Ndrom Samƀŭt bơh Yôp 36:31 - Nau Brah Ndu Ngơi 2023

³¹ Păng dŏng lĕ nau nây mât rong lĕ rngôch phung bunuyh; Ăn ndơ sông sa rmeh rmai.

Ndrom Samƀŭt bơh Yôp 36:31 ပူးပေါင်းရင်းမြစ်များ

Nau Ntơm 19:24

Brah Yêhôva ƀư ăn mih luh mô ŭnh jêh ri ŭnh Brah Yêhôva bơh klơ trôk tŭp ta Sôdôm jêh ri Gômôrơ,

Nau Ntơm 6:17

Bi Gâp, Gâp mra ăn dak lêng tât ta neh ntu gay ƀư rai lĕ rngôch nglay săk geh n'hâm nsôr gŭ tâm dâng trôk. Lĕ rngôch mpa klơ neh mra khĭt.

Ndrom Samƀŭt bơh Yôp 36:30

Ri, Păng ăn nchrat ang jŭm Păng Jêh ri nkŭm ndâp tâm dâng săt dak mƀŭt jru.

Ndrom Samƀŭt bơh Yôp 37:13

Păng prơh ndâr tŭk hăn, geh tơ̆ gay nduyh nkra, Geh nôk gay djrah neh ntu, Mâu lah ăn nau ueh maak ma kon bunuyh.

Nau Mprơ Ơm 136:25

Păng ăn đŏng ndơ sông sa ma lĕ rngôch nglay săk, Yor nuih n'hâm ueh Păng hôm tât n'ho ro.

Kôranh Oh Mon 14:17

Nđâp lah pônây, Păng vay nkoch ƀaƀơ ma Păng nơm dôl Păng ăn nau ueh uĭn, ăn dak mih jŭr tă bơh klơ trôk, ăn ma yan geh play âk, ndơ sông sa âk rmeh, ƀư ma nuih n'hâm khân may bêng ma nau răm maak.”

Nau Vay Nkah Tay 8:15

Păng hŏ njŭn leo jêh khân may hăn rgăn bri rdah dŭt toyh dŭt krit kir, nkual neh nđang mâu geh dak, bêng ma bêh ŭnh jêh ri ndŭr vơng. Păng ƀư ăn dak luh bơh lŭ kranh ngăn hoch ma khân may.

Nau Vay Nkah Tay 8:2

Ăn khân may kah gĭt tay tâm du njăr trong tâm bri rdah Yêhôva Brah Ndu hŏ njŭn leo khân may hăn puăn jât năm aơ, Păng n'hŭch khân may jêh ri rlong uănh khân may gay gĭt rah vah tâm nuih n'hâm khân may, gĭt lah geh djôt prăp nau vay Păng ntăm mâu lah mâu.

Yôsuê 10:11

Dôl khân păng nchuăt du panăp phung Israel, Brah Yêhôva ƀư ăn lŭ toyh tă bơh trôk tŭp ta trong ntơm bơh sop Bet-Hôron tât ta Asêka, jêh ri khân păng khĭt da dê. Rnoh phung khĭt yor mih tŭp pler jêng âk lơn ma rnoh phung khĭt ma đao phung tahan Israel.

I Samuel 12:18

Jêh nây Y-Samuel vơl dăn ma Brah Yêhôva. Tâm nar nây, Brah Yêhôva ƀư lơp nglaih jêh ri dak mih. Lĕ rngôch phung ƀon lan klach yơk ngăn ma Brah Yêhôva jêh ri ma Y-Samuel.

I Samuel 2:10

Mbu nơm rdâng đah Brah Yêhôva mra chah rai! Tă bơh klơ trôk nđôch, Brah Yêhôva mra nkhŭt nglaih dah khân păng. Păng mra phat dôih lĕ rngôch bunuyh ƀon lan ta klơ neh ntu, Ăn nau dơi ma nơm Păng săch jêng hađăch, Jêh ri ăn nau dăng ktang rmeh ler ma nơm Păng tŏ dak ƀâu kah.”

I Samuel 7:10

Dôl Y-Samuel nhhơr ndơ ƀư brah gŭch, phung Philistin văch dăch ŭch tâm lơh đah phung Israel. Ƀiălah tâm nar nây Brah Yêhôva ƀư ăn lơp nglaih dah ƀhing ƀhing ma phung Philistin, ƀư ma khân păng uh ah, jêh ri khân păng roh nau dơi ta tra năp phung Israel.