Nơm Nti 7:14 - Nau Brah Ndu Ngơi 2023

¹⁴ Tâm nar ndrŏng, maak dơn hom, Tâm nar nau mhĭk, mĭn rvê hom; Yorlah Brah Ndu ăn lĕ bar ntil nây tât Gay ma kon bunuyh mâu dơi gĭt moh nau mra tât tâm du nar kăndơ̆.

Nơm Nti 7:14 ပူးပေါင်းရင်းမြစ်များ

I Phung Hađăch 8:47

Tơlah tâm n'gor ƀư dĭk bu, khân păng rgâl nuih n'hâm, rmal nau tih jêh ri vơl dăn ma Kôranh Brah pô aơ: ‘Hên ƀư tih jêh, ƀư nau kue jêh ri djơh mhĭk;’

Ndrom Samƀŭt bơh Yôp 2:10

Păng plơ̆ lah: “Ay ngơi nâm bu du huê bu ur rluk. Mâm ƀư nau ueh uĭn tă bơh ti Brah Ndu ăn he sŏk dơn, bi nau mhĭk jŭr tă bơh ti Păng he mâu sŏk dơn bơh?” Tâm lĕ nau nây, Y-Yôp mâu geh tih tâm nau ngơi.

Nau Mprơ Ơm 119:71

Nau rêh ni jêng nau ueh ma gâp, Tă bơh nĕ gâp dơi nti gĭt nau vay ƀư bơh May.

Nau Mprơ Ơm 40:3

Păng dơm tâm trôm mbung gâp du nau mprơ mhe, Nây jêng nau mprơ tâm rnê ma Brah Ndu he. Âk bunuyh mra saơ nau nây jêh ri klach yơk Djôt nuih n'hâm rnơm nsing ma Brah Yêhôva.

Nơm Nti 10:14

Bunuyh rluk vay ngơi âk; Ƀiălah kon bunuyh mâu dơi gĭt ôh moh nau mra geh tât, Jêh ri mbu nơm dơi ngơi ăn bunuyh gĭt nau tâm nar kăndơ̆?

Nơm Nti 11:9

Hơi bunuyh mom ndăm, maak răm hom tâm năm ndăm rah! Maak dơn hom nôk may hôm mom ndăm. Hăn tĭng hom trong nuih n'hâm may ŭch jêh ri măt may ŭch kơnh. Ƀiălah ăn gĭt pô aơ yorlah lĕ rngôch kan nây, Brah Ndu mra djôt leo may ma nau phat dôih.

Nơm Nti 12:13

Nau nglĕ dŭt ăn lĕ rngôch moh ndơ hŏ tăng jêh ta klơ aơ: Klach yơk hom ma Brah Ndu jêh ri djôt prăp nau vay ntăm bơh Păng, Nây jêng lĕ nau ƀư di ma kon bunuyh.

Nơm Nti 12:8

Nơm nti lah: “Dơm dam ma nau dơm dam, Lĕ rngôch jêng dơm dam da dê!”

Nơm Nti 3:22

Pôri, gâp mâu saơ geh ndơ ueh lơn ăn ma kon bunuyh jêng maak dơn nau kan păng nơm; nây jêng prăp êng tâm ăp nơm, yorlah mbu mra djôt păng nơm plơ̆ tay gay saơ nau mra tât kăndơ̆ taơ?

Nơm Nti 3:4

Geh năng nhhiăng nhĭm, geh năng gơm maak; Geh năng ndrê klâng, geh năng pâl ntalơ̆;

Nơm Nti 5:17

Rlau lơn đŏng, kon bunuyh mra rêh du bông rêh tâm nau ngo klĕng, Mra dơn âk nau rvê, nau rngot jêh ri nau ji nuih.

Nơm Nti 8:7

Mâu geh nơm dơi gĭt moh nau mra geh; Mbu moh dơi ngơi lor moh ntil nau?

