Philip 2:13 - Nau Brah Ndu Ngơi 2023

¹³ Yorlah Brah Ndu jêng Nơm dôl pah kan tâm khân may, gay ma khân may ƀă ŭch ƀă ƀư tĭng nau mĭn ueh Păng.

Bunong Bible Latin Script Cambodian dialect

¹³ yorlah Kôranh Brah nơm jan ăn ma khân ay may geh nuih n'hâm ŭch jan tâng nau Păng ŭch, nđâp ma ăn khân ay may dơi jan tâng nau Păng ŭch đŏng.

Bunong

¹³ យ៝រ​លាស​កោរាញ​ឞ្រាស​នើម​ជាន​អ៝ន់​មា​ខាន់​អៃ​មៃ​គែស​នូយ្ស​នហ៝ម់​អុច​ជាន​តឹង​នាវ​ពាង់​អុច នអ៝ប់​មា​អ៝ន់​ខាន់​អៃ​មៃ​ទើយ​ជាន​តឹង​នាវ​ពាង់​អុច​ដ៝ង់។

Philip 2:13 ပူးပေါင်းရင်းမြစ်များ

I Phung Hađăch 8:58

Dăn ma Păng nsŭk nsôr nuih n'hâm he rle mpeh Păng, gay he hăn tâm lĕ rngôch trong Păng, djôt prăp lĕ nau vay ntăm, lĕ nau vay dăp, jêh ri lĕ nau vay ƀư bơh Păng hŏ ntăm ma phung chô yau he.

II Nau Rêh Jêng 30:12

Ti Brah Ndu rlay đŏng ma phung Yuđa gay ăn ma khân păng geh du ai nuih n'hâm tông tĭng nau hađăch jêh ri phung kôranh hŏ ntăm jêh tĭng nâm nau Brah Yêhôva ngơi.

Êsra 1:1

Năm rơh nguay rnôk rô̆ Y-Sirus, hađăch Persi, Brah Yêhôva ŭch ƀư tât di nau ngăn Păng hŏ ngơi jêh ma bâr mbung Y-Yêrêmi, yor ri Brah Yêhôva hŏ nsŭk nsôr nuih n'hâm Y-Sirus, hađăch Persi, ăn nau ntrŭnh jêh ri mbơh tâm lam bri dak păng pô aơ:

Êsra 1:5

Rnôk nây, phung kôranh ƀon Yuđa jêh ri phung Benjamin, phung kôranh ƀư brah, jêh ri phung Lêvi, ndrel ma lĕ rngôch bunuyh Brah Ndu hŏ nsŭk nsôr tâm nuih n'hâm ŭch hăn hao ndâk njêng đŏng ngih brah Brah Yêhôva ta ƀon Yêrusalem, hŏ ndrăp hăn.

Êsra 7:27

Y-Êsra lah: “Tâm rnê ma Yêhôva Brah Ndu chô yau hên, jêng Nơm hŏ dơm nau aơ tâm nuih n'hâm hađăch gay nkrơ̆ ngih brah Brah Yêhôva ta Yêrusalem,

Nêhêmi 2:4

Hađăch ôp ma gâp: “Moh nau may ŭch dăn?” Gâp mbơh sơm ma Brah Ndu tâm lĕ ndâr trôk,

Ndrom Samƀŭt bơh Yôp 33:29

N'hêl nê̆ Brah Ndu hŏ ƀư lĕ nau nây Ăn ma kon bunuyh tât bar tơ̆ mâu lah pe tơ̆,

Nau Mprơ Ơm 110:3

Tâm nar Brah Ndu mpơl nau dăng ktang, Phung ƀon lan May mra ŭch nhhơr khân păng nơm ma May; Phung bu klâu ndăm ndơ nsoh kloh ueh hăn tĭng May, Chrêk rêp ƀlêp nâm bu truh dak ngom ơm ôi

Nau Mprơ Ơm 119:36

Ăn nuih n'hâm gâp rle mpeh nau ntĭnh bơh May Lơi dĭng rle mpeh drăp ndơ mâu di.

Nau Mprơ Ơm 141:4

Lơi ăn nuih n'hâm gâp rle mpeh ma nau mhĭk ôh Gay ƀư nau djơh mhĭk ndrel phung ƀai; Jêh ri lơi ăn gâp sa ndơ kah khân păng.

Nau Hôr 21:1

Nuih n'hâm hađăch tâm ti Brah Yêhôva nâm bu n'hor dak hoch; Păng ŭch ƀư nkêng nkăng ntŭk mpeh tĭng nau Păng ŭch.

Êsai 26:12

Ơ Brah Yêhôva, May ndâk nau đăp mpăn ma hên, Yorlah lĕ rngôch kan hên, May sâm ƀư an da dê jêh ma hên!

Yêrêmi 31:33

Brah Yêhôva lah: “Aơ jêng nau tâm rnglăp Gâp mra ƀư đah ngih Israel pakơi lĕ nar nây. Gâp mra dơm nau vay Gâp tâm nuih n'hâm khân păng jêh ri nchih prăp tâm nuih n'hâm khân păng. Gâp mra jêng Brah Ndu khân păng jêh ri khân păng mra jêng ƀon lan Gâp.

Yêrêmi 32:38

Khân păng mra jêng phung ƀon lan Gâp, jêh ri Gâp mra jêng Brah Ndu khân păng.

Luka 12:32

Hơi phung jê̆, lơi klach ôh, yorlah Mbơ̆ khân may di nuih n'hâm ăn ƀon bri hađăch Păng ma khân may jêh.

