Nơm Nti 5:19 - Nau Brah Ndu Ngơi 2023

¹⁹ Tâm ban pônây, lĕ rngôch mbu nơm dơi geh Brah Ndu ăn nau ndrŏng, drăp ndơ, tâm ban ăn nau dơi dŏng drăp ndơ nây mra sŏk dơn kô̆ păng, jêh ri maak dơn kan hŏt păng ƀư jêh. Nây jêng ndơ Brah Ndu ăn.

Nơm Nti 5:19 ပူးပေါင်းရင်းမြစ်များ

I Phung Hađăch 3:13

Rlau lơn ma nĕ, Gâp tâm ban đŏng ăn ma may lĕ nau may mâu mâp dăn ôh, jêng nau ndrŏng ngăn ngên jêh ri lư n'găr, kŏ tât du njăr rêh may, mâu geh ôh tâm phung hađăch mra tâm ban ma may.

II Nau Rêh Jêng 1:12

pôri Gâp hŏ ăn jêh nau gĭt mĭn jêh ri nau gĭt rbăng ma may. Gâp mra ăn ma may nau ndrŏng kuăng, drăp ndơ, jêh ri nau chrêk rmah kŏ tât mâu dơi geh ôh lĕ phung hađăch lor panăp may jêh ri pakơi may dơi ban.”

Nơm Nti 3:13

Rlau ma nây đŏng, ăn ăp nơm sa hom, nhêt jêh ri dơn nau ueh maak bơh kan păng, yor nây ăt jêng nau Brah Ndu ăn.

Nơm Nti 6:2

Geh du huê Brah Ndu dơi ăn nau ndrŏng kuăng, drăp ndơ jêh ri nau lư amoh, kŏ tât păng mâu pưt lĕ ndơ nuih n'hâm păng ŭch. Ƀiălah Brah Ndu mâu ăn păng dơn đŏng lĕ ntil nây, ƀiălah ăn du huê bu êng dơi dơn. Nây jêng dơm dam, du nau tât rêh ni.

Nau Vay Nkah Tay 8:18

Ƀiălah ăn kah gĭt ma Yêhôva Brah Ndu khân may, yorlah Păng jêng Nơm ăn ma khân may n'hâm suan gay njêng nau ndrŏng aơ, gay ƀư nau tâm rnglăp Păng hŏ ton jêh ma phung chô yau khân may, nâm bu Păng dôl ƀư nar aơ.