Philip 2:17 - Nau Brah Ndu Ngơi 2023

¹⁷ Nđâp tơlah mham gâp nkhŭt ta klơ ndơ nhhơr. jêh ri kan nau chroh khân may, gâp maak lĕ jêh ri maak ndrel ma khân may lĕ rngôch

Bunong Bible Latin Script Cambodian dialect

¹⁷ Ndơ i khân ay may jan yor ma khân ay may nsing ma Brah Krist jêng tâm ban ma ndơ khân ay may nhhơr ma Kôranh Brah. Lah bu nkhât gâp, nau i nây tâm ban ma ndơ nhhơr ma Kôranh Brah i geh ntop ndơ khân ay may nhhơr ma Păng đŏng, jêh ri gâp răm maak. Jêh ri gâp ŭch khân ay may geh nuih n'hâm răm maak ndrel gâp.

Bunong

¹⁷ នទើ​អី​ខាន់​អៃ​មៃ​ជាន​យ៝រ​មា​ខាន់​អៃ​មៃ​ញឆីង​មា​ឞ្រាស​ក្រីស  ​ជេង​តឹម​ឞាន​មា​នទើ​ខាន់​អៃ​មៃ​ញហើរ​មា​កោរាញ​ឞ្រាស។ លាស​ឞូ​ងខឹត​គ៝ប់ នាវ​អី​នៃ​តឹម​ឞាន​មា​នទើ​ញហើរ​មា​កោរាញ​ឞ្រាស​អី​គែស​នត៝ប​នទើ​ខាន់​អៃ​មៃ​ញហើរ​មា​ពាង់​ដ៝ង់ ជេសរី​គ៝ប់​រាម់​មអាក។ ជេសរី​គ៝ប់​អុច​ខាន់​អៃ​មៃ​គែស​នូយ្ស​នហ៝ម់​រាម់​មអាក​នទ្រែល​គ៝ប់។

Philip 2:17 ပူးပေါင်းရင်းမြစ်များ

Nau Kơp Bunuyh 28:6

Nĕ jêng ndơ ƀư brah gŭch mro mrăng hŏ rdâk jêh ta yôk Sinai, jêng du ndơ ƀư brah ăn ŭnh sa nhhơr n'hôl ƀâu kah, ma Brah Yêhôva.’

Nau Kơp Bunuyh 28:7

Ndơ nhhơr nhêt mra jêng du lit ndrănh ma ăp biăp kon. May nhhơr hom ndơ nhhơr nhêt ma Brah Yêhôva tâm Ntŭk Kloh Ueh.

Kôranh Oh Mon 20:24

Ƀiălah gâp mâu kơp nau rêh gâp khlay ôh, knŏng tơlah lôch jêh nau rlong jêh ri nau pah kan gâp sŏk dơn tă bơh Kôranh Brah jêng Brah Yêsu, ăn gâp mbơh Nau Mhe Mhan Ueh ma nau yô̆ Brah Ndu.

Kôranh Oh Mon 21:13

Ƀiălah Y-Pôl plơ̆ lah: “Mâm ƀư khân may nhĭm jêh ri ƀư ji nuih n'hâm gâp? Yorlah gâp rơm ndrăp jêh mâu di knŏng nau bu chăp ôh, ƀiălah nđâp ma nau khĭt ta ƀon Yêrusalem, yor amoh Brah Yêsu lĕ.”

Samƀŭt Pôl Njuăl Ăn Ma Phung Nsing Ta Ƀon Rôm 12:1

Pôri hơi oh nâu, yor ma nau Brah Ndu yô̆ nđach, gâp vơh dăn ma khân may, nhhơr săk jăn khân may nơm ƀư mpa ƀư brah rêh, kloh ueh jêh ri ueh nuih n'hâm ma Brah Ndu, nau nây jêng nau yơk mbah ngăn khân may.

