Ndrom Samƀŭt bơh Yôp 36:24 - Nau Brah Ndu Ngơi 2023

²⁴ Kah gĭt tâm rnê hom ma kan Kôranh Brah Kon bunuyh vay mprơ tâm rnê.

Ndrom Samƀŭt bơh Yôp 36:24 ပူးပေါင်းရင်းမြစ်များ

I Nau Rêh Jêng 16:9

Mprơ hom ma Păng, tâm rnê hom ma Păng! Mĭn rvê hom lĕ rngôch nau kan khlay Păng!

Ndrom Samƀŭt bơh Yôp 36:25

Lĕ rngôch bunuyh n'gơr uănh nau kan nây da dê; Ăp nơm uănh păng ntơm bơh ngai.

Nau Mprơ Ơm 104:24

Ơ Brah Yêhôva, kan May âk ngăn ngên! May njêng jêh lĕ rngôch ma nau blau mĭn; Neh ntu bêng ma ndơ May njêng.

Nau Mprơ Ơm 107:15

Ăn bu tâm rnê lah ueh ma Brah Yêhôva yor nuih n'hâm ueh Păng, Jêh ri yor nau mbên khlay Păng ƀư jêh ma phung kon bunuyh!

Nau Mprơ Ơm 107:8

Ăn bu tâm rnê lah ueh ma Brah Yêhôva yor nuih n'hâm ueh Păng, Jêh ri yor lĕ nau mbên khlay Păng ƀư jêh ma phung kon bunuyh!

Nau Mprơ Ơm 111:8

Dơi ndâk nâp n'ho ro dŭt ngăn Jêh ri ƀư tâm nau răp jăp jêh ri nau sŏng.

Nau Mprơ Ơm 138:5

Nanê̆, khân păng mra tâm rnê ma trong Brah Yêhôva, Yorlah nau chrêk rmah Brah Yêhôva jêng dŭt toyh.

Nau Mprơ Ơm 28:5

Yorlah khân păng mâu gĭt năl ôh lĕ nau kan Brah Yêhôva, Jêh ri kan ndâk ti Păng ƀư. Păng mra ƀư rlâm khân păng, Mâu hôm rdâk khân păng đŏng ôh.

Nau Mprơ Ơm 34:3

Yơk mbah Brah Yêhôva ndrel ma gâp. Phung he ndrel n'grŭp tâm rnê ma amoh Păng.

Nau Mprơ Ơm 59:16

Ƀiălah gâp mra mprơ ma nau ktang May; Ơm ôi gâp mra mprơ huy ma nau ueh May Yorlah May jêng pôih gâp, Ntŭk gŭ krap tâm nôk rêh ni.

Nau Mprơ Ơm 72:18

Khư mprơ tâm rnê ma Yêhôva Brah Ndu jêng Brah Ndu phung Israel. Knŏng du huê Păng ƀư lĕ kan khlay ngăn!

Nau Ngluh Êjipt 15:1

Aƀaơ, Y-Môis jêh ri phung ƀon lan Israel mprơ nau mprơ aơ ma Brah Yêhôva: “Gâp mprơ tâm rnê Brah Yêhôva, Yorlah Păng dŭt prêh ma nau rnam ngăn. Păng hŏ mƀăr jêh tâm dak mƀŭt, Seh jêh ri phung tahan ncho seh.

Yêrêmi 10:12

Brah Yêhôva yơh hŏ rhăk njêng jêh neh ntu ma nau brah Păng, Ndâk njêng neh ntu bơh nau blau mĭn Păng, Lăk huy lĕ ndâr trôk bơh nau gĭt rbăng Păng.

Daniel 4:3

Ơ! Lĕ nau mbên klay Păng toyh ngăn ngên, Lĕ nau khlay Păng mâu blau ntĭt ôh! Ƀon bri hađăch Păng jêng ƀon bri hađăch n'ho ro, Nau Păng chiă uănh gŭ tâm lĕ rngôch rnôk.”

Daniel 4:37

Aƀaơ aơ, gâp, Y-Nêbukatnetsar mprơ tâm rnê, mât ton jêh ri yơk ma hađăch tâm Trôk Yorlah lĕ nau kan Păng jêng nanê̆ ngăn da dê Jêh ri lĕ trong Păng jêng sŏng da dê. Mbu nơm hăn tâm nau sưr Păng mra ntrŭnh.

Luka 1:46

H'Mari lah: “Huêng gâp tâm rnê ma Kôranh Brah,

Nau Vay Nkah Tay 4:19

Lah khân may n'gơr măt klơ trôk, jêh ri khân may saơ nar, khay, lĕ mănh mbing, lĕ rngôch phung tahan tâm trôk, lơi ăn bu đŏt rdu khân may chon mbah mâu lah yơk mbah ma khân păng, yorlah ndơ nây knŏng jêng ndơ Yêhôva Brah Ndu khân may hŏ ăn jêh ma lĕ rngôch phung ƀon lan gŭ tâm dâng neh.

Nau Tâm Mpơl 15:3

Khân păng mprơ nau mprơ Y-Môis, oh mon Brah Ndu, jêh ri nau mprơ Kon Biăp pô aơ: “Ơ Kôranh Brah Ndu Geh Lĕ Nau Brah! Kan May dŭt toyh jêh ri khlay ngăn! Ơ Hađăch lĕ rngôch rnôk n'ho ro, Trong May jêng sŏng srăng jêh ri nanê̆ ngăn!

Phung Kôranh Phat Dôih 5:1

Tâm nar nây, H'Dêbôra mprơ nau mprơ nây ndrel ma Y-Barak, kon bu klâu Y-Abinôam: