Nơm Nti 10:19 - Nau Brah Ndu Ngơi 2023

¹⁹ Nkra nhêt sa gay rvăt nau maak, Ndrănh ƀư ăn nau rêh răm maak, Jêh ri prăk rêl dơi tŏng nau ŭch.

Nơm Nti 10:19 ပူးပေါင်းရင်းမြစ်များ

Nau Ntơm 43:34

Ndơ sông sa thai jêh ma Y-Yôsep dơi ndơ̆ tât sưng phung nâu păng, ƀiălah ndơ̆ sa ăn ma Y-Benjamin prăm tơ̆ âk lơn ma ndơ phung ƀaƀă. Khân păng sông sa nhêt hơm jêh ri gŭ maak ndrel ma Y-Yôsep.

II Samuel 13:28

Y-Apsalôm ntĭnh ma phung oh mon păng: “Kâp uănh tơlah nuih n'hâm Y-Amnôn maak yor ndrănh, jêh ri tơlah gâp lah ma khân may: ‘dong hom Y-Amnôn,’ pônây nkhĭt hom păng ro yơh. Lơi klach ôh! Mâu di hĕ gâp nơm yơh đă ma khân may ƀư nau nây? Ăn khân may nănh janh jêh ri mpơl nau janh ktang!”

I Nau Rêh Jêng 21:24

Hađăch Đavit lah ma Y-Ôrnan: “Mâu ôh, gâp ŭch rvăt păng di rnoh khlay; yorlah gâp mâu ŭch sŏk ôh ndơ may nhhơr ma Brah Yêhôva, mâu đŏng nhhơr ôh du ndơ ƀư brah gŭch mâu huach ôh ndơ rvăt.”

Êsra 1:6

Lĕ rngôch phung chiau meng khân păng kơl ndơ ma khân păng, lĕ ndơ ƀư ma prăk, ma mah, drăp ndơ, mpô mpa rong, jêh ri ndô ndơ khlay, nđâp ma lĕ ndơ nhhơr êng êng.

Nêhêmi 5:8

Gâp lah: “Hên hŏ ƀư lĕ suan gay chuai tay oh nâu he, jêng phung Yuđa, bu tăch jêh ma phung mpôl băl êng, jêh ri mâm khân may ŭch tăch đŏng phung oh nâu khân may gay ma bu rvăt?” Khân păng gŭ klêm yorlah mâu gĭt ngơi du bâr ôh.

Êsther 1:10

Ta nar tal pơh, tơlah nuih n'hâm hađăch maak jêh ma ndrănh, hađăch ntĭnh ma Y-Mêhuman, Y-Bistha, Y-Harbôna, Y-Biktha, Y-Abaktha, Y-Sêthar jêh ri Y-Karkas, jêng pơh kôranh bu char pah kan tanăp hađăch Y-Asuêrus,

Nau Mprơ Ơm 104:15

Ndrănh play krăk ƀâu ƀư maak nuih n'hâm bunuyh, Dak ngi ăn muh măt chrat ang, Jêh ri ƀănh gay ma sa bah ji ngot.

Nau Mprơ Ơm 112:9

Păng nsrih prăk, ăn ma phung o ach, Nau sŏng srăng păng hôm gŭ n'ho ro, Nke nơm nây mra dơi n'gơr hao klơ tâm nau chrêk rmah.

Nơm Nti 2:3

Gâp mĭn êng mra nhêt ndrănh gay săk jăn răm tâm nau nhŭl ƀiălah djôt bôk rngok geh nau blau mĭn. Gâp mra rduh leo nau rêh brŭt rluk kŏ tât nôk gĭt năl nau ueh kon bunuyh dơi ƀư tâm dâng trôk du bông nar păng gŭ rêh.

Nơm Nti 9:7

Pônây, sông sa hom ma nau maak jêh ri nhêt ndrănh ndrel nuih răm rhơn, yorlah Brah Ndu hŏ dơn jêh lĕ ma nau may ƀư.

