Ndrom Samƀŭt bơh Yôp 24:18 - Nau Brah Ndu Ngơi 2023

¹⁸ Ƀiălah khân păng knŏng nâm bu ndơ mpŭnh klơ n'ha dak; Drăp ndơn khân păng tâm n'gor bu rak rtăp; Mâu hôm geh bunuyh lăp tâm đang krăk ƀâu khân păng đŏng ôh.

Ndrom Samƀŭt bơh Yôp 24:18 ပူးပေါင်းရင်းမြစ်များ

Ndrom Samƀŭt bơh Yôp 22:11

Nau ngo nkŭm lơi ƀư ma may uănh mâu saơ; Dak lip bŭk nkrâm may.

Ndrom Samƀŭt bơh Yôp 22:16

Khân păng bu mra pih kloh lĕ êlor nar tâm nal, Ntŭk mbon khân păng lĕ dak rdu tǐng n'hong dak;

Ndrom Samƀŭt bơh Yôp 24:11

Khân păng păt dak ngi ta nklang bar rlat lŭ, Jot krăk ƀâu tâm thŭng ƀiălah trô ko ji hir.

Ndrom Samƀŭt bơh Yôp 24:6

Khân păng rgum rhe kro tâm mir, Dônh mban play krăk ƀâu tâm đang phung ƀai.

Ndrom Samƀŭt bơh Yôp 27:20

Krit klach tât ndal nâm bu dak lip; Bri măng phŭt chuănh rdu păng.

Ndrom Samƀŭt bơh Yôp 5:3

Gâp saơ jêh phung rluk mâl chăt reh, Ƀiălah gâp rak rtăp ro ntŭk păng gŭ.

Ndrom Samƀŭt bơh Yôp 9:26

Khân păng rgăn ngăch nâm bu rkĭt tơm rpho, Nâm bu klang ƀŭng jŭr pah mpa sa.

Nau Mprơ Ơm 58:7

Ăn khân păng jêng roh rai nâm bu dak hoch! Tơlah khân păng van na, ăn hăr khân păng lĕ ƀâl jêh!

Nau Mprơ Ơm 69:22

Ăn sưng sông sa khân păng jêng dăk sân ma khân păng nơm; Jêh ri ndơ ƀư brah khân păng jêng jal ma mĭt jiăng khân păng.

Nau Hôr 3:33

Nau Brah Yêhôva rak rtăp gŭ tâm ngih phung ƀai, Ƀiălah Păng ăn nau ueh uĭn ma ngih nơm sŏng srăng.

Êsai 23:10

Ơ kon bu ur ƀon Tarsis, hăn rgăn hom bri neh khân ay, Tâm ban ma kuĭl dak krong Nil. Mâu hôm geh nau nhŭp kât ôh.

Malachi 2:2

Tơlah khân may mâu iăt ôh, jêh ri mâu mĭn ôh nhhơr nau chrêk ma lơp ma amoh Gâp pôri Gâp mra rak rtăp khân may, jêh ri mra rgâl nau ueh uĭn khân may jêng nau rak rtăp. Ngăn ro, Gâp hŏ rak rtăp jêh, yorlah khân may mâu mĭn ôh nau yơk ma Gâp.” Brah Yêhôva ma phung tahan lah kơt nây.