Nơm Nti 2:24 - Nau Brah Ndu Ngơi 2023

²⁴ Mâu geh nau ueh lơn ăn ma kon bunuyh jêng sa, nhêt, jêh ri dơn nau ueh maak tâm kan hŏt păng. Gâp saơ nau nây ăt tât bơh mpang ti Brah Ndu.

Nơm Nti 2:24 ပူးပေါင်းရင်းမြစ်များ

I Phung Hađăch 4:20

Phung Yuđa jêh ri phung Israel âk nâm bu choih ta kơh dak mƀŭt; khân păng sông sa nhêt hâk răm ngăn.

Nêhêmi 8:10

Y-Nêhêmi lah ma khân păng: “Hăn hom sa ndơ rmŏng-ngi, nhêt dak njŭng jêh ri njuăl du kô̆ ndơ nây ma nơm bu mâu geh nkra ôh; yorlah nar aơ jêng nar prăp êng kloh ueh ma Kôranh Brah he. Lơi ta rngot klâng ôh, yorlah nau răm maak bơh Brah Yêhôva jêng nau ktang khân may.”

Nơm Nti 2:10

Gâp mâu dun ntil nau măt gâp nơm ŭch kơnh, ăt mâu king ôh nau nuih n'hâm ŭch rŏng, yorlah nuih n'hâm gâp maak ma lĕ rngôch kan hŏt gâp pah; jêh ri nây jêng nau gâp dơi geh tâm lĕ kan hŏt gâp nơm.

Nơm Nti 2:25

Yorlah mbu jêng bunuyh dơi sa jêh ri geh nau maak lơn ma gâp?

Nơm Nti 2:3

Gâp mĭn êng mra nhêt ndrănh gay săk jăn răm tâm nau nhŭl ƀiălah djôt bôk rngok geh nau blau mĭn. Gâp mra rduh leo nau rêh brŭt rluk kŏ tât nôk gĭt năl nau ueh kon bunuyh dơi ƀư tâm dâng trôk du bông nar păng gŭ rêh.

Nơm Nti 3:22

Pôri, gâp mâu saơ geh ndơ ueh lơn ăn ma kon bunuyh jêng maak dơn nau kan păng nơm; nây jêng prăp êng tâm ăp nơm, yorlah mbu mra djôt păng nơm plơ̆ tay gay saơ nau mra tât kăndơ̆ taơ?

Nơm Nti 5:17

Rlau lơn đŏng, kon bunuyh mra rêh du bông rêh tâm nau ngo klĕng, Mra dơn âk nau rvê, nau rngot jêh ri nau ji nuih.

Nơm Nti 6:12

Yorlah mbu dơi gĭt moh nau jêng ueh ma kon bunuyh tâm du bông nar dơm dam jêh ri gơnh rlau nâm bu du mlâm gui? Mbu nơm dơi ngơi lor ăn ma kon bunuyh moh nau geh tât tâm dâng nar dôl pakơi păng chalơi nau gŭ rêh?

Nơm Nti 6:2

Geh du huê Brah Ndu dơi ăn nau ndrŏng kuăng, drăp ndơ jêh ri nau lư amoh, kŏ tât păng mâu pưt lĕ ndơ nuih n'hâm păng ŭch. Ƀiălah Brah Ndu mâu ăn păng dơn đŏng lĕ ntil nây, ƀiălah ăn du huê bu êng dơi dơn. Nây jêng dơm dam, du nau tât rêh ni.

Nơm Nti 8:15

Gâp mprơ rnê nau răm maak, yor tâm dâng nar mâu geh ndơ ueh ăn ma kon bunuyh rlau lơn jêng sa, nhêt jêh ri răm maak. Nây jêng nau tâm nkrêp đah bông nar hŏt rgănh ma nau rêh Brah Ndu ăn ma kon bunuyh tâm dâng nar.

Êsai 56:12

Khân păng jă ndrăng khân păng: “Văch hom, gâp mra sŏk ndrănh, He mra nhŭl yor ndrănh dăng; Nar ôi taơ tâm ban đŏng ma nar aơ, Jêh ri nau khlay rlau lơn ma nĕ.”

Malachi 2:2

Tơlah khân may mâu iăt ôh, jêh ri mâu mĭn ôh nhhơr nau chrêk ma lơp ma amoh Gâp pôri Gâp mra rak rtăp khân may, jêh ri mra rgâl nau ueh uĭn khân may jêng nau rak rtăp. Ngăn ro, Gâp hŏ rak rtăp jêh, yorlah khân may mâu mĭn ôh nau yơk ma Gâp.” Brah Yêhôva ma phung tahan lah kơt nây.

Kôranh Oh Mon 14:17

Nđâp lah pônây, Păng vay nkoch ƀaƀơ ma Păng nơm dôl Păng ăn nau ueh uĭn, ăn dak mih jŭr tă bơh klơ trôk, ăn ma yan geh play âk, ndơ sông sa âk rmeh, ƀư ma nuih n'hâm khân may bêng ma nau răm maak.”

I Kôrintô 15:32

Ngơi tĭng nau kon bunuyh, moh nau khlay ma gâp geh tơlah gâp tâm lơh đah phung mpa bri janh ta ƀon Êphêsô? Tơlah phung khĭt mâu hôm dâk rêh tay, pôri he “Sông sa hom, nhêt hom, Yorlah nar ôi taơ he mra khĭt!”

Nau Vay Nkah Tay 12:12

Khân may mra hâk răm tanăp măt Yêhôva Brah Ndu nđâp ma phung kon bu klâu, phung kon bu ur, phung kơl kan bu klâu, phung kơl kan bu ur khân may, jêh ri nđâp ma phung Lêvi gŭ tâm ƀon toyh khân may, yorlah khân păng bu mâu geh ôh mâu lah dơn drăp ndơn ndrel ma khân may.

Nau Vay Nkah Tay 12:18

Ƀiălah ăn khân may sa lĕ ndơ nây tanăp Yêhôva Brah Ndu ta ntŭk Păng lĕ săch, nđâp ma kon bu klâu, kon bu ur, nơm kơl kan bu klâu jêh ri nơm kơl bu ur jêh ri phung Lêvi gŭ tâm ƀon toyh khân may, jêh ri khân may mra hâk răm tanăp Yêhôva Brah Ndu tâm lĕ nau kan khân may hŏ ƀư jêh.

I Timôthê 6:17

Nti nkah hom ma phung ndrŏng gŭ tâm neh ntu aơ lơi sưr rlau jêh ri lơi dơm nau kâp gân ma drăp ndơ mâu nanê̆, ƀiălah dơm hom nau kâp gân tâm Brah Ndu, jêng Nơm ăp nar ăn ma lĕ rngôch ndô ndơ tâm nau rmeh ler gay ma he maak sŏk dơn.