Nêhêmi 9:17 - Nau Brah Ndu Ngơi 2023

¹⁷ Khân păng mâu tông bâr ôh jêh ri mâu kah gĭt ma nau mbên khlay ngăn ngên Kôranh Brah hŏ ƀư jêh ta nklang khân păng, Ƀiălah khân păng dăng ko jêh ri tâm nôk tâm rdâng, Khân păng săch du huê kôranh chiă uănh gay leo ma khân păng plơ̆ sĭt tay nau ƀư dĭk. Ƀiălah Kôranh Brah jêng Brah Ndu rơm ndrăp yô̆ an, vay ƀư nau yô̆, jêh ri yô̆ nđach, Mâu gơnh ji nuih jêh ri bêng ma nuih n'hâm ueh. Kôranh Brah mâu chalơi khân păng ôh.

Nêhêmi 9:17 ပူးပေါင်းရင်းမြစ်များ

I Phung Hađăch 6:13

Gâp mra gŭ ta nklang phung ƀon lan Israel jêh ri mâu mra chalơi ôh phung Israel jêng phung ƀon lan Gâp.”

I Phung Hađăch 8:57

Dăn ma Yêhôva Brah Ndu he gŭ ndrel ma he, nâm bu Păng hŏ gŭ ndrel ma chô yau he; dăn Păng lơi dĭng chalơi mâu lah dun ôh ma he.

II Nau Rêh Jêng 36:13

Păng tâm rdâng đŏng đah hađăch Nêbukatnetsar, jêng nơm hŏ nchâp păng sơm ton ma amoh Brah Ndu. Păng plơ̆ jêng dăng bôk jêh ri kranh nuih n'hâm, mâu ŭch plơ̆ sĭt ma Yêhôva Brah Ndu Israel.

Êsra 9:9

Yorlah hên jêng phung ƀư dĭk, ƀiălah Brah Ndu hên mâu chalơi phung kon ôh tâm nau ƀư dĭk nây. Păng hŏ ăn jêh ma hên geh nau yô̆ tanăp măt phung hađăch n'gor Persi, ƀư ăn hên dơi rêh đŏng gay plơ̆ sĭt ndâk tay ngih brah ma Brah Ndu phung kon, nkra đŏng lĕ ntŭk hŏ rlâm jêh, jêh ri ăn ma hên du ntŭk gŭ đăp mpăn tâm n'gor Yuđa jêh ri ƀon Yêrusalem.

Nêhêmi 9:31

Ƀiălah, yorlah nuih n'hâm yô̆ nđach toyh, Kôranh Brah mâu ƀư rai lĕ khân păng tâm ban đŏng mâu chalơi khân păng. Yorlah Kôranh Brah jêng Brah Ndu vay yô̆ nđach jêh ri geh nau ueh.

Nau Mprơ Ơm 106:13

Ƀiălah khân păng chuêl kan Păng gơnh ngăn; Mâu gŭ kâp ôh nau Păng nkah nti.

Nau Mprơ Ơm 106:7

Dôl phung chô yau hên gŭ tâm bri Êjipt, Khân păng mâu gĭt rbăng lĕ nau mbên khlay May, Mâu lĕ kah gĭt nuih n'hâm ueh May rmeh ler, Ƀiălah ƀư nau tâm rdâng ta kơh dak mƀŭt, nây jêng Dak Mƀŭt Chăng.

Nau Mprơ Ơm 130:4

Ƀiălah Brah Ndu rơm ndrăp nau yô̆ an Gay ma bu klach yơk mbah ma May.

Nau Mprơ Ơm 78:10

Khân păng mâu djôt prăp ôh nau Brah Ndu tâm rnglăp, Dun đŏng tĭng nâm nau vay Păng.

Nau Mprơ Ơm 78:11

Khân păng chuêl lĕ kan Păng ƀư jêh Jêh ri lĕ nau kan khlay Păng tâm mpơl jêh ma khân păng saơ.

Nau Mprơ Ơm 78:38

Ƀiălah yor nau Păng yô̆ nđach, Păng yô̆ an nau tih mhĭk Jêh ri mâu ƀư rai khân păng ôh; Âk tơ̆ Păng nkân nau ji nuih, Mâu ăn nau ji nuih hao toyh ôh.

Nau Mprơ Ơm 86:15

Ƀiălah ơ Kôranh Brah, May jêng Brah Ndu blau yô̆ nđach jêh ri ƀư ueh, Mâu gơnh nuih, bêng ma nuih n'hâm ueh jêh ri nau nanê̆ ngăn.

Nau Mprơ Ơm 86:5

Ơ Kôranh Brah! May jêng ueh, bêng ma yô̆ an, Ăn bêng nau ueh ma phung kuăl dăn ma May.

Nau Ngluh Êjipt 32:9

Yêhôva lah đŏng ma Y-Môis: “Gâp hŏ uănh saơ jêh phung ƀon lan aơ, jêng du phung ƀon lan dăng ko.

