Philip 2:11 - Nau Brah Ndu Ngơi 2023

¹¹ Jêh ri lĕ rngôch mpiăt mbơh da dê Brah Yêsu Krist jêng Kôranh Brah, Gay tâm rnê Brah Ndu jêng Brah Ndu Mbơ̆.

Bunong Bible Latin Script Cambodian dialect

¹¹ Kôranh Brah n'hao Păng gay ma ăn dâng lĕ bŏr mbung mbơh lah: Brah Yêsu Krist Păng kôranh. Kơt ndri rnê Kôranh Brah i Bơ̆ ăn nau chrêk lơp ma Păng.

Bunong

¹¹ កោរាញ​ឞ្រាស​នហាវ​ពាង់​គៃ​មា​អ៝ន់​ទឹង​លែៈ​ឞ៝រ់​មឞូង​មឞើស​លាស៖ ឞ្រាស​យេឆូ​ក្រីស  ​ពាង់​កោរាញ។ កើត​នទ្រី​រានេ​កោរាញ​ឞ្រាស​អី​ឞឹ​អ៝ន់​នាវ​ច្រេក​លើប​មា​ពាង់។

Philip 2:11 ပူးပေါင်းရင်းမြစ်များ

Nau Mprơ Ơm 110:1

Brah Yêhôva ngơi ma Kôranh Brah gâp pô aơ: “Gŭ hom pa ma Gâp. Kŏ tât Gâp ăn phung rlăng đah May jêng rnơl chrong jâng May.”

Nau Mprơ Ơm 18:49

Yor nây, ơ Brah Yêhôva, gâp mra tâm rnê ma May ta nklang lĕ bri dak Jêh ri mprơ tâm rnê ma amoh May.

Yêrêmi 23:6

Tâm rô̆ hađăch nây, phung Yuđa mra dơi geh nau tâm rklaih; Phung Israel mra gŭ rêh đăp rmên. Ntơ amoh ma Nơm nây jêng: ‘Brah Yêhôva nau sŏng srăng he!’”

Mathay 10:32

Yor nây, mbu nơm mbơh Gâp tanăp lĕ rngôch bunuyh, Gâp ăt mra mbơh bunuyh nây tanăp Mbơ̆ Gâp tâm trôk;

Luka 2:11

Yorlah nar aơ ta ƀon Đavit, bu deh jêh ma khân may du huê Nơm Tâm Rklaih jêng Brah Krist, jêng Kôranh Brah.

Yôhan 12:42

Nđâp lah kơt nĕ, geh âk bunuyh tâm phung kôranh chiă uănh chroh ma Brah Yêsu, ƀiălah yor phung Pharisi, khân păng mâu nănh mbơh dơn ma Brah Yêsu ôh, yor klach bu mprơh khân păng luh bơh ngih rƀŭn.

Yôhan 13:13

Khân may kuăl Gâp jêng Nơm Nti, jêng Kôranh Brah. Khân may lah di ngăn, yorlah nanê̆ ngăn Gâp jêng tâm ban pônây.

Yôhan 13:14

Ƀiălah, lah Gâp jêng Nơm Nti, jêng Kôranh Brah, hŏ rao jêh jâng khân may, pôri khân may tâm ban lĕ hăn rao hom jâng ndrăng khân may nơm.

Yôhan 14:13

Moh ndơ khân may dăn tâm amoh Gâp, Gâp mra ƀư, gay ma Mbơ̆ dơi geh nau tâm rnê tâm Kon.

Yôhan 14:23

Brah Yêsu plơ̆ lah: “Lah mbu nơm rŏng ma Gâp, păng mra djôt prăp nau Gâp ngơi, Mbơ̆ Gâp mra rŏng ma păng, Mbơ̆ Gâp ndrel ma Gâp mra văch ma păng jêh ri gŭ ndrel ma păng.

Yôhan 17:1

Jêh Brah Yêsu ngơi nau nây, Păng n'gơr măt klơ trôk jêh ri ơh pô aơ: “Ơ Mbơ̆! Mông tât jêh, dăn tâm rnê Kon, gay ma Kon dơi tâm rnê Mbơ̆ đŏng.

Yôhan 20:28

Y-Thômas ơh pô aơ: “Ơ Kôranh Brah gâp jêh ri Brah Ndu gâp ơi!”

Yôhan 5:23

gay lĕ bunuyh yơk ma Kon tâm ban yơk ma Mbơ̆ lĕ. Mbu nơm mâu yơk ma Kon mâu đŏng yơk ma Mbơ̆ jêng Nơm hŏ njuăl Kon văch.

