Ndrom Samƀŭt bơh Yôp 37:13 - Nau Brah Ndu Ngơi 2023

¹³ Păng prơh ndâr tŭk hăn, geh tơ̆ gay nduyh nkra, Geh nôk gay djrah neh ntu, Mâu lah ăn nau ueh maak ma kon bunuyh.

Ndrom Samƀŭt bơh Yôp 37:13 ပူးပေါင်းရင်းမြစ်များ

II Samuel 21:10

H'Rispa, kon bu ur Y-Aiya, sŏk du pŏk bok ƀau lăk klơ lŭ dŏng ƀư sưng bê̆ch ma păng nơm. Jêh nây ntơm bơh yan rek kŏ tât tơlah geh dak mih tă bơh trôk nkhŭt jŭr ta săk jăn khĭt khân păng; nôk nar păng nching mâu ăn ôh sĭm tâm trôk drâm klơ khân păng, mâu lah mpô mpa bri văch dăch khân păng dôl măng.

II Samuel 21:14

jêh ri khân păng tâp nting Y-Sôl jêh ri Y-Jônathan tâm môch Y-Kis, mbơ̆ Y-Sôl, ta ƀon Sêla, tâm n'gor Benjamin. Jêh bu ƀư lôch jêh lĕ nau hađăch ntĭnh jêh, Brah Ndu tăng nau bu mbơh sơm ma bri dak.

I Phung Hađăch 18:41

Y-Êli lah ma Y-Ahap: “Jă hađăch hăn hao jêh ri sông sa nhêt, yorlah gâp lĕ tăng jêh nteh tŭp mih.”

I Phung Hađăch 18:45

Tâm ƀât lât, trôk geh ndâr tŭk nkŭm krăk kher, sial khôm rpuh, jêh ri geh mih toyh ngăn. Y-Ahap sĭt ndal ma ndeh seh păng tât ta Jesrêel.

Êsra 10:9

Tâm pe nar, phung Yuđa jêh ri phung Benjamin tâm rƀŭn tay ta ƀon Yêrusalem tâm nar bar jât, khay sĭn. Lĕ rngôch phung ƀon lan gŭ ta ntŭk nkual toyh panăp ngih Brah Ndu, klach râm sâr ma nau nây jêh ri yor mih toyh ngăn.

Ndrom Samƀŭt bơh Yôp 36:31

Păng dŏng lĕ nau nây mât rong lĕ rngôch phung bunuyh; Ăn ndơ sông sa rmeh rmai.

Ndrom Samƀŭt bơh Yôp 37:14

Hơi Y-Yôp, iăt hom nau aơ, Ăn dâk du ntŭk jêh ri n'gơr uănh lĕ kan khlay ngăn ƀơh Brah Ndu ƀư.

Ndrom Samƀŭt bơh Yôp 37:6

Yorlah Păng lah ma glo dak pler: ‘Tŭp hom ta neh ntu’; Jêh ri ndrel ma mih ntâng: ‘Hoch hom nâm bu rbuh dak leng’.

Nau Mprơ Ơm 65:10

May djrah dak ta mbor kai, May ƀư lâng lĕ glo neh. Ăn âk dak mih ƀư ma rdơ̆ neh, Jêh ri ăn nau ueh uĭn ma drăp ndơ.

Yôel 2:23

Hơi phung kon ƀon Siôn, maak răm rhơn hom Tâm Yêhôva Brah Ndu khân may! Yorlah Păng ăn dak mih tŭp yan bôk rah tâm di ăn ma khân may; Nkhŭt dak mih yan bôk rah jêh dak mih kêng dŭt yan Jŭr ăn ma khân may nâm bu saơm.