Nau Tâm Mpơl 8:3 - Nau Brah Ndu Ngơi 2023

³ Geh du huê tông mpăr êng djôt khăl mah ndơ ƀâu kah văch dăch nơng ƀư brah. Bu ăn ma păng âk ndơ ƀâu kah gay ma păng nhhơr ndrel ma lĕ nau mbơh sơm bơh lĕ rngôch phung kloh ueh ta nơng ƀư brah mah gŭ panăp sưng hađăch.

Bunong Bible Latin Script Cambodian dialect

³ Geh đŏng du huê tông păr văch dâk ta nsưng jan brah ri, nđâp ma ndjôt du mlŏm khăl mayh. Bu ăn ma păng ndơ ƀô kah ŏk ngăn ma gŭch, gay ma gŭch nhhơr, ndrel ma nau mbơh sơm phung ƀon lan Kôranh Brah ta kalơ nsưng jan brah mayh i bơh năp rnơl kađăch nây.

Bunong

³ គែស​ដ៝ង់​ទូ​ហ្វេ​តោង​ពារ់​វាច់​ទ៝ក់​តា​ញឆឺង​ជាន​ឞ្រាស​រី នអ៝ប់​មា​ញអោត​ទូ​មល៝ម់​ខាល់​មាយ្ស។ ឞូ​អ៝ន់​មា​ពាង់​នទើ​បោ​កាស​អ៝ក់​ងាន់​មា​គុច គៃ​មា​គុច​ញហើរ នទ្រែល​មា​នាវ​មឞើស​ឆើម​ផូង​ប៝ន​លាន​កោរាញ​ឞ្រាស​តា​កាលើ​ញឆឺង​ជាន​ឞ្រាស​មាយ្ស​អី​ឞើស​នាប់​រានើល​កាដាច់​នៃ។

Nau Tâm Mpơl 8:3 ပူးပေါင်းရင်းမြစ်များ

I Phung Hađăch 7:50

lĕ ngan grưng, katrei nkăp brai ŭnh kađen, khăl, ngan pala dơm buh jêh ri ngan pala dơm ônh rnga ƀư ma mah chrêk da dê; lĕ lăk-lê khan mpông lăp tâm trôm dŭt ngih brah, jêng Ntŭk Dŭt Kloh Ueh, jêh ri mpông luh lăp ngih brah ƀư đŏng ma mah da dê.

Nau Mprơ Ơm 141:2

Ăn nau gâp mbơh sơm jêng nâm bu ndơ ƀâu kah nhhơr tanăp May, Jêh ri ti gâp yơr nâm bu ndơ ƀư brah mhaơ!

Nau Ngluh Êjipt 40:26

Păng dơm đŏng nơng ƀư brah ma mah tanăp blah bok tâm Ngih Bok Nau Tâm Rƀŭn

Êsai 6:6

Rnôk nây, du tâm phung sêraphim mpăr văch ta gâp, tâm ti djôt sa ônh rnga ŭnh sa ônh păng hŏ dŏng nkep tă bơh nơng ƀư brah.

Êsêkiêl 41:22

Du mlâm nơng ƀư brah ma tơm si prêh du met n'gul, jong du met. Lĕ njônh, ndap jêh ri lĕ blon nơng ƀư brah đah tơm si da dê. Păng lah ma gâp pô aơ: “Aơ jêng sưng gŭ tanăp măt Brah Yêhôva.”

Amôt 9:1

Gâp saơ Kôranh Brah dâk ta êp nơng ƀư brah jêh ri lah pô aơ: “Dong hom ta lĕ chiông meh n'gâng Gay n'gơ lĕ ntơng mpông; Mbang rlâm hom lĕ rup ta klơ bôk khân păng! Mbu nơm phung hôm klen Gâp mra nkhĭt ma đao Mâu geh ôh du huê tâm phung khân păng nchuăt du, Mâu geh ôh du huê tâm phung khân păng dơi klaih.

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.

Nau Kơp Bunuyh 4:11

Ăn khân păng ling du blah bok dak piâk ta klơ nơng ƀư brah ma mah, jêh ri nkŭm ntop nây du blah ntâu ka toyh jêh nây nsro mâng tung lăp.

