Nêhêmi 10:29 - Nau Brah Ndu Ngơi 2023

²⁹ tâm rnglăp ndrel phung oh nâu jêh ri phung ndrŏng khân păng gay sơm ton hăn tĭng tâm nau vay Brah Ndu hŏ ăn jêh ma Y-Môis, oh mon Păng, jêh ri djôt prăp, ƀư tĭng kơt lĕ rngôch nau vay ntăm, nau vay ƀư jêh ri nau vay dăp bơh Brah Yêhôva jêng Kôranh Brah hên.

Nêhêmi 10:29 ပူးပေါင်းရင်းမြစ်များ

II Phung Hađăch 10:31

Ƀiălah Y-Jêhu mâu njrăng ôh gay chuat hăn tâm nau vay Yêhôva Brah Ndu Israel ma lĕ nuih n'hâm păng. Păng mâu chalơi ôh nau tih Y-Jêrôbôam, jêng nau nsŭk ma phung Israel ƀư tih.

II Phung Hađăch 23:3

Hađăch dâk tâm knưl prêh jêh ri ƀư nau tâm rnglăp tanăp Brah Yêhôva, ton chuat tĭng Brah Yêhôva, jêh ri ma lĕ nuih n'hâm, ma lĕ huêng djôt prăp lĕ nau vay ntăm, nau ntrŭnh, jêh ri nau vay dăp bơh Păng, gay ƀư tĭng nau ngơi ma nau tâm rnglăp hŏ nchih jêh tâm ndrom samƀŭt aơ. Lĕ rngôch phung ƀon lan ton nanê̆ da dê ƀư nau tâm rnglăp nây.

I Nau Rêh Jêng 9:2

Phung plơ̆ sĭt lor ntơm saơm gŭ tay tâm lĕ drăp ndơn, tâm lĕ ƀon khân păng, jêng phung Israel, phung kôranh ƀư brah, phung Lêvi, jêh ri phung pah kan tâm ngih brah.

II Nau Rêh Jêng 34:31

Hađăch dâk tâm knưl păng jêh ri ƀư nau tâm rnglăp tanăp Brah Yêhôva, ton chuat tĭng Brah Yêhôva ma lĕ nuih n'hâm, lĕ nau mĭn djôt prăp lĕ nau vay Păng ntăm, nau Păng mbơh, jêh ri nau vay Păng dăp, gay ƀư tĭng nau ngơi ma tâm rnglăp hŏ nchih jêh tâm ndrom samƀŭt aơ.

II Nau Rêh Jêng 6:16

Ơ Yêhôva Brah Ndu phung Israel! May hŏ ton đah oh mon May jêng Y-Đavit, mbơ̆ gâp, pô aơ: ‘Tơlah phung kon sau may njrăng tâm trong khân păng nơm, djôt prăp nau vay Gâp ntăm tâm ban may hŏ ƀư jêh tanăp Gâp, may mâu mra pưt ôh du huê bunuyh gŭ ta sưng hađăch phung Israel.’ Aƀaơ aơ, dăn May djôt prăp nau May hŏ ton.

Nêhêmi 13:25

Gâp nduyh jêh ri rak rtăp khân păng, gâp dong mbang bar pe nuyh mâu lah tôch sŏk khân păng jêh ri lah khân păng sơm ton knŏng ma amoh Brah Ndu pô aơ: “Khân may mâu mra mbloh ôh kon druh khân may đah kon ndăm khân păng mâu lah nđăp kon bu ur druh khân păng đah kon bu klâu ndăm khân may mâu lah ma săk jăn khân may nơm!

Nêhêmi 7:46

Phung pah kan tâm ngih brah: kon sau Y-Siha, kon sau Y-Hasupha, kon sau Y-Tabaôt,

Nêhêmi 8:2

Pôri, ta năng nguay khay pơh, kôranh ƀư brah Y-Êsra djôt leo nau vay tanăp phung tâm rƀŭn, phung bu klâu jêh ri phung bu ur, jêh ri lĕ rngôch phung gŭ iăt dơi gĭt rbăng.

Nêhêmi 8:3

Păng dâk ta nkual toyh tanăp mpông pêr Dak, rŏ tâm ndrom samƀŭt nây ntơm ƀhit rvi ang tât ma nklang bôk nar, lĕ bu klâu jêh ri bu ur nđâp lĕ rngôch dơi gĭt rbăng. Lĕ rngôch phung ƀon lan rkêng tôr iăt nau rŏ tâm ndrom samƀŭt nau vay.

Nêhêmi 9:2

Phung Israel hŏ nkhah bơh phung bu năch, dâk da dê mbơh nau tih khân păng nơm jêh ri nau djơh mhĭk bơh phung chô yau khân păng.

Nêhêmi 9:38

Yorlah lĕ nau hŏ tât jêh, hên ntrâng nchih du nau tâm rnglăp nanê̆ ngăn nây, jêh ri phung kôranh chiă uănh, phung Lêvi jêh ri phung kôranh ƀư brah hên tâp pŏng samƀŭt nây.”

Nau Mprơ Ơm 105:45

Gay ma khân păng djôt prăp nau vay Păng, Jêh ri tông nau vay Păng. Halêluya!

Nau Mprơ Ơm 119:106

Gâp hŏ sơm ton jêh ri ton nanê̆ pô aơ, Gâp mra djôt prăp lĕ nau vay May ƀư jêng sŏng srăng.

