Ndrom Samƀŭt bơh Yôp 27:23 - Nau Brah Ndu Ngơi 2023

²³ Sial tap ti gơm mưch ma păng, Lŭng nter gay mprơh du păng luh bơh ntŭk păng gŭ.”

Ndrom Samƀŭt bơh Yôp 27:23 ပူးပေါင်းရင်းမြစ်များ

I Phung Hađăch 9:8

Nđâp tơlah nar aơ ngih brah aơ toyh ueh ngăn ngên ƀiălah păng mra rlâm rai, lĕ rngôch bunuyh hăn rgăn ta ngih aơ mra hih rhâl ngăn, gơm mpray jêh ri lah: ‘Mâm dĭng Brah Yêhôva hŏ ƀư jêh ăn ma n'gor bri aơ jêh ri ma ngih aơ kơt nây?’

Ndrom Samƀŭt bơh Yôp 18:18

Păng lĕ bu mprơh bơh nau ang gay lăp tâm ntŭk nau ngo, Jêh ri bu mprơh lơi bơh neh ntu.

Ndrom Samƀŭt bơh Yôp 20:8

Păng mpăr nâm bu du nau mbơi, mâu geh ôh bunuyh dơi joi tay; Bu ntrŭt lơi nâm bu nau tâm saơ dôl măng.

Ndrom Samƀŭt bơh Yôp 28:1

“N'hêl nanê̆ dơi geh ntŭk gay ma sŏk prăk, Geh ntŭk gay ma krĕt mah.

Ndrom Samƀŭt bơh Yôp 34:37

Păng hŏ ntop jêh nau tih tâm rdâng tâm nau tih păng, Tap ti gơm mpray nau rêh ta nklang phung he, Jêh ri lơ hâu ntop nau sưr rlau đah Brah Ndu.”

Ndrom Samƀŭt bơh Yôp 7:10

Khân păng mâu plơ̆ sĭt ma ngih khân păng nơm đŏng, Ntŭk khân păng gŭ mâu hôm geh bunuyh gĭt.

Nau Hôr 11:10

Lah bunuyh sŏng srăng geh nau ueh uĭn, lĕ rngôch toyh răm maak, Jêh ri lah phung ƀai rai yot pôri geh bâr troh rhơn.

Yêrêmi 19:8

Gâp mra njêng ƀon aơ ma nau rai, ƀư nau gơm ma neh ntu; bunuyh prot rgăn hih rhâl da dê jêh ri gơm mưch yorlah lĕ rngôch nau sôt rmanh păng.

Nau Nhĭm Vơl 2:15

Lĕ rngôch bunuyh rgăn rŏ trong Tap ti, nsŭch, rteh bôk, Ntêh rmot bu ur druh ƀon Yêrusalem: “Di lĕ aơ jêng ƀon toyh bu ntơ: ‘Nau ueh reh rah vah ngăn, Nau răm rhơn ma lĕ rngôch neh ntu’ lĕ?”

Êsêkiêl 25:6

Yorlah Brah Yêhôva lah: ‘Yorlah may hŏ tap ti, ntrâm jâng, nuih n'hâm bêng ma nau gơm mưch jêh ri răm maak tâm rdâng đah bri neh Israel,

Mika 6:16

Yorlah may hŏ djôt prăp jêh nau vay Y-Ômri Jêh ri hăn tĭng lĕ kan ngih Y-Ahap ƀư; May chuat hăn tâm nau khân păng nchră ndơm; Yor ri, Gâp ƀư ăn may jêng rngol, Phung ƀon lan may bu mra nsŭch, Jêh ri khân may mra anh nau prêng phung ƀon lan Gâp.

Nahum 3:19

Sôt rmanh may mâu geh ôh dak si ƀư bah, Sôt rmanh may dŭt glăm ngăn. Lĕ rngôch phung tăng nau nkoch ma may bu tap ti da dê, Yorlah mbu nơm dơi klaih tă bơh nau may chiă uănh ƀư djơh mro?

Sôphôni 2:15

Ƀon toyh aơ răm maak hŏ gŭ jêh ma nau mpăn lah êng pô aơ: “Gâp aơ, padih gâp mâu hôm geh bunuyh êng ôh!” Ƀiălah aƀaơ păng lĕ jêng rngol jêh, Ƀư ntŭk ma phung mpô mpa bri bê̆ch kuen! Ăp bunuyh hăn rgăn gơm mưch rvêh ti nsŭch da dê!

Nau Tâm Mpơl 18:20

Hơi trôk, răm maak hom yorlah păng! Hơi phung kloh ueh, phung kôranh oh mon, jêh ri phung nơm mbơh lor răm maak hom đŏng! Yorlah Brah Ndu tâm rmal jêh păng tĭng nâm nau păng ƀư jêh đah khân may!”