Ndrom Samƀŭt bơh Yôp 37:23 - Nau Brah Ndu Ngơi 2023

²³ Nơm Geh Lĕ Nau Brah, he mâu dơi ôh joi tât ta Păng; Păng geh nau brah jêh ri sŏng nanê̆ ngăn, Păng sŏng srăng dŭt n'hâm, mâu tŭn jot bu ôh.

Ndrom Samƀŭt bơh Yôp 37:23 ပူးပေါင်းရင်းမြစ်များ

Ndrom Samƀŭt bơh Yôp 11:7

Gĭt lah may dơi gĭt vât jru nau khlay ndâp Brah Ndu Jêh ri joi nau gĭt rbăng toyh bơh Nơm Geh Lĕ Nau Brah?

Ndrom Samƀŭt bơh Yôp 11:8

Nau nây prêh lơn ma lĕ ndâr trôk, mâm may dơi ƀư? Jru lơn ma ƀon phung khĭt, mâm may dơi gĭt jru?

Ndrom Samƀŭt bơh Yôp 12:13

Ƀiălah nau blau mĭn jêh ri nau brah jêng ndơ Brah Ndu; Păng bêng nau blau nchră jêh ri nau gĭt rbăng.

Ndrom Samƀŭt bơh Yôp 25:2

“Nau dơi chiă uănh jêng ndơ Brah Ndu, Păng khư nau klach yơk; Păng njêng nau đăp mpăn tâm ntŭk prêh ta klơ trôk.

Ndrom Samƀŭt bơh Yôp 26:14

Aơ knŏng jêng kach rup ma nau kan Păng, Jêng nau ngơi ƀŭk dơm he dơi tăng ma nau Păng ngơi; Bi ma ndâr nglaih ma nau brah Păng, mbu dơi gĭt rbăng lĕ?”

Ndrom Samƀŭt bơh Yôp 36:26

Di ngăn, Brah Ndu dŭt toyh, mâm he dơi gĭt rbăng; Mrô năm Păng mbu dơi kơp.

Ndrom Samƀŭt bơh Yôp 36:3

Gâp mra djôt leo nau blau mĭn âk tă bơh ăp ntŭk Gay mpơl nau sŏng srăng bơh Nơm Rhăk Njêng gâp.

Ndrom Samƀŭt bơh Yôp 36:5

Ri, Brah Ndu bêng nau brah mâu geh mưch rmot bu ôh; Păng dŭt gĭt vât ngăn.

Ndrom Samƀŭt bơh Yôp 37:19

Ntĭm hom ăn hên gĭt moh nau hên mra lah ma Kôranh Brah; Yor nau rluk mâl, hên mâu gĭt nkoch tâm nau kan.

Ndrom Samƀŭt bơh Yôp 37:22

Tă mpeh pa lơ luh du nau chrêk nâm bu mah; Brah Ndu văch đah nau rnam klach krit dŭt n'hâm!

Ndrom Samƀŭt bơh Yôp 8:3

Mâm ƀư dĭng Brah Ndu juet ăn kue lơi nau di? Mâu lah Nơm Geh Lĕ Nau Brah nsak lơi nau di?

Ndrom Samƀŭt bơh Yôp 9:19

Tơlah ngơi ma nau dăng ktang, Păng jêng Nơm Geh Lĕ Nau Brah! Tơlah ngơi ma nau di, mbu nơm janh phong Păng?

Ndrom Samƀŭt bơh Yôp 9:4

Brah Ndu blau mĭn jêh ri geh nau brah toyh: Mbu moh tâm rdâng đah Păng ƀiălah hôm dơi geh nau đăp mpăn?

Nau Mprơ Ơm 145:3

Brah Yêhôva jêng dŭt toyh jêh ri khư ma nau tâm rnê; Nau dŭt toyh Păng mâu dơi veh ôh.

Nau Mprơ Ơm 30:5

Yorlah nau Păng nuih knŏng ƀât lât, Bi ma nau Păng yô̆ gŭ lôch du njăr rêh. Nau nhĭm nhhiăng văch njưh dôl măng, Ƀiălah tât ơm ôi geh nau răm maak ro.

Nau Mprơ Ơm 62:11

Brah Ndu hŏ lah jêh du tơ̆, Gâp hŏ tăng jêh nau aơ bar tơ̆, Pô aơ nau brah jêng ndơ Brah Ndu.

Nau Mprơ Ơm 62:12

Ơ Kôranh Brah, nau ueh jêng ndơ May, Yorlah May mplơ̆ lơi ma ăp nơm Tĭng nâm nau kan khân păng ƀư.

Nau Mprơ Ơm 65:6

May dŏng nau brah gay rdâk njêng ma phung yôk. May rêt rse bŭt ma nau ktang.

Nau Mprơ Ơm 66:3

Lah hom ma Brah Ndu pô aơ: “Lĕ nau kan May toyh ngăn ngên! Yorlah nau Brah May dŭt toyh, lĕ phung rlăng May mra tâm rnglăp ma May da dê.

