Nơm Nti 9:15 - Nau Brah Ndu Ngơi 2023

¹⁵ Tâm ƀon toyh nây geh du huê bunuyh o ach blau mĭn, jêh ri bunuyh nây hŏ dŏng nau blau mĭn păng nơm rklaih ƀon. Ƀiălah rlet ô klak mbu mâu hôm kah gĭt tât ma bunuyh o ach nây đŏng.

Nơm Nti 9:15 ပူးပေါင်းရင်းမြစ်များ

Nau Ntơm 40:23

Kôranh djôt kachok ndrănh mâu hôm kah gĭt ôh ma Y-Yôsep, păng lĕ chuêl hêng Y-Yôsep.

II Samuel 20:22

Jêh nây bu ur nây văch tanăp lĕ rngôch phung ƀon lan, jêh ri blau mĭn nsŭk nsôr khân păng. Bu koh trô ko Y-Sêba, kon Y-Bikri, jêh ri mƀăr ăn ma Y-Jôap. Y-Jôap uh nŭng rŭch plơ̆ phung tahan, lĕ rngôch bunuyh du tă bơh ƀon, ăp nơm plơ̆ sĭt rlet ma ngih khân păng nơm. Bi Y-Jôap plơ̆ sĭt ma hađăch ta Yêrusalem.

Nau Hôr 21:22

Bunuyh blau mĭn rduh lơh ƀon toyh phung janh ktang Jêh ri ƀư rai pôih nâp khân păng rnơm nsing.

Nơm Nti 2:16

Bu mâu hôm kah gĭt mro bunuyh blau mĭn tâm ban phung rluk; yorlah tâm lĕ nar mra dăch tât, lĕ rngôch chuêl da dê. Di yơh, bunuyh blau mĭn tâm ban phung rluk mra khĭt da dê!

Nơm Nti 4:13

Du huê mom ndăm o ach ƀiălah blau mĭn, ueh lơn ma du huê hađăch ranh ƀiălah rluk, mâu hôm gĭt iăt ôh nau nkah buay.

Nơm Nti 7:19

Nau blau mĭn ƀư ăn bunuyh blau geh nau dăng ktang Rlau lơn lĕ rngôch jât nuyh kôranh chiă uănh tâm ƀon.

Nơm Nti 8:10

Gâp saơ đŏng phung djơh mhĭk khĭt jêh ri dơi geh nau tâp brôi ueh djrêp; luh du tă bơh neh kloh ueh, phung ƀon lan tâm ƀon gơnh chuêl lĕ nau mhĭk bunuyh khĭt hŏ ƀư. Nây ăt jêng nau dơm dam.