Nơm Nti 4:8 - Nau Brah Ndu Ngơi 2023

⁸ Geh du huê nơm rêh êng; Mâu geh kon, ăt mâu geh oh nâu, Ƀiălah nau hŏt rgănh păng mâu rlu, Măt uănh ma drăp ndơ mâu blau dĭl; Păng mâu ôp êng pô aơ: “Gâp mra dơn hŏt rgănh, Đă gâp nơm chalơi nau ueh maak ma mbu moh yor?” Aơ ăt jêng nau dơm dam, Nanê̆ ngăn jêng nau kan dŭt hŏt.

Nơm Nti 4:8 ပူးပေါင်းရင်းမြစ်များ

Nau Ntơm 2:18

Yêhôva Brah Ndu lah: “Kon Bunuyh gŭ êng du huê mâu ueh ôh. Gâp mra njêng du huê bunuyh kơl tâm di đah păng.”

Nau Mprơ Ơm 39:6

N'hêl nanê̆ ăp nơm chuat hăn tâm ban ma gui. Ăp nơm ndil ndal dơm dam da dê; Bu bun drăp ndơ ƀiălah mâu gĭt mbu mra sŏk lơi.

Nau Mprơ Ơm 39:7

Ơ Kôranh Brah, moh ndơ gâp kâp gân? Nau gâp kâp gân gŭ tâm May.

Nau Hôr 27:20

Găr măt kon bunuyh mâu blau dĭl, Nâm bu ƀon phung khĭt jêh ri brŏng jru mâu blau bêng.

Nơm Nti 1:13

Gâp joi gĭt lĕ nuih n'hâm jêh ri dŏng nau blau mĭn gâp nơm gay sek uănh lĕ rngôch kan tât geh tâm dâng trôk. Nây jêng nau kan hŏt rgănh Brah Ndu hŏ jao ăn ma kon bunuyh rvê ƀư.

Nơm Nti 1:8

Lĕ rngôch ndơ hŏt rgănh da dê, Kon bunuyh mâu dơi nkoch lĕ ôh; Măt uănh mro ăt mâu mpay, Tôr iăt mro ăt mâu geh nau khlay lĕ.

Nơm Nti 2:21

Yorlah geh bunuyh kan hŏt r'ah đah nau blau mĭn, nau gĭt rbăng jêh ri geh nau blau, jêh nây ăn drăp ndơn păng nơm ma nơm mâu mâp hŏt rgănh ma ndơ nây. Nau nây ăt jêng du nau dơm dam jêh ri du nau mhĭk toyh.

Nơm Nti 2:23

Lĕ nar, păng knŏng mâp lĕ nau rngot rvê; nau kan păng bêng ma jâk jêr, kŏ tât dôl măng nau mĭn ăt mâu dơi geh rlu ôh. Nau nây tâm ban lĕ jêng nau dơm dam.

Nơm Nti 4:7

Gâp plơ̆ tay sek uănh tay du ntil dơm dam đŏng tâm dâng nar:

Nơm Nti 5:10

Nơm rŏng ma prăk rêl kŏ mâu mpay ma prăk rêl; Nơm rŏng ma drăp ndơ kŏ mâu mpay lĕ ma nau sa kao. Nau aơ ăt jêng dơm dam.

Nơm Nti 5:9

Ƀiălah tâm lĕ rngôch nau geh, lĕ rngôch bunuyh sŏk play tă bơh mir, jêh ri hađăch tâm ban lĕ sŏk play nây đŏng.

Êsai 5:8

Rêh ni ngăn ma phung ntop ngih lăp tâm ngih, Ntop lŏ lăp tâm lŏ, Kŏ tât mâu hôm geh ntŭk hŏng, Jêh ri khân may gŭ êng ta nklang bri!

Êsai 55:2

Mâm ƀư khân may mplơ̆ prăk gay rvăt ndơ mâu jêng piăng let ôh? Mâm ƀư khân may djôt nau pah kan khân may nơm rgâl sŏk ndơ mâu blau hơm ôh? Njrăng iăt Gâp, sa hom ndơ kah, Jêh ri ƀư maak huêng khân may nơm ma ndơ sa kah.

Mathay 11:28

Hơi lĕ rngôch bunuyh rgănh jêh ri anh jâk, văch hom ta Gâp, Gâp mra ăn khân may rlu.

Luka 12:20

Ƀiălah Brah Ndu lah ma păng: ‘Hơi bunuyh rluk! Tâm măng aơ mra sŏk huêng may; kơt nây, drăp ndơ may prăp nkrem jêh mra jêng ndơ ma mbu moh?’

I Yôhan 2:16

Yorlah lĕ ndơ tâm neh ntu nâm bu nglay săk kơnh, nau măt kơnh ŭch, jêh ri nau sưr ma nau rêh, mâu geh luh tă bơh Brah Ndu Mbơ̆ ôh, ƀiălah tă bơh neh ntu.