Nau Mprơ Ơm 93:1

Brah Yêhôva chiă uănh, Păng nsoh nau rnam. Brah Yêhôva nsoh jêh ri rêt rse bŭt ma nau ktang. Neh ntu dơi njêng nâp, mâu mâp n'gơ ôh.

Nau Mprơ Ơm 99:4

May jêng Hađăch nau brah; May rŏng nau sŏng srăng; Păng rdâk nau di, Ƀư nau phat dôih jêh ri nau di tâm ngih Yakôb.

Nơm Nti 3:11

Lĕ rngôch kan Brah Ndu hŏ ƀư jêng ueh da dê tâm rnôk păng. Nđâp tơlah Brah Ndu n'gân nau n'ho ro tâm nuih n'hâm kon bunuyh, ƀiălah khân păng ăt mâu dơi gĭt rbăng nau kan Păng ƀư ntơm bơh saơm tât nglĕ dŭt.

Nơm Nti 7:24

Moh ndơ ngai ngăn jêh ri jru ir ngăn, Mbu mra dơi joi saơ?

Êsai 45:21

Pôri mbơh hom, jêh ri đă khân păng văch dăch; Ăn khân păng tâm nchră ndrel n'grŭp! Mbu nơm hŏ nkoch nau aơ ntơm bơh kăl e? Mbu nơm mbơh jêh nau aơ bơh saơm? Mâu di hĕ Gâp nơm yơh jêng Brah Yêhôva? Rlau ma Gâp, mâu hôm geh brah êng ôh, Jêng Brah Ndu sŏng srăng jêh ri jêng Nơm Tâm Rklaih; Rlau ma Gâp, mâu hôm geh Nơm êng ôh.

Êsai 63:9

Tâm lĕ rngôch nau rêh ni tât ma ƀon lan Păng, Păng ăt geh nau rêh ni lĕ, Jêh ri tông mpăr tanăp Păng hŏ rklaih jêh khân păng. Yorlah nau rŏng jêh ri nau yô̆ nđach, Păng yơh tâm chuai jêh khân păng; Păng hŏ ut ra-u jêh ri chông leo khân păng dôl tâm lĕ nar rnôk kăl e.

Êsêkiêl 18:23

Kôranh Brah Yêhôva lah: ‘Di lĕ Gâp geh nau maak yor nau khĭt phung ƀai? Mâu di Gâp maak yor păng chalơi trong păng gay dơi rêh lĕ?

Êsêkiêl 18:32

Kôranh Brah Yêhôva lah: ‘Ngăn yơh, Gâp mâu maak djê̆ lê̆ ôh ma nau khĭt phung mra khĭt. Pôri khân may rmal hom gay ma rêh!’”

Êsêkiêl 33:11

Lah hom ma khân păng pô aơ: ‘Kôranh Brah Yêhôva lah: Tĭng nâm Gâp gŭ rêh mro mrăng, Gâp mâu maak ôh ma nau khĭt nơm mhĭk, ƀiălah maak yor nau păng chalơi trong păng jêh ri dơi rêh. Khân may chalơi hom, chalơi trong djơh mhĭk khân may! Mâm ƀư khân may ŭch khĭt, hơi ngih Israel?’

Mathay 6:13

Lơi ta njŭn leo hên tâm nau ndơm ôh, Ƀiălah ăn May rklaih hên bơh nơm tih mhĭk! [Yor ma ƀon bri hađăch, nau brah, nau chrêk rmah jêng ndơ mbơ̆ n'ho ro. Amen.]’

Luka 10:22

Mbơ̆ jao jêh lĕ rngôch nau ma Gâp. Padih Mbơ̆, mâu geh bu dơi gĭt Kon; padih Kon jêh ri mbu moh Kon ŭch tâm mpơl dơi gĭt Mbơ̆.”

Samƀŭt Pôl Njuăl Ăn Ma Phung Nsing Ta Ƀon Rôm 11:33

Ơ! Nau ndrŏng, blau mĭn jêh ri nau gĭt rbăng Brah Ndu khlay ndâp âk ngăn! Nau Păng phat dôih, mbu nơm mâu dơi gĭt, trong Păng mbu nơm mâu dơi gĭt rbăng!

I Timôthê 6:16

jêng Nơm knŏng nguay mâu blau khĭt, gŭ ta nklang nau ang mâu geh ôh nơm dơi hăn dăch, jêng Nơm ê hŏ geh bunuyh saơ mâu lah dơi saơ. Mbơh sơm dăn nau yơk jêh ri nau brah n'ho ro jêng ndơ Păng! Amen.

ហេឞ្រើ 12:10

Yorlah mbơ̆ he tâm nglay săk păng nduyh nkra tĭng nau mĭn păng nơm ŭch knŏng ƀât lât, ƀiălah Brah Ndu nduyh nkra yor ma nau khlay ma he, gay ma he dơi geh du kô̆ tâm nau kloh ueh Păng.