Nơm Nti 3:17 - Nau Brah Ndu Ngơi 2023

¹⁷ Gâp mĭn êng: “Brah Ndu mra phat dôih bunuyh sŏng srăng jêh ri phung djơh mhĭk, yorlah geh năng tâm nal ăn lĕ ntil nau, lĕ rngôch kan.”

Nơm Nti 3:17 ပူးပေါင်းရင်းမြစ်များ

Nau Ntơm 18:25

May mâu ôh ƀư kơt nây! Mâu lah May ƀư rai phung sŏng ndrel ma phung djơh mhĭk, uănh phung sŏng srăng tâm ban ma phung djơh mhĭk ƀơh? Mâu ôh Kôranh Brah mâu ƀư kơt nây! Nơm phat dôih lĕ rngôch neh ntu mâm mâu ƀư ma nau di?”

Nau Mprơ Ơm 96:13

Tanăp Brah Yêhôva; yorlah Păng dôl văch, Păng dôl văch gay phat dôih neh ntu; Păng sŏk nau sŏng srăng gay phat dôih neh ntu, Sŏk nau ngăn gay phat dôih lĕ rngôch mpôl băl bunuyh.

Nau Mprơ Ơm 98:9

Yorlah Păng văch phat dôih neh ntu; Păng mra phat dôih neh ntu tĭng nau sŏng srăng, Jêh ri phat dôih phung ƀon lan tĭng ma nau di.

Nơm Nti 1:16

Gâp mĭn êng: “Aơ, gâp hŏ geh nau blau mĭn rlau lơn ma lĕ rngôch phung hađăch chiă uănh ta ntŭk Yêrusalem; nanê̆, gâp hŏ rgăn jêh âk nau tât đah nau blau mĭn jêh ri nau gĭt rbăng.”

Nơm Nti 11:9

Hơi bunuyh mom ndăm, maak răm hom tâm năm ndăm rah! Maak dơn hom nôk may hôm mom ndăm. Hăn tĭng hom trong nuih n'hâm may ŭch jêh ri măt may ŭch kơnh. Ƀiălah ăn gĭt pô aơ yorlah lĕ rngôch kan nây, Brah Ndu mra djôt leo may ma nau phat dôih.

Nơm Nti 12:14

Yorlah Brah Ndu mra djôt leo phat dôih lĕ rngôch kan, Ndrel ma lĕ rngôch nau ndâp, nđâp lah ueh mâu lah mhĭk.

Nơm Nti 2:1

Gâp mĭn êng: “Aơ, gâp mra rlong nau răm maak jêh ri rlong nau maak!” Ri, nau nây ăt jêng dơm dam.

Nơm Nti 3:1

Lĕ ntil nau kan geh mông da dê, lĕ nau tâm dâng trôk geh nal năng da dê ma păng:

Nơm Nti 8:6

Yorlah lĕ rngôch nau kan geh tâm nal da dê jêh ri gĭt nau ndrăp, Nđâp tơlah geh âk nau rung răng jêr n'grŭn mpet jâk ta klơ kon bunuyh.

Daniel 11:40

Ta rnôk nglĕ dŭt, hađăch mpeh pa dâng mra hăn tâm lơh đah hađăch mpeh pa lơ. Ƀiălah hađăch mpeh pa lơ djôt ndeh seh, phung tahan ncho seh jêh ri âk kumpăn hăn tâm lơh nâm bu phŭt chuănh. Hađăch nây hôm e hăn lơh lĕ bri dak, ler nâm bu dak lip.

Daniel 12:4

Bi may, hơi Y-Daniel, nchăng hom nau aơ jêh ri tâp pŏng lơi ndrom samƀŭt aơ kŏ tât ta rnôk nglĕ dŭt. Âk bunuyh mra nsong ta aơ ta ri jêh ri nau gĭt rbăng mra hao lơn.”

Daniel 12:9

Bunuyh nây plơ̆ lah: “Ơ Y-Daniel, lơi mĭn rvê êng, yorlah lĕ nau ngơi aơ nchăng jêh, jêh ri tâp pŏng jêh kŏ tât rnôk nglĕ dŭt.

Mathay 16:27

Yorlah Kon Bunuyh mra văch tâm nau chrêk rmah Mbơ̆ Păng ndrel ma phung tông mpăr. Nôk nây, Păng mra ăn nau nkhôm ma ăp nơm, tĭng nâm nau kan păng hŏ pah jêh.

Yôhan 5:22

Mbơ̆ mâu geh phat dôih ôh, ƀiălah jao lĕ nau dơi phat dôih ma Kon,

Kôranh Oh Mon 1:7

Păng plơ̆ lah: “Ma rnôk jêh ri mông nar Mbơ̆ nơm geh nau dơi tâm nal, nây jêng nau khân may mâu gĭt ôh.

Kôranh Oh Mon 17:31

Yorlah Păng tâm nal jêh du nar, Păng mra phat dôih neh ntu ma nau sŏng srăng bơh Bunuyh Păng hŏ rdâk jêh. Jêh ri gay ma nau mbơh ăn nanê̆ ma lĕ rngôch bunuyh saơ, Păng hŏ ƀư ma Bunuyh dâk rêh tay jêh bơh nau khĭt.”

I Kôrintô 4:5

Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.

II Kôrintô 5:10

Yorlah lĕ rngôch he mra tâm mpơl tanăp ntŭk ngih phat dôih Brah Krist, gay ăp nơm sŏk dơn tĭng nâm nau ueh mâu lah nau mhĭk păng nơm ƀư jêh dôl hôm gŭ tâm săk jăn.

I Têsalônik 5:1

Hơi phung oh nâu, ma mông nar jêh ri rnôk, mâu khăch ôh nchih ma khân may;

Nau Tâm Mpơl 11:18

Phung mpôl băl bunuyh ji nuih hâu ngăn; Ƀiălah nau May ji nuih tât jêh, Jêng mông phat dôih ma phung khĭt, Ăn nau nkhôm ma phung oh mon May, phung nơm mbơh lor, phung kloh ueh, Jêh ri phung klach yơk ma amoh May, Lĕ phung jê̆ nđâp ma phung toyh, Jêh ri ƀư rai phung ƀư rai neh ntu.”

Nau Tâm Mpơl 20:2

Păng nhŭp bêh nhŭk nhăk, nâm bu ntĭt bêh kăl e, jêng brah mhĭk, jêng Satan, jêh ri kât păng du rbăn năm.