Ndrom Samƀŭt bơh Yôp 1:16 - Nau Brah Ndu Ngơi 2023

¹⁶ Bunuyh aơ dôl hôm ngơi, du huê bunuyh êng văch mbơh: “Ŭnh Brah Ndu tă bơh klơ trôk jŭr su lĕ phung biăp jêh ri phung oh mon, hôm e du huê gâp klaih nchuăt sĭt mbơh nau ma may.”

Ndrom Samƀŭt bơh Yôp 1:16 ပူးပေါင်းရင်းမြစ်များ

Nau Ntơm 19:24

Brah Yêhôva ƀư ăn mih luh mô ŭnh jêh ri ŭnh Brah Yêhôva bơh klơ trôk tŭp ta Sôdôm jêh ri Gômôrơ,

I Phung Hađăch 18:38

Ŭnh Brah Yêhôva trŭnh bơh klơ, su ndơ ƀư brah gŭch, long, lŭ, ndruyh neh, jêh ri djrêp lơi dak tâm n'hor.

II Phung Hađăch 1:10

Ƀiălah Y-Êli plơ̆ lah ma kôranh ma prăm jât nuyh tahan: “Tơlah gâp jêng bunuyh Brah Ndu, dăn ŭnh tă bơh trôk jŭr su may ndrel ma prăm jât bunuyh tahan may!” Ŭnh tă bơh trôk ro su kôranh nây jêh ri prăm jât bunuyh tahan păng.

II Phung Hađăch 1:12

Ƀiălah Y-Êli plơ̆ lah: “Tơlah gâp jêng bunuyh Brah Ndu, dăn ŭnh tă bơh trôk su may ndrel ma prăm jât nuyh tahan may!” Ŭnh Brah Ndu tă bơh trôk ro su kôranh nây jêh ri phung prăm jât bunuyh tahan păng.

II Phung Hađăch 1:14

Aơ, ŭnh tă bơh trôk hŏ su jêh bar hê phung kôranh lor ndrel ma phung prăm jât bunuyh tahan khân păng. Ƀiălah aƀaơ ri, dăn ma may uănh khlay nau rêh gâp.”

Nau Mprơ Ơm 45:3

Hơi hađăch geh nau dơi, cheng hom đao ta bŭt; Tâm nau chrêk rmah jêh ri nau hit rnam may.

Nau Ngluh Êjipt 9:28

Mbơh sơm hom ma Brah Yêhôva gay ma bah nglaih jêh ri mih tŭp pler, jêh nây gâp mra ăn khân may hăn, mâu hôm gŭ đŏng ôh!”

Kan Lêvi 10:2

Du chiông ŭnh luh tă bơh tanăp Brah Yêhôva su bar hê nây; khân păng khĭt tanăp Brah Yêhôva.

Kan Lêvi 9:24

Du chiông ŭnh luh tă bơh tanăp Brah Yêhôva jêh ri su lĕ ndơ ƀư brah gŭch jêh ri ngi ta klơ nơng ƀư brah. Tơlah lĕ rngôch phung ƀon lan saơ nau nây, lĕ rngôch bunuyh ƀon lan nter răm maak jêh ri chon mon ta neh.

Amôt 7:4

Kôranh Brah Yêhôva tâm mpơl ma gâp pô aơ: Aơ, Kôranh Brah Yêhôva njuăl nau phat dôih ma ŭnh; păng ƀư suăt kro ntu jru jêh ri sa rvăn lĕ neh.

Nau Tâm Mpơl 13:13

Păng ƀư âk nau mbên khlay toyh, kŏ tât ƀư ăn ŭnh tă bơh trôk tŭp jŭr ta neh ntu tanăp lĕ rngôch bunuyh.

I Samuel 14:15

Nau klach tât tâm lam pôih tahan, tâm mir, jêh ri tâm lĕ phung ƀon lan Philistin. Phung tahan tâm pôih tâm ban đŏng phung tahan hăn lơh ntŭng krit da dê, neh n'gơ n'găr. Nây jêng nau krit toyh ngăn bơh Brah Ndu ƀư.