Nơm Nti 2:7 - Nau Brah Ndu Ngơi 2023

⁷ Gâp rvăt âk oh mon bu ur bu klâu; ăt geh âk phung dĭk geh kon tâm ngih gâp. Gâp geh phung ndrôk jêh ri biăp âk lơn ma lĕ rngôch phung rô̆ panăp gâp ta Yêrusalem.

Nơm Nti 2:7 ပူးပေါင်းရင်းမြစ်များ

Nau Ntơm 13:2

Y-Abram ndrŏng ngăn geh âk mpô mpa rong, prăk jêh ri mah.

Nau Ntơm 14:14

Tơlah Y-Abram tăng lư bu nhŭp jêh mon păng, Y-Abram rgum lĕ phung pah kan hŏ nti jêh, geh pe rhiăng jât pham bunuyh, jêh ri hăn tĭng rgot phung hađăch nây tât ta ƀon Dan.

Nau Ntơm 15:3

Y-Abram ngơi tay: “Aơ, May ƀư ma gâp mâu geh kon, jêh ri nuyh dĭk deh tâm ngih gâp mra jêng nơm ndơn drăp gâp.”

I Phung Hađăch 4:23

jât mlâm ndrôk lay ueh, bar jât mlâm ndrôk rong tă bơh ndrêch gơ̆, jêh ri du rhiăng mlâm biăp. Rlau ma nây hôm geh jun nkuăng, njoih, jĭl, jêh ri pêp iăr rong lay.

II Phung Hađăch 3:4

Nôk nây Y-Mêsa, hađăch n'gor Môap rong âk biăp jêh ri păng chê̆ pi ma hađăch Israel du rsen mlâm biăp kon, jêh ri rsau du rsen mlâm biăp nkuăng.

II Nau Rêh Jêng 26:10

Păng ndâk đŏng lĕ ngih tŭm tâm bri rdah, kuyh âk ntu dak, yorlah păng geh âk mpô mpa rong ta nkual Sêphêla nđâp tâm ntŭk nkual prêh. Hađăch geh đŏng phung ƀư mir, phung tăm krăk ƀâu ta klơ dor yôk jêh ri ta Karmel, yorlah păng ŭch nau tuch tăm.

Êsra 2:55

Kon sau phung oh mon Y-Salômôn geh: kon sau Y-Sôtai, kon sau Y-Sôphêret, kon sau Y-Pêruda,

Êsra 2:58

Lĕ rngôch phung pah kan tâm ngih brah jêh ri phung kon sau phung oh mon Y-Salômôn jêng pe rhiăng sĭn jât ma bar nuyh.

Nêhêmi 7:57

Noi deh phung oh mon Y-Salômôn: Kon sau Y-Sôtai, kon sau Y-Sôphêret, kon sau Y-Pêrida

Ndrom Samƀŭt bơh Yôp 1:3

Drăp ndơ păng geh: Pơh rbăn mlâm biăp, pe rbăn mlâm seh samô, prăm rhiăng trŭp ndrôk, prăm rhiăng mlâm seh bri me jêh ri âk oh mon. Păng jêng bunuyh ndrŏng lơn tâm phung ƀon lan bri mpeh luh nar.

Ndrom Samƀŭt bơh Yôp 42:12

Nâm bu pônây, Brah Yêhôva ăn nau ueh uĭn ma lĕ năm kêng lôch nau rêh Y-Yôp âk lơn ma nôk saơm. Păng geh du rmưn puăn rbăn mlâm biăp, prao rbăn seh samô, du rbăn trŭp ndrôk jêh ri du rbăn seh bri me.

Luka 12:45

Ƀiălah tơlah oh mon nây lah tâm nuih n'hâm păng: ‘Kôranh gâp ê hŏ plơ̆ sĭt ro ôh,’ pônây păng ntơm dong mbang oh mon bu klâu, oh mon bu ur, jêh nây sông sa nhêt nhŭl ndrănh.