Nơm Nti 8:15 - Nau Brah Ndu Ngơi 2023

¹⁵ Gâp mprơ rnê nau răm maak, yor tâm dâng nar mâu geh ndơ ueh ăn ma kon bunuyh rlau lơn jêng sa, nhêt jêh ri răm maak. Nây jêng nau tâm nkrêp đah bông nar hŏt rgănh ma nau rêh Brah Ndu ăn ma kon bunuyh tâm dâng nar.

Nơm Nti 8:15 ပူးပေါင်းရင်းမြစ်များ

Nau Mprơ Ơm 42:8

Tơlah pônây, dôl nar Brah Yêhôva ăn nau ueh bơh Păng; Dôl măng, nau mprơ Păng gŭ ndrel gâp, Nây jêng nau mbơh sơm ma Brah Ndu, jêng Nơm ăn nau rêh ma gâp.

Nơm Nti 2:1

Gâp mĭn êng: “Aơ, gâp mra rlong nau răm maak jêh ri rlong nau maak!” Ri, nau nây ăt jêng dơm dam.

Nơm Nti 2:10

Gâp mâu dun ntil nau măt gâp nơm ŭch kơnh, ăt mâu king ôh nau nuih n'hâm ŭch rŏng, yorlah nuih n'hâm gâp maak ma lĕ rngôch kan hŏt gâp pah; jêh ri nây jêng nau gâp dơi geh tâm lĕ kan hŏt gâp nơm.

Nơm Nti 2:24

Mâu geh nau ueh lơn ăn ma kon bunuyh jêng sa, nhêt, jêh ri dơn nau ueh maak tâm kan hŏt păng. Gâp saơ nau nây ăt tât bơh mpang ti Brah Ndu.

Nơm Nti 2:3

Gâp mĭn êng mra nhêt ndrănh gay săk jăn răm tâm nau nhŭl ƀiălah djôt bôk rngok geh nau blau mĭn. Gâp mra rduh leo nau rêh brŭt rluk kŏ tât nôk gĭt năl nau ueh kon bunuyh dơi ƀư tâm dâng trôk du bông nar păng gŭ rêh.

Nơm Nti 3:22

Pôri, gâp mâu saơ geh ndơ ueh lơn ăn ma kon bunuyh jêng maak dơn nau kan păng nơm; nây jêng prăp êng tâm ăp nơm, yorlah mbu mra djôt păng nơm plơ̆ tay gay saơ nau mra tât kăndơ̆ taơ?

Nơm Nti 5:18

Ri, gâp saơ ngăn jêng nau ueh jêh ri jêng di ăn kon bunuyh sa, nhêt, jêh ri dơn nau maak lĕ rngôch kan hŏt păng ƀư tâm dâng nar du bông gŭ rêh Brah Ndu ăn jêh; yorlah nau nây jêng kô̆ ăn ma kon bunuyh dơi dơn.

I Timôthê 6:17

Nti nkah hom ma phung ndrŏng gŭ tâm neh ntu aơ lơi sưr rlau jêh ri lơi dơm nau kâp gân ma drăp ndơ mâu nanê̆, ƀiălah dơm hom nau kâp gân tâm Brah Ndu, jêng Nơm ăp nar ăn ma lĕ rngôch ndô ndơ tâm nau rmeh ler gay ma he maak sŏk dơn.