Nêhêmi 13:13 - Nau Brah Ndu Ngơi 2023

¹³ Gâp dơm ăn kôranh ƀư brah Y-Sêlêmia, kôranh nchih samƀŭt Y-Sadôk, jêh ri du huê bunuyh tâm noi deh Lêvi, amoh Y-Pêdaya mât uănh lĕ ntŭk prăp drăp khlay ndrel ma nau kâp kơl bơh Y-Hanan, kon bu klâu Y-Sakur, sau Y-Matania, yorlah bu kơp khân păng jêng răp jăp. Nau kan khân păng jêng tâm pă lĕ ndơ nhhơr ăn ma phung oh nâu khân păng.

Nêhêmi 13:13 ပူးပေါင်းရင်းမြစ်များ

II Phung Hađăch 12:15

Bu mâu sek uănh ôh prăk ma phung bunuyh bu jao jêh ăn khân păng ƀơk phung pah kan, yorlah khân păng ƀư ma nau di.

II Phung Hađăch 12:16

Bi rnoh prăk ma ndơ ƀư brah chuai nau tih jêh ri ndơ ƀư brah chuai nau tih nây mâu dơi leo ôh lăp tâm ngih Brah Yêhôva; rnoh prăk nây jêng ndơ ma phung kôranh ƀư brah.

II Phung Hađăch 22:7

Ƀiălah bu mâu mêt uănh ôh prăk jao jêh ma phung khân păng, yorlah khân păng ƀư ma nau di.”

Nêhêmi 10:12

Y-Sakur, Y-Sêrêbia, Y-Sêbania

Nêhêmi 10:38

Phung kôranh ƀư brah, kon sau Y-Arôn, mra hăn ndrel phung Lêvi, tơlah khân păng sŏk pi du kô̆ tâm jât; jêh nây khân păng mra djôt leo ndơ du kô̆ tâm jât nây ma tât ngih Brah Ndu hên, bun ăn tâm lĕ jrô prăp drăp ndơ kloh ueh.

Nêhêmi 11:22

Nơm chiă uănh phung Lêvi ta ƀon Yêrusalem jêng Y-Usi, kon bu klâu Y-Bani, sau Y-Hasabia, se Y-Matania, săn Y-Mika, tâm noi deh Y-Asap jêng phung mprơ, pah kan tâm ngih Brah Ndu.

Nêhêmi 12:35

jêh ri phung kon bu klâu bơh phung kôranh ƀư brah djôt nŭng uh jêng Y-Sakari, kon bu klâu Y-Jônathan, sau Y-Sêmaya, se Y-Matania, săn Y-Mikaya jêng kon bu klâu Y-Sakur, sau Y-Asap,

Nêhêmi 12:44

Tâm nar nây, bu njêng phung mât uănh lĕ jrô prăp lĕ ndơ nhhơr, kao play bôk yan, jêh ri lĕ ndơ nhhơr du kô̆ tâm jât. Tă bơh lĕ mir jŭm ƀon, khân păng djôt leo ta jay prăp ma phung kôranh ƀư brah jêh ri phung Lêvi tĭng nau vay hŏ veh jêh, yorlah phung Yuđa di nuih n'hâm ma nau pah kan bơh phung kôranh ƀư brah jêh ri bơh phung Lêvi.

Nêhêmi 3:30

Jêh păng, geh Y-Hanania, kon bu klâu Y-Sêlêmia jêh ri Y-Hanun, kon bu klâu rơh prao Y-Salap, nkra du gâl êng. Ta meng khân păng, Y-Mêsulam, kon bu klâu Y-Bêrêkia, nkra ntŭk tâm tra đah ngih păng nơm.

Nêhêmi 7:2

Gâp jao kan chiă uănh ƀon Yêrusalem ma oh gâp jêng Y-Hanani jêh ri Y-Hanania jêng kôranh chiă uănh ƀon, yorlah păng jêng du huê bunuyh răp jăp lơn jêh ri klach yơk ma Brah Ndu lơn ma phung êng.

Nêhêmi 8:4

Kôranh nchih samƀŭt Y-Êsra dâk ta klơ gre ƀư ma ndap si bu ƀư rnôk nây; Y-Matithia, Y-Sêma, Y-Maseya, Y-Anaya, Y-Urija, Y-Hilkia, jêh ri Y-Maseya dâk dăch păng, bi mpeh pa chiau păng geh: Y-Pêdaya, Y-Misaêl, Y-Malkija, Y-Hasum, Y-Hasbadana, Y-Sakari, jêh ri Y-Mêsulam

Luka 12:42

Brah Yêsu lah: “Mbu nơm jêng bunuyh chiă uănh blau mĭn jêh ri răp jăp, kôranh jao ăn păng mât uănh ngih kôranh gay păng ăn ndơ sông sa di mông?

Kôranh Oh Mon 4:35

dơm ta jâng phung kôranh oh mon; jêh nây prăk tâm pă tĭng nâm nau ăp nơm ŭch.

Kôranh Oh Mon 6:1

Tâm nôk nây, rnoh phung oh mon lơ âk; phung Yuđa ngơi nau ngơi Grek ngơi ƀrôk, nduyh ma phung Yuđa ngơi nau Aram, yorlah bu chalơi mâu pă ndơ sông sa ăp nar ma phung bu ur ndrô khân păng.

Kôranh Oh Mon 6:3

Pôri, dăn phung oh nâu săch hom tâm phung khân may pơh nuyh geh nau lư ueh, bêng ma Brah Huêng Ueh jêh ri ma nau blau mĭn, hên mra jao nau kan aơ ma khân păng.

I Kôrintô 4:2

Nau bu ŭch ma phung mât uănh jêng geh nau khư rnơm nsing.

I Timôthê 1:12

Gâp lah ueh ma Nơm ăn jêh nau dơi ma gâp jêng Brah Yêsu Krist, Kôranh Brah he, yorlah Păng kơp gâp jêng răp jăp jêh ri dơm ăn gâp pah kan ma Păng;

I Timôthê 3:10

Ăn bu rlong uănh khân păng lor, tơlah mâu geh nau nduyh ri mơ dơi ƀư bunuyh kơl kan.