Ndrom Samƀŭt bơh Yôp 20:19 - Nau Brah Ndu Ngơi 2023

¹⁹ Yorlah păng hŏ tŭn jot jêh ri mâu chrê ôh phung o ach, Pit in ngih vâl mâu geh ôh păng ndâk.

Ndrom Samƀŭt bơh Yôp 20:19 ပူးပေါင်းရင်းမြစ်များ

I Phung Hađăch 21:19

Ăn may lah ma Y-Ahap pô aơ: ‘Brah Yêhôva lah: Mâu di hĕ may hŏ nkhĭt bunuyh, jêh nây pit rvan drăp ndơn păng?’ Ăn may lah tay: ‘Brah Yêhôva lah: Ta ntŭk so hŏ ler jêh mham Y-Nabôt, so mra ler mham may nơm đŏng.’”

Ndrom Samƀŭt bơh Yôp 18:15

Phung mâu jêng ndơ păng mra gŭ tâm ngih bok păng nây; Bi ma lŭ mô ŭnh sui mbrach lam ntŭk păng gŭ.

Ndrom Samƀŭt bơh Yôp 22:6

Yorlah may nchâp oh nâu may ăn ndơ nchăm mâu geh nau, Doh rhôk khân păng mâu hôm geh bok ao nkŭm săk.

Ndrom Samƀŭt bơh Yôp 35:9

Geh âk ir nau tŭn jot ƀư ma bu lŭng nter, Yor phung djơh tŭn jot dĭng bu kuăl kơl rklaih.

Nau Mprơ Ơm 10:18

Gay ƀư nau di ma phung kon đơi jêh ri phung bu tŭn jot, Ƀư ăn kon bunuyh ơm tă bơh ndruyh neh, mâu hôm klach đŏng ôh.

Nau Mprơ Ơm 12:5

Yorlah bu tŭn jot phung rêh ni jêh ri phung pưt kƀah rđêng nđor, Yor ri Brah Yêhôva lah: “Aƀaơ Gâp mra dâk, Dơm khân păng ta ntŭk đăp mpăn ntŭk khân păng gŭ kâp.”

Nau Mprơ Ơm 12:6

Nau Brah Yêhôva ton jêng nau ngơi kloh, Nâm bu prăk bu hŏ rlong jêh tâm ŭnh năk ma neh bŏk, Ƀư kloh tât pơh tơ̆.

Nau Hôr 14:31

Phung tŭn jot bunuyh o ach suai rak ma Nơm rhăk njêng păng, Mbu nơm yô̆ an ma bunuyh o ach jêng nau yơk ma Păng.

Nơm Nti 4:1

Gâp plơ̆ sek uănh tay lĕ rngôch nau tŭn jot nau tât geh tâm dâng nar: Ri, phung bu tŭn jot hoch hor dak măt Mâu geh nơm bonh leng khân păng! Phung tŭn jot mƀin nsing ma nau dơi, Ƀiălah phung bu tŭn jot mâu geh nơm bonh leng!

Nơm Nti 5:8

Dôl may saơ tâm du n'gor geh phung o ach bu tŭn jot, nau sŏng jêh ri nau di bu jot rchal, lơi ta hih rhâl ôh ma nau nây; yorlah du hê kôranh toyh geh kôranh toyh lơn nking n'gang jêh ri ta klơ khân păng hôm e geh kôranh toyh lơn đŏng.

Nau Nhĭm Vơl 3:34

Lah bu jot plên Lĕ rngôch bunuyh bu nă tâm n'gor,

Êsêkiêl 22:29

Phung ƀon lan tâm n'gor bri ƀư nau dăng ktang, ƀư tih nau ntŭng ndô ndơ bu, rkhŭk phung o ach, phung mâu geh ndơ jêh ri tŭn jot bunuyh gŭ njơh ƀât lât, mâu ƀư nau tâm di.

Amôt 5:11

Yorlah khân may tŭn jot bunuyh o ach, Jêh ri đă khân păng chê̆ pi ba ƀlê; Yor ri, lĕ ngih khân may ndâk ma lŭ trah Ƀiălah khân may mâu mra gŭ ôh, Khân may hŏ tăm jêh lĕ đang krăk ƀâu kah njŭng, Ƀiălah mâu mra nhêt ndrănh păng ôh.

Amôt 5:12

Yorlah Gâp gĭt nau ƀư tih khân may âk ir, Nau tih khân may mâu hôm dơi kơp; Khân may tŭn jot phung sŏng srăng, Dơn sŏk drăp bu blŏl, Jêh ri mâu koh dŏng nau di ma phung o ach tâm ntŭk mpông ƀon.

Mika 2:2

Khân păng kơnh neh mir jêh ri pit in lơi, Khân păng kơnh ngih vâl jêh ri sŏk lơi. Khân păng tŭn jot bu jêh ri ngih vâl khân păng Jêng bunuyh jêh ri drăp ndơ khân păng.

Mika 2:9

Khân may mprơh du lơi phung bu ur ƀon lan Gâp Tă bơh ngih ueh maak khân păng Sŏk lơi nau chrêk rmah Gâp Tă bơh phung kon khân păng n'ho ro.

Nau Vay Nkah Tay 28:33

Du phung ndŭl mpôl khân may mâu mâp gĭt năl ôh mra sa lĕ ro play kao bơh n'gor khân may jêh ri bơh lĕ n'hâm suan khân may pah kan; bu mra tŭn jot jêh ri jot nkrâm khân may ƀaƀơ,

Yakơ 2:13

Yorlah mbu nơm mâu tâm mpơl nuih n'hâm yô̆ nđach mra geh nau phat dôih tâm nau mâu yô̆ nđach; ƀiălah nau yô̆ dơi đah nau phat dôih.

Yakơ 2:6

Ƀiălah khân may mưch rmot ma phung o ach. Mâu di phung ndrŏng hĕ tŭn jot khân may, têk khân may văch tanăp ntŭk ngih phat dôih?

Yakơ 5:4

Aơ, prăk nkhôm phung rek ba nkhôm tâm lôk mir khân may, khân may ntŭng prăp ma khân may nơm, dôl lŭng nter; jêh ri bâr nteh phung rek nây hao tât ta tôr Kôranh Brah geh lĕ nau brah.