Êsai 23:18

Ƀiălah ndrăp kao jêh ri rnoh nkhôm păng mra prăp êng ma Brah Yêhôva, ntrok dônh bun nkrem. Yorlah drăp kao nây mra dơi prăp ma phung pah kan tanăp măt Brah Yêhôva, gay khân păng dơi sa rmeh ler jêh ri nsoh bok ao ueh.

Êsai 24:11

Bu nter ta trong sâng yor mâu geh ndrănh; Lĕ rngôch nau hâk răm jêng nau ngo klĕng da dê, Nau maak ta neh hŏ du ngai!

Mathay 17:27

Ƀiălah gay mâu ƀư nau chêh prah ma khân păng, ăn may hăn ta dak mƀŭt chê̆ ndar ka, sŏk ka geh ndar lor lơn, pơk mbung păng, mra saơ du rêl prăk. Sŏk hom rêl prăk nây chê̆ pi ma Gâp nđâp ma may!”

Mathay 19:21

Brah Yêsu lah: “Tơlah may ŭch dơi nŭm rĭng, hăn hom, tăch lĕ rngôch ndơ may geh jêh ri tâm pă ma phung o ach, ri mơ may mra geh jay ndơ khlay klơ trôk; jêh nây văch hom tĭng Gâp.”

Luka 12:19

Gâp mra lah ma huêng gâp pô aơ: Hơi huêng gâp, may geh âk drăp ndơ prăp jêh âk năm jêh. Gŭ rlu hom, sông sa nhêt, jêh ri răm maak hom.’

Luka 16:9

Jêh ri Gâp lah ma khân may: Ăn dŏng prăk ndơ mâu sŏng gay ƀư mĭt jiăng, gay ma tât prăk ndơ nây lĕ jêh, khân păng mra rom khân may lăp tâm ngih n'ho ro.

Luka 8:3

H'Yôana ur Y-Kusa, kôranh chiă uănh ngih hađăch Hêrôt; H'Susan jêh ri âk bunuyh êng hŏ sŏk drăp ndơ khân păng gay kơl ma Kôranh Brah jêh ri phung oh mon Păng.

Kôranh Oh Mon 11:29

Phung oh mon mĭn ăp nơm tĭng nâm ndơ khân păng geh, njuăl ndơ kơl ma phung oh nâu chroh gŭ tâm n'gor Yuđa.

Kôranh Oh Mon 2:45

Khân păng tăch mir, ngih jêh ri drăp ndơ khân păng, tâm pă ndrăng khân păng ăp nơm tĭng nâm nau ăp nơm ŭch.

I Pêtrôs 4:3

Nar kăl e, khân may mpŭng mông nar jêh gay ƀư lĕ nau phung bu năch ŭch ƀư, nâm bu gŭ rêh tâm nau blă blơ, nau kơnh mhĭk, nhŭl ndrănh, pâl rlưn rlau keh, nau nhêt sa rlau keh, nau mbah rup brah dŭt ƀơ̆ ƀơch.

Phung Kôranh Phat Dôih 14:10

Mbơ̆ păng hăn trŭnh ma ngih bu ur nây, jêh ri ta nây Y-Samsôn nkra nau nhêt sa tĭng nâm nau vay ma phung bu klâu ndăm vay ƀư.

Phung Kôranh Phat Dôih 9:13

Ƀiălah tơm krăk ƀâu plơ̆ lah: ‘Gâp mra chalơi lĕ ndrănh ueh Jêng ndơ ƀư maak ma phung brah jêh ri bunuyh Gay hăn ƀư mpât tơm si ƀơh?’

I Samuel 25:36

H'Abigêl plơ̆ sĭt ma Y-Nabal. Aơ, Y-Nabal dôl ƀư nau nhêt sa tâm ngih păng, nâm bu nau nhêt sa ma hađăch. Y-Nabal răm maak ngăn tâm trôm nuih n'hâm jêh ri yorlah păng lĕ nhŭl ndrănh hâu ngăn jêh, pôri H'Abigêl mâu nkoch ôh du ntil ndơ ma păng, nđâp lah nau toyh mâu lah jê̆, kŏ tât kêng ang ôi.