Samƀŭt Pôl Njuăl Ăn Ma Phung Nsing Ta Ƀon Rôm 15:16

gay ma jêng oh mon Brah Yêsu Krist ta nklang phung bu năch, ƀư nau kan ndơ ƀư brah ma Nau Mhe Mhan Ueh Brah Ndu, gay ma phung bu năch plơ̆ jêng ndơ nhhơr ueh nuih n'hâm Kôranh Brah, dơi ƀư kloh ueh tă bơh Brah Huêng Ueh.

II Kôrintô 12:15

Gâp maak ngăn dŏng mpŭng moh ndơ gâp geh, suăt lĕ nau dăng ktang yor huêng khân may. Tơlah gâp rŏng ma khân may lơ âk lơn, mâm ƀư khân may rŏng ma gâp lơ hô djê̆?

II Kôrintô 4:12

Pôri, nau khĭt pah kan tâm hên, ƀiălah nau rêh pah kan tâm khân may.

II Kôrintô 6:10

uănh nâm bu rngot, ƀiălah răm maak mro; uănh nâm bu nau ndĭt trơi, ƀiălah hên ƀư đŏng ma âk bunuyh ndrŏng; uănh nâm bu mâu geh ndơ ôh, ƀiălah geh đŏng lĕ rngôch.

II Kôrintô 7:4

Gâp rnơm ngăn ma khân may jêh ri rnê êng ma khân may nơm âk ngăn. Gâp bêng ler ma nau bonh leng jêh ri bêng nau răm maak ta nklang lĕ rngôch nau rêh ni.

Philip 1:20

Nau gâp ŭch kâp jêh ri nau kâp gân mâu mra geh du ntil nau bêk prêng ôh, ƀiălah bêng ma nuih n'hâm nănh, gay aƀaơ tâm ban đŏng tâm lĕ rngôch ntŭk, nđâp tơlah gŭ rêh mâu lah khĭt, Brah Krist ăt geh tâm rnê tâm nau gŭ rêh gâp.

Philip 2:18

Khân may tâm ban lĕ, răm maak hom jêh ri maak ndrel ma gâp.

Philip 2:30

yor ma nau kan Brah Krist dĭng păng bơi ma khĭt, sân săk păng nơm gay ƀư rĭng lĕ nau kan khân may mâu dơi kơl gâp.

Philip 4:18

Gâp hŏ geh bêng tŏng jêh ri geh rmeh ler. Gâp hŏ dơn jêh bêng tŏng ndơ khân may njuăl ma gâp bơh Y-Êpaphôdit, nâm bu du ndơ nhhơr n'hôl ƀâu kah, du mpa ƀư brah Brah Ndu maak dơn jêh ri ueh nuih n'hâm ma Păng.

Kôlôh 1:24

Aƀaơ gâp răm maak tâm nau rêh ni yor khân may, jêh ri yor săk jăn Păng jêng Phung Ngih Brah Ndu, djôt leo săk jăn gâp nơm ƀư lôch jêh kô̆ hôm e tâm nau rêh ni Brah Krist.

I Têsalônik 2:8

Hên rŏng ngăn ma khân may kŏ tât ŭch pă ma khân may, mâu knŏng Nau Mhe Mhan Ueh Brah Ndu ôh ƀiălah nđâp nau rêh hên đŏng, yorlah khân may jêng phung bunuyh hên rŏng ngăn ngên.

II Timôthê 4:6

Yorlah ma gâp, dôl bu nkhŭt jêh tâm ban ƀư ndơ nhhơr nhêt, nar gâp khĭt dăch jêh.

I Pêtrôs 2:5

Ăn Păng dŏng hom khân may nâm bu lŭ rêh gay rdâk du mlâm ngih brah, jêh ri tă bơh Brah Yêsu Krist, khân may kan kôranh ƀư brah kloh ueh, gay nhhơr ndơ ƀư brah, ƀư maak nuih n'hâm Brah Ndu.

I Yôhan 3:16

Tă bơh nau aơ, he gĭt năl jêh nau rŏng: Nây jêng Păng sân săk jêh nau rêh yor ma he. Pôri, ăn he sân săk nau rêh he yor ma phung oh nâu.