng phung ƀon lan Israel hŏ ƀư ntŭk du krap tâm trôm yôk, trôm ntu, jêh ri ƀư pôih.

I Samuel 13:6

Tơlah phung Israel saơ khân păng jêr ngăn jêh, yorlah khân păng tĭng nchueng dăch ngăn ma phung Israel, pôri phung ƀon lan du krap tâm lĕ trôm lŭ, rlô si, rkâp lŭ, môch blang jêh ri ntu brŏng.

I Samuel 28:15

Y-Samuel ôp ma Y-Sôl: “Mâm ƀư may rsuak gâp jêh ri kuăl ăn gâp du luh?” Y-Sôl plơ̆ lah: “Gâp geh nau uh ah ngăn; yorlah phung Philistin tâm lơh đah gâp, jêh ri Brah Ndu du tă bơh gâp jêh, Păng mâu hôm saơ plơ̆ lah ôh ma gâp, ma phung nơm mbơh lor, mâu lah ma nau mbơi kŏ mâu hôm lĕ. Yor nây, gâp kuăl may gay ăn may mbơh ma gâp gĭt moh nau gâp mra ƀư.”