Nau Kơp Bunuyh 7:62

du kachok mah du rhiăng jât mprăm gram bêng ma dak si ƀâu kah;

Luka 1:10

Tâm mông nhhơr ndơ ƀâu kah, lĕ phung bunuyh âk gŭ padih mbơh sơm.

Samƀŭt Pôl Njuăl Ăn Ma Phung Nsing Ta Ƀon Rôm 8:34

Mbu mra jêng bunuyh tâm rmal khân păng, nôk Brah Yêsu Krist jêng Nơm hŏ khĭt jêh ri hŏ dâk rêh tay, Nơm gŭ mpeh pa ma Brah Ndu jêh ri mbơh sơm kơl an ma phung he?

ហេឞ្រើ 7:25

Yor nây lĕ, Păng dơi tâm rklaih ma nau rah vah phung rnơm ma Păng gay hăn dăch Brah Ndu, yorlah Păng gŭ rêh mro mrăng gay mbơh sơm kơl an ma phung nây.

ហេឞ្រើ 9:4

ta nây geh nơng ƀư brah mah gay nhhơr ndơ ƀâu kah jêh ri Hip Nau Tâm Rnglăp, mblum ma mah. Tâm hip nây geh du mlâm yăng mah bu dơ mana, mâng jra luh kao Y-Arôn, jêh ri lĕ rlat lŭ bu nchih nau tâm rnglăp.

Nau Tâm Mpơl 10:1

Pakơi nây, gâp saơ du huê tông mpăr êng geh nau dơi jŭr tă bơh trôk, geh du ndâr tŭk nkŭm păng. Ta klơ bôk tông mpăr geh bêh tŭng tĭng; muh măt tông mpăr nâm bu nar jêh ri jâng nâm bu n'gâng ŭnh.

Nau Tâm Mpơl 14:18

Jêh nây du huê tông mpăr êng đŏng, geh nau dơi đah ŭnh, tă bơh nơng ƀư brah hăn luh, păng kuăl dŭt hâu ngăn ma nơm geh nhuĕ hơr pô aơ: “Yơr hom nhuĕ may luh jêh ri koh lĕ rkŭm play krăk ƀâu tâm neh ntu, yorlah play krăk ƀâu dŭm jêh.”

Nau Tâm Mpơl 5:8

Tơlah Kon Biăp sŏk ndrom samƀŭt, puăn mlâm mpa rêh jêh ri bar jât ma puăn kôranh bu ranh, chon mon tanăp Kon Biăp; ăp nơm djôt du mlâm gong rêng jêh ri lĕ ngan mah dơ bêng ndơ ƀâu kah, jêng nau mbơh sơm phung kloh ueh.

Nau Tâm Mpơl 6:9

Tơlah Kon Biăp pơk tâp pŏng rơh prăm, gâp saơ tâm dâng nơng ƀư brah geh huêng phung bunuyh bu nkhĭt jêh yor nau ngơi Brah Ndu jêh ri yor nau khân păng mbơh nkoch.

Nau Tâm Mpơl 7:2

Gâp saơ du huê tông mpăr êng văch tă bơh mpeh luh nar, păng djôt tâp pŏng tă bơh Brah Ndu gŭ rêh mro mrăng. Tông mpăr aơ bâr kuăl huy ktang ma puăn nuyh tông mpăr geh nau dơi ƀư mhĭk ma neh ntu nđâp ma dak mƀŭt

Nau Tâm Mpơl 8:4

Nhhŭk ŭnh ndơ ƀâu kah tă bơh ti tông mpăr ndrel ma lĕ nau mbơh sơm phung kloh ueh hao tanăp Brah Ndu.

Nau Tâm Mpơl 8:5

Jêh nây tông mpăr sŏk khăl ndơ ƀâu kah, sŏk bêng ma ŭnh bơh nơng ƀư brah jêh ri klŭp păng ta neh ntu, geh lĕ nteh nglaih, nau ngơi, lĕ lơp nglaih jêh ri nau n'găr neh.

Nau Tâm Mpơl 9:13

Tông mpăr rơh prao uh nŭng, gâp tăng du bâr luh bơh puăn njônh nơng ƀư brah mah gŭ tanăp Brah Ndu.