Nơm Nti 2:10 - Nau Brah Ndu Ngơi 2023

¹⁰ Gâp mâu dun ntil nau măt gâp nơm ŭch kơnh, ăt mâu king ôh nau nuih n'hâm ŭch rŏng, yorlah nuih n'hâm gâp maak ma lĕ rngôch kan hŏt gâp pah; jêh ri nây jêng nau gâp dơi geh tâm lĕ kan hŏt gâp nơm.

Nơm Nti 2:10 ပူးပေါင်းရင်းမြစ်များ

Nau Ntơm 3:6

Dôl bu ur saơ play ta tơm si nây sa kah, ueh măt uănh jêh ri khlay yor ƀư ma păng nau blau mĭn, păng pĕ play nây jêh ri sa, jêh nây ăn ma sai păng dôl dâk êp ta meng; sai păng sa đŏng.

Nau Ntơm 6:2

Phung kon bu klâu Brah Ndu saơ kon bu ur kon bunuyh ueh jêh ri khân păng gŭ ur sai đah mbu nơm khân păng săch gay sŏk ur.

Ndrom Samƀŭt bơh Yôp 31:1

“Gâp hŏ jêng nau tâm rnglăp jêh đah măt gâp; Mâm ƀư gâp hôm dơi janh uănh ma du huê bu ur druh?

Nau Mprơ Ơm 119:37

Lơi ăn măt gâp rle mpeh lĕ nau dơm dam; Ƀiălah ăn gâp gŭ rêh tâm trong May.

Nau Mprơ Ơm 128:2

Yorlah may mra sa play bơh kan ti may ƀư, Geh nau ueh maak jêh ri geh nau ƀŭn lap.

Nau Hôr 23:5

Dôl may treng uănh tâm nau ndrŏng kuăng, di lĕ păng hŏ mpăr roh jêh? Nanê̆ păng chăt nting năr nâm bu klang ƀŭng, Jêh ri rpuh nting năr mpăr leo klơ trôk prêh.

Nơm Nti 11:9

Hơi bunuyh mom ndăm, maak răm hom tâm năm ndăm rah! Maak dơn hom nôk may hôm mom ndăm. Hăn tĭng hom trong nuih n'hâm may ŭch jêh ri măt may ŭch kơnh. Ƀiălah ăn gĭt pô aơ yorlah lĕ rngôch kan nây, Brah Ndu mra djôt leo may ma nau phat dôih.

Nơm Nti 2:1

Gâp mĭn êng: “Aơ, gâp mra rlong nau răm maak jêh ri rlong nau maak!” Ri, nau nây ăt jêng dơm dam.

Nơm Nti 2:22

Pônây, moh ndơ kon bunuyh geh tă bơh nau kan ƀư hŏt jêh ri nuih n'hâm jâk jêr khân păng ƀư tâm dâng nar?

Nơm Nti 2:24

Mâu geh nau ueh lơn ăn ma kon bunuyh jêng sa, nhêt, jêh ri dơn nau ueh maak tâm kan hŏt păng. Gâp saơ nau nây ăt tât bơh mpang ti Brah Ndu.

Nơm Nti 3:22

Pôri, gâp mâu saơ geh ndơ ueh lơn ăn ma kon bunuyh jêng maak dơn nau kan păng nơm; nây jêng prăp êng tâm ăp nơm, yorlah mbu mra djôt păng nơm plơ̆ tay gay saơ nau mra tât kăndơ̆ taơ?

Nơm Nti 5:10

Nơm rŏng ma prăk rêl kŏ mâu mpay ma prăk rêl; Nơm rŏng ma drăp ndơ kŏ mâu mpay lĕ ma nau sa kao. Nau aơ ăt jêng dơm dam.

Nơm Nti 5:17

Rlau lơn đŏng, kon bunuyh mra rêh du bông rêh tâm nau ngo klĕng, Mra dơn âk nau rvê, nau rngot jêh ri nau ji nuih.

Nơm Nti 5:18

Ri, gâp saơ ngăn jêng nau ueh jêh ri jêng di ăn kon bunuyh sa, nhêt, jêh ri dơn nau maak lĕ rngôch kan hŏt păng ƀư tâm dâng nar du bông gŭ rêh Brah Ndu ăn jêh; yorlah nau nây jêng kô̆ ăn ma kon bunuyh dơi dơn.

Nơm Nti 6:2

Geh du huê Brah Ndu dơi ăn nau ndrŏng kuăng, drăp ndơ jêh ri nau lư amoh, kŏ tât păng mâu pưt lĕ ndơ nuih n'hâm păng ŭch. Ƀiălah Brah Ndu mâu ăn păng dơn đŏng lĕ ntil nây, ƀiălah ăn du huê bu êng dơi dơn. Nây jêng dơm dam, du nau tât rêh ni.

Nơm Nti 6:9

Nau măt saơ ueh lơn jêng nau ŭch mâu nanê̆. Nau nây ăt jêng dơm dam, tĭng rlong sail khôm.

Nơm Nti 8:15

Gâp mprơ rnê nau răm maak, yor tâm dâng nar mâu geh ndơ ueh ăn ma kon bunuyh rlau lơn jêng sa, nhêt jêh ri răm maak. Nây jêng nau tâm nkrêp đah bông nar hŏt rgănh ma nau rêh Brah Ndu ăn ma kon bunuyh tâm dâng nar.

Nơm Nti 9:6

Nđâp ma nau rŏng, nau tâm rmot, Jêh ri nau mâu nach khân păng ăt roh rai da dê. Khân păng mâu hôm geh du kô̆ Tâm lĕ kan nau tât geh tâm dâng nar.

Nơm Nti 9:9

Gŭ rêh hâk răm hom ndrel ur may rŏng jêh ri rêh lôch lĕ rngôch nar dơm dam ăn jêh ma may, tâm dâng nar. Yorlah nây jêng kô̆ bu pă ma may tâm nau rêh, jêh ri tâm nau kan may ƀư hŏt ra-ah tâm dâng nar, dôl tâm lĕ nar dơm dam ma may.

I Yôhan 2:16

Yorlah lĕ ndơ tâm neh ntu nâm bu nglay săk kơnh, nau măt kơnh ŭch, jêh ri nau sưr ma nau rêh, mâu geh luh tă bơh Brah Ndu Mbơ̆ ôh, ƀiălah tă bơh neh ntu.

Phung Kôranh Phat Dôih 14:2

Nôk plơ̆ sĭt, păng nkoch ma mê̆ mbơ̆ păng pô aơ: “Gâp saơ jêh du huê bu ur druh Philistin ta Timna. Aƀaơ dăn mê̆ mbơ̆ nđăp păng jêng ur gâp.”