Nêhêmi 2:20 - Nau Brah Ndu Ngơi 2023

²⁰ Gâp plơ̆ lah ma khân păng pô aơ: “Brah Ndu tâm lĕ ndâr trôk mra kơl ma hên dơi jêng. Hên jêng phung oh mon Păng, hên mra ntơm ndâk njêng tay, ƀiălah khân may mâu geh du kô̆ mâu lah nau dơi ăn kah gĭt tâm ƀon Yêrusalem ôh.”

Nêhêmi 2:20 ပူးပေါင်းရင်းမြစ်များ

II Nau Rêh Jêng 26:5

Tâm lĕ rô̆ Y-Sakari jêng bunuyh gĭt rbăng lĕ nau tâm saơ bơh Brah Ndu, Y-Usia joi Brah Ndu ma lĕ nuih n'hâm. Păng joi Brah Ndu ndah jŏ, Brah Ndu ƀư ăn ma păng geh nau ƀŭn lap dah nây lĕ.

Êsra 4:3

Ƀiălah Y-Sôrôƀaƀel, Y-Jêsua, jêh ri phung kôranh noi deh ƀaƀă Israel, plơ̆ lah ma khân păng pô aơ: “Khân may mâu geh du kô̆ ôh ndrel phung hên tâm nau ndâk du mlâm ngih brah ăn ma Brah Ndu hên. Ƀiălah, knŏng êng hên nơm dơm, mra ndâk du mlâm ngih brah ăn Yêhôva Brah Ndu phung Israel, tĭng nâm nau Y-Sirus, hađăch Persi, hŏ ntăm jêh ma hên.”

Nêhêmi 1:4

Nôk gâp tăng lĕ nau nây, gâp gŭ nhĭm nhhiăng, rngot rvê jŏ nar; gâp ât sông sa jêh ri mbơh sơm ma Brah Ndu klơ lĕ ndâr trôk dŭt prêh pô aơ:

Nêhêmi 2:4

Hađăch ôp ma gâp: “Moh nau may ŭch dăn?” Gâp mbơh sơm ma Brah Ndu tâm lĕ ndâr trôk,

Êsther 4:11

“Lĕ rngôch phung oh mon jêh ri phung ƀon lan tâm bri hađăch dơi gĭt da dê pô aơ ăp nơm, mâu gĭt bu ur mâu lah bu klâu, hăn lăp tâm nkual tâm trôm ngih hađăch mâu geh ôh nau jă kuăl, tĭng nâm nau vay hŏ ntrŭnh, bu mra nkhĭt lĕ rngôch, knŏng tơlah hađăch yơr mâng jra hađăch ma mah, nơm nây dơi hôm rêh. Ƀiălah hŏ geh pe jât nar ma aơ gâp mâu dơi ăn lăp tâm trôm nkual ngih hađăch.”

Nau Mprơ Ơm 102:17

Păng kâp iăt jêh nau phung rêh ni mbơh sơm, Mâu mưch ôh nau khân păng mbơh sơm.

Nau Mprơ Ơm 122:6

Mbơh sơm hom ma nau đăp mpăn ƀon Yêrusalem; Ăn phung rŏng ma may geh nau chăt jêng.

Nau Mprơ Ơm 20:5

Hên răm rhơn yorlah dơi rklaih may, Tâm amoh Brah Ndu, hên n'hao prêh n'ha kơ hên. Dăn Brah Yêhôva ƀư dơi jêng lĕ nau hađăch vah vơl.

Nau Mprơ Ơm 35:27

Bi ma nơm koh dŏng nau sŏng srăng ma gâp, Mra răm maak hâk răm; Jêh ri ngơi ƀaƀơ: “Brah Yêhôva dŭt toyh! Păng maak ăn nau ndrŏng ma phung oh mon Păng.”

Nau Mprơ Ơm 51:18

Dăn May ƀư ueh ma ƀon Siôn tĭng nâm nau ueh May ŭch; Ndâk hom lĕ mpêr ƀon Yêrusalem.

Nau Ngluh Êjipt 28:29

Kơt nây, lah lăp tâm Ntŭk Kloh Ueh, Y-Arôn mra văn ta ntơh păng amoh phung kon bu klâu Israel tâm ndơ văn ntang ntơh ma nau phat dôih, tâm ban du nau ndray ƀaƀơ tanăp Brah Yêhôva.

Nơm Nti 7:18

Ueh lơn, may djôt prăp nau aơ Ăt mâu lĕ mƀơk ti tă bơh nau ri, Yorlah bunuyh klach yơk ma Brah Ndu der bơh nau nây.

Êsai 56:5

Pôri Gâp mra ăn ma khân păng du ntŭk tâm ngih Gâp, Tâm lĕ mpêr ƀon Gâp, Jêh ri ăn ma khân păng du amoh ueh lơn ma amoh phung kon bu klâu jêh ri ma phung kon bu ur; Gâp mra ăn ma khân păng du amoh n'ho ro, Jêng amoh mâu blau roh.

Kan Lêvi 2:2

jêh nây njŭn ma phung kon sau Y-Arôn, jêng phung kôranh ƀư brah. Kôranh ƀư brah mra sŏk du mbăt rnih môi, dak ngi jêh ri lĕ rngôch dak si ƀâu kah jêh nây su ta klơ nơng nâm bu ntĭt lĕ rngôch ndơ ƀư brah rnih môi. Nĕ jêng ndơ ƀư brah ăn ŭnh sa, geh n'hôl ƀâu kah ƀư maak nuih n'hâm Brah Yêhôva.

Kan Lêvi 24:7

Ta ăp mbor, ăn may srih ndơ ƀâu kah mâu geh rlŭk, gay tâm ntĭt ndơ ma nau kan nhhơr piăng let, nâm ndơ ƀư brah ăn ŭnh sa nhhơr ma Brah Yêhôva.

Sakari 6:14

Đon hađăch mra gŭ tâm ngih Brah Yêhôva jêng du ntil ndơ kah gĭt ma Y-Hêlem, Y-Tôbia, Y-Jêdaya jêh ri Y-Hen kon bu klâu Y-Sêphania.”

Nau Kơp Bunuyh 10:10

Tâm lĕ nar răm maak, tâm lĕ yan nau rƀŭn toyh jêh ri ta nar bôk khay, ăn khân may uh nŭng tâm nôk nhhơr lĕ ndơ ƀư brah gŭch jêh ri ndơ ƀư brah ma nau đăp mpăn. Tanăp Brah Ndu khân may, bâr nŭng mra dŏng gay nkah khân may kah gĭt pô aơ Gâp jêng Brah Yêhôva Brah Ndu khân may.”

Kôranh Oh Mon 10:31

jêh ri lah: ‘Hơi Kôrnei, Brah Ndu tăng jêh nau may mbơh sơm jêh ri Păng kah gĭt ma nau may ăn yô̆ ma bu.

Kôranh Oh Mon 10:4

Păng klach ntrâng uănh ta tông mpăr Brah Ndu jêh ri ơh: “Ô Kôranh Brah, moh nau geh?” Tông mpăr plơ̆ lah: “Nau may mbơh sơm jêh ri ndơ may ăn yô̆ hao tât ta Brah Ndu jêh ri Brah Ndu kah gĭt nau nây.

Kôranh Oh Mon 8:21

May mâu geh du kô̆ mâu lah mâu dơi tâm pă tâm kan aơ, yorlah nuih n'hâm may mâu sŏng ôh tanăp Brah Ndu.