Ndrom Samƀŭt bơh Yôp 33:17 - Nau Brah Ndu Ngơi 2023

¹⁷ Gay têk kon bunuyh bơh nau khân păng mĭn ŭch ƀư, Jêh ri djôt prăp khân păng bơh nau sưr rlau.

Ndrom Samƀŭt bơh Yôp 33:17 ပူးပေါင်းရင်းမြစ်များ

Nau Ntơm 20:3

Ƀiălah tâm nôk măng, Brah Ndu tâm mpơl ma Y-Abimêlek tâm nau mbơi jêh ri lah ma păng: “May mra khĭt yor bu ur may hŏ nhŭp. Păng lĕ geh sai jêh.”

Nau Ntơm 20:6

Brah Ndu lah ma hađăch tâm nau mbơi: “Gâp gĭt may ƀư nau nây ma nuih n'hâm sŏng. Yor nây, Gâp nơm yơh hŏ mâu ăn may ƀư tih đah Gâp, jêh ri mâu ăn ôh may pah păng.

II Nau Rêh Jêng 32:25

Ƀiălah Y-Hêsêkia mâu kah gĭt lah ueh nau Brah Yêhôva ƀư jêh ma păng, yorlah nuih n'hâm păng sưr yor nây Kôranh Brah ji nuih tât ma păng nđâp ma phung Yuđa jêh ri Yêrusalem.

Ndrom Samƀŭt bơh Yôp 17:11

Ăp nar gâp rlau lôch, nau gâp ndrăp mĭn roh hêng Nđâp ma lĕ nau gâp ŭch mĭn bơh nuih n'hâm.

Ndrom Samƀŭt bơh Yôp 33:16

Nôk nây, Păng pơk trôm tôr kon bunuyh, Tâp pŏng lĕ Nau ntăm nti,

Ndrom Samƀŭt bơh Yôp 33:18

Gay rklaih huêng khân păng dơi klaih bơh ntu jru, Jêh ri nau rêh khân păng klaih bơh đao.

Nơm Nti 8:6

Yorlah lĕ rngôch nau kan geh tâm nal da dê jêh ri gĭt nau ndrăp, Nđâp tơlah geh âk nau rung răng jêr n'grŭn mpet jâk ta klơ kon bunuyh.

Êsai 2:11

Muh măt kon bunuyh sưr rlau bu mra n'glưh lơi, Nau sưr rlau kon bunuyh mra chŭn; Tâm nar nây, Knŏng du huê Brah Yêhôva dơm geh nau yơk prêh.

Êsai 23:9

Brah Yêhôva ma phung tahan yơh hŏ dăp nal nau nây, Gay ma ntrŭnh nau sưr lĕ rngôch nau chrêk rmah, Gay ƀư bêk lĕ rngôch phung bu yơk ta neh ntu.

Ndrom Samƀŭt bơh Ôsê 2:6

Yor nây, Gâp mra sŏk pôm lok nchăng trong păng, Ndâk du mlâm mpêr jŭm păng Ăn păng mâu dơi saơ trong hăn ôh.

Mathay 27:19

Rlau ma nây, dôl păng gŭ ta ntŭk phat dôih, ur păng njuăl bu lah ma păng pô aơ: “Lơi ta pah bi ma bunuyh sŏng srăng nây, yor ma bunuyh nây măng aơ gâp geh nau ji ta nuih n'hâm hâu ngăn tâm nau mbơi.”

II Kôrintô 12:7

Gay mât gâp lơi sưr ma lĕ nau tâm mpơl khlay ngăn nây, du njăr lok tôt jêh tâm nglay săk gâp; du huê nơm mbơh bơh Satan hŏ dong gâp gay lơi ăn gâp sưr rlau.

Nau Vay Nkah Tay 8:16

Tâm bri rdah Păng ăn ma khân may sa mana, ndơ sa phung chô yau khân may ê hŏ tă gĭt ôh, gay ma khân may dơn nau rêh ni ji ngot jêh ri nau rlong uănh, gay nglĕ dŭt ăn ma nau ueh uĭn ma khân may.

Yakơ 4:10

Ntrŭnh hom săk jăn khân may tanăp Kôranh Brah ri mơ Păng mra n'hao khân may klơ.