Nau Hôr 1:24

Yorlah gâp kuăl ƀiălah khân may mâu ŭch iăt ôh, Gâp yơr ti kŏ mâu geh đŏng bunuyh mĭn rvê ma nau nây;

Yêrêmi 18:15

Ƀiălah phung ƀon lan Gâp hŏ chuêl jêh Gâp, Su ndơ ƀâu kah ăn ma phung brah, Jêng brah ƀư ăn ma khân păng chêh prah ta trong hăn, Tâm lĕ trong hăn bơh kăl e, Gay ma khân păng hăn tâm lĕ trong Mâu hŏ dơi ƀư ôh.

Yêrêmi 19:15

“Brah Yêhôva ma phung tahan, Brah Ndu phung Israel lah, lah: ‘Aơ, Gâp dăch ăn ma ƀon aơ jêh ri lĕ ƀon gŭ dăch ma lĕ rngôch nau mhĭk tât Gâp hŏ mbơh lor jêh, yorlah khân păng dăng bôk dăng trô ko mâu ŭch iăt ôh nau Gâp.’”

Yêrêmi 7:26

Ƀiălah khân păng mâu ŭch iăt Gâp, mâu ŭch lĕ srâng iăt, lơ hâu dăng bôk dăng ko, gŭ ngao mhĭk lơn ma phung chô yau khân păng.”

Êsêkiêl 5:6

Ƀiălah păng tâm rdâng đah nau vay ƀư bơh Gâp, ƀư nau ƀai rlau lơn ma lĕ bri dak êng, păng dun nau vay dăp Gâp rlau lơn ma bri dak gŭ jŭm păng yorlah khân păng chalơi nau vay ƀư bơh Gâp jêh ri mâu tĭng nau vay dăp Gâp ôh.

Daniel 9:9

Nau yô̆ nđach jêh ri yô̆ an jêng tâm Kôranh Brah da dê jêng Brah Ndu hên, yorlah hên ƀư nau tâm rdâng jêh đah May.

Yôel 2:13

Hêk hom nuih n'hâm khân may jêh ri lơi hêk ôh ao. Plơ̆ sĭt hom ma Yêhôva, Brah Ndu khân may, Yorlah Păng ueh, yô̆ nđach, mâu gơnh ji nuih jêh ri ndrŏng ma nau rŏng; Rgâl nau mĭn mâu ƀư mhĭk.

Kan Lêvi 26:44

Ƀiălah, nđâp lah khân păng dôl gŭ tâm n'gor phung rlăng, Gâp mâu đŏng chalơi khân păng, mâu lĕ Gâp rmot ma khân păng kŏ tât Gâp ƀư rai lĕ khân păng jêh ri mâu chalơi nau tâm rnglăp ta nklang Gâp đah khân păng, yorlah Gâp jêng Yêhôva Brah Ndu khân păng.

Nahum 1:3

Brah Yêhôva mâu gơnh nuih ôh jêh ri geh nau brah dŭt toyh, Ƀiălah Păng mâu uănh ôh nơm geh nau tih jêng mâu tih. Brah Yêhôva chuat hăn tâm phŭt chuănh jêh ri tâm sial vănh blông, Ndâr tŭk jêng ndruyh neh tâm dâng jâng Păng.

Nau Kơp Bunuyh 14:11

Brah Yêhôva lah ma Y-Môis pô aơ: “Ndah hŏ jŏ phung ƀon lan aơ mưch Gâp jêh ri ndah nâm jŏ khân păng mâu mra chroh ôh ma Gâp, nđâp lah Gâp hŏ ƀư jêh âk nau mbên khlay ta nklang khân păng?

Nau Kơp Bunuyh 14:41

Ƀiălah Y-Môis lah: “Mâm khân may rlau nau ntăm Brah Yêhôva? Nau nây mâu mra dơi jêng ôh.

Nau Kơp Bunuyh 16:14

Rlau lơn ma nĕ, may mâu njŭn hên lăp ôh tâm du n'gor bêng ma dak toh jêh ri dak sŭt, mâu lĕ ŭch ăn ma hên mir mâu lah đang krăk ƀâu jêng drăp ndơn. May ŭch rloch găr măt Phung ƀon lan aơ ƀơh? Hên mâu mra hăn hao ôh!”

Kôranh Oh Mon 7:39

Ƀiălah phung chô yau he mâu tông bâr păng, dun păng jêh ri rle nuih n'hâm khân păng nơm plơ̆ ma n'gor Êjipt.

Samƀŭt Pôl Njuăl Ăn Ma Phung Nsing Ta Ƀon Rôm 9:15

Yorlah Păng lah ma Y-Môis: “Gâp mra ƀư nau ueh ma mbu nơm Gâp ŭch ƀư nau ueh, Gâp mra yô̆ nđach ma mbu nơm Gâp ŭch yô̆ nđach.”

ហេឞ្រើ 12:25

Njrăng hom, lơi dun ma Nơm ngơi đah khân may. Yorlah tơlah khân păng dun iăt nơm mbơh nau mbơh lor ma khân păng ta neh ntu, rlau lơn ma he tâm rdâng đah Nơm ntrŭnh nau mbơh lor bơh trôk, lơ hô mâu dơi klaih ôh.

I Samuel 12:22

Brah Yêhôva mâu mra chalơi ôh phung ƀon lan Păng, yor amoh toyh Păng, jêh ri yorlah Brah Yêhôva hŏ maak nuih n'hâm ăn ma khân may njêng du phung ƀon lan ma Păng nơm.