Nơm Nti 11:2 - Nau Brah Ndu Ngơi 2023

² Tâm pă hom kô̆ may ăn ma pơh mâu lah pham bunuyh, Yorlah may mâu gĭt ôh moh nau mhĭk mra tât geh ta klơ neh.

Nơm Nti 11:2 ပူးပေါင်းရင်းမြစ်များ

Nêhêmi 8:10

Y-Nêhêmi lah ma khân păng: “Hăn hom sa ndơ rmŏng-ngi, nhêt dak njŭng jêh ri njuăl du kô̆ ndơ nây ma nơm bu mâu geh nkra ôh; yorlah nar aơ jêng nar prăp êng kloh ueh ma Kôranh Brah he. Lơi ta rngot klâng ôh, yorlah nau răm maak bơh Brah Yêhôva jêng nau ktang khân may.”

Êsther 9:19

Yor nây, phung Yuđa, gŭ tâm lĕ rngôch ƀon jê̆, prăp nar jât ma puăn, khay Adar jêng du nar răm maak, jêh ri nhêt sông, du năng nar tâm njŭn ndơ sông sa ma ndrăng khân păng.

Êsther 9:22

Yorlah tâm nar jêh ri khay nây, phung Yuđa hŏ dơi rklaih jêh tă bơh phung rlăng khân păng; tâm nau rêh ni plăch jêng nau răm rhơn jêh ri nar rngot klâng plăch jêng nar nau sông sa. Păng lah ma khân păng njêng nar nau sông sa jêh ri hâk răm; ăp nơm njŭn ndơ sa ndrăng khân păng, jêh ri ndơ nhhơr kơl ma phung o ach.

Ndrom Samƀŭt bơh Yôp 5:19

Păng mra rklaih may bơh prao ntil nau rêh ni, Nđâp ma pơh ntil, nau mhĭk mâu lĕ hôm tât ma may.

Nau Mprơ Ơm 112:9

Păng nsrih prăk, ăn ma phung o ach, Nau sŏng srăng păng hôm gŭ n'ho ro, Nke nơm nây mra dơi n'gơr hao klơ tâm nau chrêk rmah.

Nau Hôr 19:17

Mbu nơm gĭt yô̆ ma phung o ach jêng ăn Brah Yêhôva manh, Păng mra mplơ̆ sĭt nau kan ueh nây ăn ma păng.

Nau Hôr 6:16

Geh prao ntil Yêhôva ji nuih Jêh ri pơh ntil păng tâm rmot:

Nơm Nti 11:3

Tơlah tŭk bêng ma dak Mih mra jŭr hoch ta klơ neh; Dôl geh du tơm si cha lôt mpeh pa dâng mâu lah mpeh pa lơ, Ntŭk rlet tơm si chôt mra gŭ ta nây ro.

Nơm Nti 11:8

Tơlah du huê bunuyh dơi rêh jŏ năm, Maak dơn hom lĕ rngôch ăp năm nây. Ƀiălah ăn kah gĭt hom pô aơ du bông nar ngo klĕng mra hôm jong; Jêh ri lĕ nau geh tât jêng dơm dam da dê.

Nơm Nti 12:1

Tâm năm mom ndăm, Kah gĭt hom ma Nơm Rhăk Njêng may, Êlor ma lĕ nar mhĭk văch tât; Êlor ma lĕ năm khay dăch tât May ngơi pô aơ: “Nuih n'hâm gâp mâu saơ nau maak ôh;”

Daniel 4:27

Yor nây, ơ hađăch, ăn may dơn nau gâp sâm nchră, chalơi hom nau tih ƀư ma nau sŏng srăng, ƀư nau yô̆ ma phung o ach gay chuai lĕ nau mhĭk may ƀư. Pônây, rnôk chiă uănh geh nau đăp mpăn dơi ntop jong jŏ lơn.”

Mika 5:5

Khân păng sŏk đao lơh rai bri dak Asiri Jêh ri lĕ mpông pêr bri Nimrôt. Păng mra rklaih he tă bơh phung Asiri, Lah păng mra lăp tâm n'gor he Jêh ri jot tâm trôm n'har bri he.

Mathay 18:22

Brah Yêsu plơ̆ lah ma păng: “Gâp mâu lah ma may pơh tơ̆ ôh, ƀiălah pơh jât tơ̆ pơh.

Mathay 5:42

Mbu dăn, ăn hom; mbu manh ndơ may lơi ta dun.

Luka 17:4

Nđâp tơlah tâm du nar, oh nâu may ƀư tih đah may pơh tơ̆, jêh ri pơh tơ̆ păng plơ̆ tay ma may, lah: ‘Gâp rmal nau tih gâp,’ ăn may yô̆ an ma păng.”

Galati 6:1

Hơi oh nâu, tơlah geh du huê rhuh tâm nau tih, khân may jêng phung hăn tĭng nâm Brah Huêng Ueh, sŏk hom nuih n'hâm rdơ̆ rbăn gay nkra khân păng. Ăn khân may nơm blau njrăng, klach lah geh nau ndơm tât ma khân may tâm ban lĕ.

Êphêsô 5:16

Blau dŏng hom mông nar, yorlah lĕ nar jêng mhĭk.

ហេឞ្រើ 13:3

Kah gĭt hom ma phung bu krŭng tâm ban ma khân may nơm bu krŭng ndrel ma khân păng; jêh ri kah gĭt hom ma phung bu ƀư mhĭk, yorlah khân may nơm geh đŏng săk jăn tâm ban ma khân păng.

I Samuel 25:8

Ôp hom phung oh mon may, khân păng mra nkoch ma may gĭt. Yorlah hên hăn tâm nar rƀŭn, ŭch ăn phung ndăm gâp geh nau ueh lăng tanăp măt may. Dăn ăn ma phung oh mon may jêh ri ma kon bu klâu may Y-Đavit ăp moh ndơ may geh tâm ti.’”