Nau Mprơ Ơm 8:1

Ơ Brah Yêhôva jêng Kôranh Brah hên, Amoh Kôranh Brah lư tâm lam neh ntu hâu ngăn! Nau rnam Păng rlau lĕ ndâr trôk!

Nau Mprơ Ơm 8:9

Ơ Brah Yêhôva jêng Kôranh Brah hên, Amoh May lư lam klơ neh ntu hâu ngăn!

Êsai 14:1

Ngăn yơh, Brah Yêhôva mra yô̆ nđach ma Yakôb jêh ri hôm du tơ̆ đŏng săch Israel. Păng mra ăn ma khân păng gŭ tâm bri khân păng nơm. Phung bu năch mra tâm rnglăp đah khân păng jêh ri mra gŭ ndrel đah ngih Yakôb.

Yêrêmi 26:4

Pô aơ may lah hom ma khân păng: Brah Yêhôva lah: ‘Tơlah khân may mâu ŭch iăt ôh nau Gâp, mâu rêh tĭng nau vay Gâp ndâk jêh tanăp khân may;

Yêrêmi 34:15

Aƀaơ aơ, khân may hŏ plơ̆ tay jêh ri ƀư nau di tâm dâng măt Gâp, lah mbơh nau kon me ăn ma nơm chiau meng păng. Khân may hŏ ƀư nau tâm rnglăp tanăp măt Gâp, tâm ngih dơi ntơ ma amoh Gâp.

Êsêkiêl 36:27

Gâp mra dơm Huêng Brah Gâp tâm khân may jêh ri ăn khân may chuat tĭng nau vay ntăm bơh Gâp, pôri khân may mra djôt prăp nau vay ƀư bơh Gâp jêh ri tĭng ƀư.

Kan Lêvi 20:26

Ăn khân may jêng kloh ueh đah Gâp; yorlah Gâp jêng Brah Yêhôva, jêng kloh ueh; Gâp hŏ tâm nkhah jêh khân may bơh lĕ phung ƀon lan êng gay ma khân may jêng phung Gâp nơm.

Malachi 4:4

“Khân may kah gĭt hom ma nau vay Gâp ntăm jêh ma oh mon Gâp jêng Y-Môis ta yôk Hôrep, jêng nau vay dăp jêh ri nau vay ƀư ma lĕ rngôch phung Israel.

Nau Kơp Bunuyh 5:21

(nôk nây kôranh ƀư brah ăn bu ur ton sơm ma nau rak rtăp) jêh ri lah tay ma bu ur: “Dăn Brah Yêhôva ăn ma ay jêng du ntil ndơ rak rtăp jêh ri ndơ bu suai rak ta nklang phung ƀon lan ay, ƀư ăn ay glet nglu jêh ri ndŭl môr, săk jăn ay kro.

Yôhan 1:17

Yorlah nau vay dơi mbơh tă bơh Y-Môis, ƀiălah nau yô̆ jêh ri nau ngăn tât tă bơh Brah Yêsu Krist.

Yôhan 15:14

Lah khân may ƀư tĭng nau Gâp ntĭm nti, khân may jêng băl Gâp.

Yôhan 7:19

Di lĕ Y-Môis ăn nau vay ma khân may? Ƀiălah mâu geh du huê tâm phung khân may djôt prăp nau vay nây ôh? Mâm ƀư khân may joi nau ƀư nkhĭt Gâp?”

Kôranh Oh Mon 11:23

Tơlah păng tât jêh ta nây jêh ri saơ nau yô̆ Brah Ndu ăn. Păng răm maak jêh ri nsŭk nsôr lĕ rngôch bunuyh nâp nuih n'hâm tĭng Kôranh Brah;

Kôranh Oh Mon 17:34

Ƀiălah geh ƀaƀă bunuyh tĭng ndô̆ păng jêh ri chroh ma Kôranh Brah, tâm phung nây geh Y-Dênis jêng du huê kôranh phat dôih Arêôpa, jêh ri du huê bu ur, amoh păng H'Damaris, ndrel ma phung êng đŏng.

Kôranh Oh Mon 23:21

Ƀiălah lơi may iăt nau phung nây, yorlah geh rmeh puăn jât nuyh tâm phung khân păng, hŏ tâm nchră jêh gay ƀư ƀai ma Y-Pôl. Khân păng hŏ sơm ton mâu sông sa mâu nhêt tât khân păng dơi nkhĭt Y-Pôl; aƀaơ khân păng rơm ndrăp, knŏng kâp may dơn nau dơm.”

Samƀŭt Pôl Njuăl Ăn Ma Phung Nsing Ta Ƀon Rôm 12:9

Ăn nau rŏng khân may jêng ngăn. Tâm rmot hom ma nau mhĭk, ndrel ma nau ueh.

Nau Vay Nkah Tay 33:4

Nau vay Y-Môis ntĭnh jêh ma he Jêng drăp ndơn ma lĕ phung Yakôb.

Nau Vay Nkah Tay 5:1

Y-Môis kuăl rgum lĕ rngôch phung ƀon lan Israel jêh ri lah: “Hơi Israel, iăt hom, lĕ nau vay dăp jêh ri lĕ nau vay ƀư nar aơ gâp ntuh ăn khân may tăng, ăn khân may nti jêh ri blau njrăng ƀư tĭng nâm nau nây.

Nau Vay Nkah Tay 5:32

Pôri, ăn khân may njrăng ƀư dĭng lĕ nau kan di mâm bu Yêhôva Brah Ndu khân may hŏ ntĭm nti; khân may mâu dơi ôh teng pa ma mâu lah pa chiau.