Yôhan 9:22

Mê̆ mbơ̆ păng lah pônây yor klach ma phung Yuđa, yor phung Yuđa hŏ tâm lăp nau tơlah mbu nơm mbơh Brah Yêsu jêng Brah Krist, bu mprơh lơi păng luh bơh ngih rƀŭn.

Kôranh Oh Mon 10:36

Brah Ndu hŏ njuăl nau ngơi tât ma phung kon Israel, mbơh nkoch ma Nau Mhe Mhan Ueh đăp mpăn tă bơh Brah Yêsu Krist, jêng Kôranh Brah ma lĕ rngôch bunuyh.

Kôranh Oh Mon 2:36

Yor nây, lĕ ngih Israel gĭt hom nanê̆ ma Brah Ndu aơ, Nơm khân may pâng kđĭn jêh klơ si tâm rkăng, Brah Ndu hŏ n'hao jêng Kôranh Brah jêh ri Brah Krist.”

Samƀŭt Pôl Njuăl Ăn Ma Phung Nsing Ta Ƀon Rôm 14:11

Yorlah nau nchih: “Kôranh Brah lah: Nanê̆ ngăn Gâp gŭ rêh mro mrăng, lĕ rngôch kômâk mra chon mon tanăp Gâp, Jêh ri lĕ rngôch mpiăt mra tâm rnê ma Brah Ndu.”

Samƀŭt Pôl Njuăl Ăn Ma Phung Nsing Ta Ƀon Rôm 14:9

Yor ri yơh Brah Krist khĭt jêh ri dâk rêh tay gay ma dơi jêng Kôranh Brah ma phung khĭt nđâp ma phung rêh.

Samƀŭt Pôl Njuăl Ăn Ma Phung Nsing Ta Ƀon Rôm 15:9

jêh ri ƀư ăn phung bu năch tâm rnê Brah Ndu yor nau Păng yô̆ nđach. Tâm ban geh nau nchih: “Yor nây, Gâp mra tâm rnê ma Kôranh Brah ta nklang lĕ rngôch ntil mpôl bunuyh Jêh ri mprơ mât ton ma amoh Păng”

I Kôrintô 12:3

Yor ri, gâp ŭch ma khân may gĭt rbăng, mâu geh du huê bunuyh geh nau ntĭm tă bơh Brah Huêng Ueh Brah Ndu jêh ri lŏ lah: “Brah Yêsu khư rak rtăp!” Tơlah Brah Huêng Ueh mâu ntĭm, mâu đŏng geh nơm mbơh “Brah Yêsu jêng Kôranh Brah!”

I Kôrintô 15:47

Bunuyh lor lơn luh tă bơh neh jêng ndơ neh ntu; bunuyh rơh bar luh tă bơh trôk.

I Kôrintô 8:6

ƀiălah ma phung he, knŏng geh du huê Brah Ndu jêng Mbơ̆, Nơm rhăk njêng lĕ rngôch ndơ, jêh ri he rêh yor ma Păng; geh đŏng knŏng du huê Kôranh Brah jêng Brah Yêsu Krist, lĕ rngôch ndơ geh yor tă bơh Păng, phung he gŭ rêh yor ma tă bơh Păng đŏng.

I Pêtrôs 1:21

Yor ma Păng, khân may chroh ma Brah Ndu, jêng Nơm ƀư ăn Păng dâk rêh tay tă bơh nau khĭt jêh ri ăn ma Păng nau chrêk rmah, gay ma nau chroh jêh ri nau khân may kâp gân mra dơm tâm Brah Ndu.

I Yôhan 4:15

Mbu nơm mbơh Brah Yêsu jêng Kon Brah Ndu, Brah Ndu gŭ tâm bunuyh nây, jêh ri bunuyh nây gŭ tâm Brah Ndu.

I Yôhan 4:2

Tă bơh nau aơ, khân may dơi gĭt Brah Huêng Ueh Brah Ndu: Moh brah dơn Brah Yêsu Krist văch jêh tâm nglay săk, huêng brah nây văch tă bơh Brah Ndu;

II Yôhan 1:7

Yor âk phung ndơm mƀruh văch jêh tâm neh ntu, jêng phung mâu dơn nanê̆ Brah Yêsu Krist văch jêh tâm nglay săk. Nây jêng nơm ndơm mƀruh jêh ri nơm tâm rdâng đah Brah Krist.

Nau Tâm Mpơl 3:5

Mbu mra dơi, mra soh ao nglang tâm ban pônây; Gâp mâu mra jut lơi amoh bunuyh nây bơh ndrom samƀŭt nau rêh, jêh ri mra mbơh amoh bunuyh nây tanăp Mbơ̆ Gâp jêh ri tanăp phung tông mpăr Păng.