Nơm Nti 9:7

Pônây, sông sa hom ma nau maak jêh ri nhêt ndrănh ndrel nuih răm rhơn, yorlah Brah Ndu hŏ dơn jêh lĕ ma nau may ƀư.

Êsai 26:11

Ơ Brah Yêhôva, ti May hŏ yơr jêh Ƀiălah khân păng mâu saơ ôh. Ăn khân păng saơ nau May duh nđơr ma phung ƀon lan May, jêh ri khân păng bêk. Ăn ŭnh sa lơi phung rlăng đah May.

Êsai 42:25

Yor nây, Kôranh Brah hŏ nkhŭt jêh nau ji nuih hâu ngăn Jêh ri nau tâm lơh ktang ngăn ta klơ păng; Ŭnh sa văr jŭm jêh păng, ƀiălah khân păng mâu gĭt rbăng ôh, Ŭnh sa jêh păng ƀiălah păng mâu mĭn rvê ôh.

Yêrêmi 23:20

Nau Brah Yêhôva ji nuih mâu mra rngơt ôh Kŏ tât nôk Păng ƀư jêh ri lôch Lĕ nau mĭn tâm nuih n'hâm Păng. Tâm lĕ nar lôch dŭt, Khân may gĭt rbăng rah vah nau nây.

Nau Nhĭm Vơl 3:38

Di lĕ bơh mbung Nơm Dŭt Prêh Luh du n'ho ma nau mhĭk nđâp ma nau ueh?

Mika 6:9

Bâr Brah Yêhôva nter lah tâm rdâng ma ƀon aơ; Bunuyh blau mĭn mra klach yơk ma amoh Păng. Iăt hom mâng jra jêh ri Nơm hŏ săch jêh păng.

Mathay 9:13

Hăn hom, jêh ri nti ăn gĭt nâm bu ntĭt trong aơ: ‘Gâp ŭch nau nuih n'hâm yô̆ nđach, mâu di ndơ ƀư brah ôh.’ Yorlah gâp văch mâu di kuăl bunuyh sŏng srăng ôh, ƀiălah kuăl bunuyh geh nau tih.”

Kôranh Oh Mon 14:22

Bar hê khân păng ƀư nâp nuih n'hâm phung oh mon, n'hao nuih khân păng djôt nâp nau chroh, jêh ri đă pô aơ: “He găn âk nau rêh ni, ri mơ dơi lăp tâm ƀon bri hađăch Brah Ndu.”

Nau Vay Nkah Tay 26:11

Jêh nây khân may nđâp ma phung Lêvi jêh ri nơm gŭ njưh ƀât lât dôl rêh ta nklang khân may răm maak lĕ nau ueh lăng Yêhôva Brah Ndu khân may ăn jêh ma khân may jêh ri ma rnăk vâl khân may.

Nau Vay Nkah Tay 28:47

Yorlah nôk geh rmeh ler, khân may mâu ôh yơk mbah ma Yêhôva Brah Ndu khân may ma lĕ nuih n'hâm hâk răm ueh maak,

Nau Vay Nkah Tay 8:3

Păng hŭch khân may, jêh ri ƀư ăn khân may mâp nau ji ngot jêh nây ăn ma khân may sa mana, khân may jêh ri lĕ phung chô yau khân may ê hŏ tă gĭt năl, gay nti ăn khân may gĭt kon bunuyh gŭ rêh mâu di ôh knŏng bơh piăng let dơm, ƀiălah ăt geh đŏng bơh lĕ nau ngơi luh bơh bâr mbung Brah Yêhôva.

Nau Vay Nkah Tay 8:5

Pôri, ăn khân may gĭt tâm nuih n'hâm khân may pô aơ, Yêhôva Brah Ndu đăp nkra khân may tâm ban ma du huê mbơ̆ đăp nkra kon bu klâu păng.

Yakơ 5:13

Mbu moh tâm khân may geh nau rêh ni? Bunuyh nây mbơh sơm hom. Mbu moh geh nau răm maak? Tâm rnê hom.