Nêhêmi 5:13 - Nau Brah Ndu Ngơi 2023

¹³ Gâp ăt rtuh ntôr ao jâr gâp jêh ri lah: “Mbu mâu ƀư tĭng nau ton aơ, dăn ma Brah Ndu rtuh hom lĕ ngih jêh ri drăp ndơ păng. Pônây bu mra rtuh lơi păng jêh ri nsoih tâm ti păng tâm ban pônây!” Lĕ rngôch phung tâm rƀŭn lah: “Amen” jêh ri khân păng tâm rnê ma Brah Yêhôva. Pôri phung ƀon lan ƀư tĭng nâm nau ton nây da dê.

Nêhêmi 5:13 ပူးပေါင်းရင်းမြစ်များ

II Phung Hađăch 23:3

Hađăch dâk tâm knưl prêh jêh ri ƀư nau tâm rnglăp tanăp Brah Yêhôva, ton chuat tĭng Brah Yêhôva, jêh ri ma lĕ nuih n'hâm, ma lĕ huêng djôt prăp lĕ nau vay ntăm, nau ntrŭnh, jêh ri nau vay dăp bơh Păng, gay ƀư tĭng nau ngơi ma nau tâm rnglăp hŏ nchih jêh tâm ndrom samƀŭt aơ. Lĕ rngôch phung ƀon lan ton nanê̆ da dê ƀư nau tâm rnglăp nây.

I Nau Rêh Jêng 16:36

Tâm rnê ngăn ma Brah Yêhôva, Brah Ndu Israel, Ntơm bơh rnôk n'ho ro tât ma rnôk n'ho ro!” Lĕ rngôch phung ƀon lan plơ̆ lah ma du bâr: “Amen!” Jêh ri mât ton ma Brah Yêhôva.

Nêhêmi 8:6

Y-Êsra tâm rnê ma Yêhôva Brah Ndu dŭt prêh, jêh ri lĕ rngôch phung ƀon lan yơr ti klơ gay plơ̆ lah pô aơ: “Amen, Amen,” jêh nây khân păng kŭnh bôk, păn muh măt ta neh gay yơk mbah ma Brah Yêhôva.

Nau Mprơ Ơm 119:106

Gâp hŏ sơm ton jêh ri ton nanê̆ pô aơ, Gâp mra djôt prăp lĕ nau vay May ƀư jêng sŏng srăng.

Nau Mprơ Ơm 50:14

Nhhơr hom nau tâm rnê lah ueh jêng ndơ ƀư brah ma Brah Ndu Jêh ri ƀư lôch nau may ton ma Nơm Dŭt Prêh.

Nau Mprơ Ơm 76:11

Ton hom ma Brah Yêhôva Brah Ndu, Jêh ri ƀư nau khân may ton jêh ma Păng. Lĕ rngôch bunuyh gŭ văr jŭm Păng Djôt hom ndơ nhhơr ma Nơm khư bu klach.

Nau Hôr 28:4

Phung chalơi nau vay tâm rnê ma phung djơh, Bi ma phung mât prăp nau vay tâm rdâng đah khân păng.

Nơm Nti 5:5

Ueh lơn mâu ton rlau lơn đah nau ton mâu ƀư lôch.

Nau Kơp Bunuyh 5:22

Dăn dak tăng nau rak rtăp aơ lăp tâm proch klơm ay ƀư ma ndŭl ay pŭk môr jêh ri glet nglu.” Bu ur nây mra lah pô aơ: “Amen. Amen!”

Mathay 10:14

Tơlah mbu nơm mâu vơt dơn, mâu lah mâu iăt nau khân may tơlah luh tă bơh ngih nĕ mâu lah ƀon nây, rtuh hom neh muy hŏ krêp ta jâng phung khân may.

Kôranh Oh Mon 13:51

Bar hê khân păng rtuh neh muy ta jâng khân păng gay dun khân păng, jêh ri hăn ta ƀon Ikôni.

Kôranh Oh Mon 18:6

Ƀiălah yorlah khân păng tâm rdâng jêh ri ngơi sưr rlau ma păng, păng rtuh bok ao păng jêh ri lah pô aơ: “Ăn mham khân may tŭp ta bôk khân may nơm! Bi gâp mâu geh nau tih. Ntơm bơh aƀaơ aơ, gâp mra hăn ta phung bu năch.”

I Kôrintô 14:16

Mâu lah, tơlah may tâm rnê ma huêng mâm ƀư phung bunuyh vay gŭ iăt dơi ngơi: “Amen” ma nau may lah ueh, tơlah khân păng mâu gĭt rbăng nau may ngơi?

I Samuel 15:28

Y-Samuel lah ma păng: “Nar aơ Brah Yêhôva lĕ nkhêk jêh ƀon bri hađăch Israel tă bơh may kơt nĕ, gay ăn ma du huê bunuyh chiau meng may, jêng nơm ueh lơn ma may.