Ndrom Samƀŭt bơh Yôp 29:13 - Nau Brah Ndu Ngơi 2023

¹³ Bunuyh ndrel tâm nau rêh ni lĕ dăch khĭt hôm ăn nau ueh uĭn ma gâp, Gâp ƀư an nau mprơ hâk răm ăn hao tâm nuih n'hâm bu ur ndrô.

Ndrom Samƀŭt bơh Yôp 29:13 ပူးပေါင်းရင်းမြစ်များ

Ndrom Samƀŭt bơh Yôp 22:9

Phung bu ur ndrô may mprơh sǐt ti dơm, Phung kon đơi may chalơi mâu hôm geh ntŭk nsing rnơm.

Nau Mprơ Ơm 67:4

Ăn lĕ rngôch bunuyh răm maak jêh ri hâk maak mprơ tâm rnê, Yorlah May mra phat dôih lĕ mpôl băl bunuyh ma nau sŏng Jêh ri njŭn leo lĕ bunuyh tâm neh ntu. (Sêla)

Nau Hôr 11:26

Ƀon lan rak rtăp ma nơm prăp kuăn ba phe ma păng nơm, Ƀiălah ăn nau ueh uĭn ma bunuyh tăch lơi păng.

Êsai 27:13

Tâm nar nây, bu mra uh nŭng toyh. Nôk nây, phung nhhơt jêh tâm bri Asiri jêh ri phung bu nsot jêh ta bri Êjipt mra văch yơk mbah ma Brah Yêhôva ta yôk kloh ueh ta ƀon Yêrusalem.

Êsai 65:14

Aơ, phung oh mon Gâp mra mprơ yor nuih n'hâm maak, Bi khân may mra nter vơl yor nuih n'hâm bêng ma nau rngot, Jêh ri mra nhĭm nhhiăng yor huêng khân may rai yot.

Nau Vay Nkah Tay 16:11

Ăn khân may nđâp ma phung kon bu klâu, kon bu ur, nơm kơl kan bu klâu jêh ri bu ur khân may, phung Lêvi gŭ tâm ƀon khân may, bu năch, kon đơi, jêh ri bu ur ndrô gŭ ta nklang khân may, răm maak hom văch rƀŭn ta ntŭk Yêhôva Brah Ndu mra săch gay ăn amoh Păng gŭ ta nây.

Nau Vay Nkah Tay 24:13

Mplơ̆ tay hom blah ao jâr ma bunuyh nây lah nar lĕ nhâp gay ăn ma păng ntâk bê̆ch jêh ri ăn nau ueh uĭn ma khân may; nây jêng nau sŏng srăng ma khân may tanăp măt Yêhôva Brah Ndu khân may.

Nau Vay Nkah Tay 26:5

Jêh nây, ăn khân may ngơi tanăp Yêhôva Brah Ndu pô aơ: ‘Chô yau hên jêng du huê bunuyh Aram nsong mblêng jŭr ta Êjipt, gŭ njưh ƀât lât ta nây đah du phung djê̆, ƀiălah bơh ta nây lĕ plăch jêng du ndŭl mpôl toyh, ktang jêh ri bĭk âk.

ផីលេមោន 1:7

Ơ nâu, nau may rŏng hŏ njŭn leo tay nau bonh leng jru ngăn ma gâp, yorlah tă bơh may nuih n'hâm phung kloh ueh geh nau ndrêh mhe.

Bu ur Rut 2:20

H'Naômi lah ma ƀăn păng pô aơ: “Dăn ma Brah Yêhôva ăn nau ueh uĭn ma Y-Bôas yorlah Păng mâu blau dŭt ăn nau yô̆ ma phung rêh jêh ri phung khĭt!” H'Naômi lah tay: “Bu klâu nây jêng ndŭl mpôl đah he, jêng du huê tâm phung geh nau dơi chuai drăp ndơn bơh he.”