Phung Kôranh Phat Dôih 1:4 - Nau Brah Ndu Ngơi 2023

⁴ Phung ndŭl mpôl Yuđa hăn hao jêh ri Brah Yêhôva jao phung Kanaan jêh ri phung Pêrisit tâm ti khân păng. Khân păng dơi đah jât rbăn nuyh phung nây ta Bêsek.

Phung Kôranh Phat Dôih 1:4 ပူးပေါင်းရင်းမြစ်များ

I Phung Hađăch 22:15

Tơlah Y-Mika lĕ tât jêh, hađăch ôp ma păng: “Ơ Y-Mika, he hăn tâm lơh đah Ramôt-Gilêat, mâu lah mâu lơi hăn?” Y-Mika plơ̆ lah: “Hăn hom, hađăch mra dơi. Brah Yêhôva mra jao ƀon nây tâm ti hađăch.”

I Phung Hađăch 22:6

Pônây, hađăch Israel tâm rƀŭn ndrel phung nơm mbơh lor, geh tâm puăn rhiăng nuyh, jêh ri ôp khân păng: “Gâp mra hăn tâm lơh đah ƀon Ramôt-Gilêat mâu lah mâu?” Khân păng lah: “Hăn hao hom, yorlah Kôranh Brah mra jao ƀon nây tâm ti hađăch.”

Nau Mprơ Ơm 44:2

May sŏk ti May nơm mprơh du phung mpôl băl bunuyh, Ƀiălah ăn phung chô yau hên gŭ ta nây; May ăn ma phung mpôl băl bunuyh rai lêk, Ƀiălah ăn ma phung chô yau hên jêng ndrŏng.

Nau Mprơ Ơm 78:55

Brah Ndu mprơh lĕ phung bu năch bơh nklang khân păng; Tâm nchroh tâm pă neh ƀư drăp ndơn, Njŭn phung mpôl băl Israel gŭ tâm ngih bok phung nây.

Nau Vay Nkah Tay 7:2

Lah Yêhôva Brah Ndu hŏ jao jêh lĕ phung ƀon lan nây ma khân may jêh ri khân may dơi lơh rai khân păng, pôri ăn khân may nkhĭt lĕ khân păng, lơi ƀư nau tâm rnglăp đah khân păng ôh jêh ri lơi dĭng yô̆ ma khân păng ôh.

Nau Vay Nkah Tay 9:3

Nar aơ, ăn khân may gĭt Yêhôva Brah Ndu mra hăn lor panăp khân may tâm ban ma du mbŭch ŭnh dôl hit, mra ƀư rai phung nây jêh ri hŭch phung nây ntrŭnh khân păng nơm tanăp măt khân may. Khân may mra ntrŭt gơnh jêh ri ƀư rai khân păng, tĭng nâm Brah Yêhôva hŏ ton jêh.

Phung Kôranh Phat Dôih 1:3

Ndŭl mpôl bunuyh Yuđa lah ma ndŭl mpôl Simêôn, jêng phung oh nâu khân păng, pô aơ: “Dăn khân may hăn hao ndrel ma hên tâm kô̆ neh hên nchroh n'hôr dơi jêh, jêh ri he mra tâm lơh đah phung Kanaan. Jêh nây hên mra hăn ndrel ma khân may tât ta n'gor khân may hŏ nchroh n'hôr jêh.” Pôri ndŭl mpôl Simêôn hăn ndrel ma khân păng.

Phung Kôranh Phat Dôih 1:5

Khân păng tâm mâp đah Y-Adôni-Bêsek ta Bêsek, tâm lơh đah păng jêh ri dơi đah phung Kanaan jêh ri phung Pêrisit.

Phung Kôranh Phat Dôih 11:32

Y-Jêptê găn tât ta n'gor phung Ammôn jêh ri Brah Yêhôva jao khân păng tâm ti păng.

Phung Kôranh Phat Dôih 3:5

Pônây, phung ƀon lan Israel gŭ rêh nsum đah phung Kanaan, phung Hitit, phung Amôrit, phung Pêrisit, phung Hivit, jêh ri phung Jêbusit.

I Samuel 11:8

Tơlah Y-Sôl kơp phung tahan ta Bêsek geh pe rsen bunuyh Israel jêh ri geh pe rmưn bunuyh Yuđa.

I Samuel 14:10

Bi tơlah khân păng lah: ‘Hao hom ma hên,’ pôri he mra hăn hao, yorlah nĕ jêng nau mbên Brah Yêhôva jao jêh khân păng tâm ti he.”

I Samuel 14:6

Y-Jônathan lah ma bunuyh ndăm tuy ndơ păng tâm lơh: “Kay lŏng, he hăn tât ta pôih phung mâu geh koh ntâu aơ. Klăp lah Brah Yêhôva mra ƀư ăn ma he. Nđâp tơlah djê̆ bunuyh mâu lah âk bunuyh, mâu geh du ntil ndơ king ôh Brah Yêhôva ƀư ma he dơi tâm lơh.”