Luka 2:14

“Tâm rnê ma Brah Ndu klơ trôk, Nau đăp mpăn ta neh ntu, nau yô̆ ăn ma bunuyh!”

Yôhan 3:27

Y-Yôhan plơ̆ lah: “Lah mâu di tă klơ trôk ăn, mâu geh du huê bunuyh dơi sŏk dơn du ntil ndơ ôh.

Yôhan 6:45

Lĕ ndrom samƀŭt mbơh lor geh nchih: ‘Lĕ phung nây Brah Ndu hŏ ntĭm nti da dê.’ Mbu nơm hŏ iăt jêh ri nti ta Mbơ̆ mra văch ma Gâp.

Yôhan 6:65

Brah Yêsu lah tay: “Yor nây, Gâp hŏ lah jêh ma khân may pô aơ tơlah Mbơ̆ mâu ăn, mâu geh bunuyh dơi văch ma Gâp ôh.”

Kôranh Oh Mon 11:21

Ti Kôranh Brah gŭ ndrel ma khân păng, rĭ dĭng geh âk bunuyh chroh jêh ri plơ̆ tay ma Kôranh Brah.

Samƀŭt Pôl Njuăl Ăn Ma Phung Nsing Ta Ƀon Rôm 12:3

Yorlah bơh nau hŏ yô̆ jêh ma gâp, gâp lah ma ăp nơm tâm khân may, lơi mĭn rlau ir ma khân may nơm, ƀiălah mĭn rvê hom di rnâng, tĭng nâm ma nau chroh Brah Ndu ăn jêh ma ăp bunuyh.

Samƀŭt Pôl Njuăl Ăn Ma Phung Nsing Ta Ƀon Rôm 9:11

nđâp tơlah kon bar ê hŏ deh, ê mâp ƀư ueh mâu lah mhĭk — gay ma prăp nau ŭch Brah Ndu tâm nau săch, mâu di tĭng nau kan ôh, ƀiălah ma nau Nơm kuăl ŭch —

Samƀŭt Pôl Njuăl Ăn Ma Phung Nsing Ta Ƀon Rôm 9:16

Pôri nau nây mâu tĭng bu ŭch mâu lah nau kon bunuyh ndil ndal, ƀiălah tă bơh nau Brah Ndu yô̆ nđach.

I Kôrintô 12:6

Geh âk nau ƀư kan êng êng, ƀiălah geh knŏng nguay Brah Ndu, Nơm ƀư lĕ kan tâm lĕ rngôch bunuyh.

I Kôrintô 15:10

Ƀiălah yor ma nau yô̆ Brah Ndu gâp dơi jêng nâm bu nar aơ, jêh ri nau yô̆ Păng ăn ma gâp mâu di jêng dơm dam ôh. Ƀiălah, gâp pah kan âk lơn ma lĕ rngôch bunuyh êng; nau nây mâu di gâp, ƀiălah jêng nau yô̆ Brah Ndu gŭ ndrel ma gâp.

II Kôrintô 3:5

Mâu di hên geh nau blau gay mĭn ma hên dơi ƀư du ntil nau ôh, ƀiălah nau blau hên luh bơh Brah Ndu.

Êphêsô 1:11

Tâm Păng đŏng, he dơi săch jêng phung sŏk dơn ndơn drăp hŏ tâm nal jêh tĭng nau Brah Ndu dăp, Nơm ƀư lôch lĕ ntil ndơ tĭng nau Păng ŭch,

Êphêsô 1:5

Tâm nau rŏng, Păng tâm nal jêh ma he jêng kon mât rong Păng tă bơh Brah Yêsu Krist, tĭng nau ŭch ueh tâm nau mĭn Păng,

Êphêsô 1:9

Păng ƀư ăn he gĭt nau khlay ndâp tâm nau Păng ŭch, tĭng nâm nau ŭch ueh Păng hŏ nal jêh tâm Brah Krist,

Êphêsô 2:8

Yor nau yô̆, jêh ri nau chroh yơh khân may geh nau rklaih, nau aơ mâu luh tă bơh khân may ôh, ƀiălah jêng ndơ bơh Brah Ndu ăn;

II Têsalônik 1:11

Yor ri, hên mbơh sơm ma khân may ƀaƀơ, gay ma Brah Ndu he ƀư ma khân may khư ma nau Păng kuăl, jêh ri yor ma nau brah Păng gay ƀư lôch jêh lĕ nau ŭch mĭn ueh jêh ri kan nau chroh khân may;

II Timôthê 1:9

Brah Ndu tâm rklaih jêh he, kuăl jêh he ma nau kuăl kloh ueh, mâu di ôh yor nau he kan, ƀiălah tĭng nâm nau ŭch êng Păng jêh ri nau yô̆ Păng ăn jêh ma he ntơm bơh lor lĕ rngôch rnôk tâm Brah Yêsu Krist.

ហេឞ្រើ 13:21

ăn ma khân may lĕ nau ueh gay tĭng nau Păng ŭch, jêh ri ƀư nau ueh nuih n'hâm Păng ma he tâm Brah Yêsu Krist. Ăn nau chrêk rmah jêng ndơ Păng n'ho ro ƀaƀơ! Amen.

I Pêtrôs 1:3

Mât ton ma Brah Ndu, Mbơ̆ Kôranh Brah he jêng Brah Yêsu Krist! Yor nuih n'hâm yô̆ nđach rmeh ler tă bơh Păng, phung he dơi deh mhe tay gay geh nau kâp gân rêh, yor nau dâk rêh tay Brah Yêsu Krist tă bơh nau khĭt,