Nau Tâm Mpơl 7:3 - Nau Brah Ndu Ngơi 2023

³ jêh ri lah pô aơ: “Lơi ƀư mhĭk ma neh ntu, ma dak mƀŭt jêh ri ma tơm si ôh, kŏ tât nôk hên dơm ndơ tâp pŏng ta ndăr kleng phung oh mon Brah Ndu he.”

Bunong Bible Latin Script Cambodian dialect

³ “Lơi hŏ ôh jan djơh ma neh ntu, ma dak văch dak văr, mâu lah ma tơm si du tơm, kŏp jêh hên mbang tra ta ndăng kleng phung sơm kơl jan kar ma Kôranh Brah nơm i bân yơk mbah nây ƀŏt.”

Bunong

³ “លើយ​ហ៝ៈ​អោស​ជាន​អ្យើស​មា​នែស​នតូ មា​ទាក​វាច់​ទាក​វារ់ មោ​លាស​មា​តើម​ឆី​ទូ​តើម ក៝ប់​ជេស​ហេន​មឞាង​ត្រា​តា​នទាង់​ក្លែង​ផូង​ឆើម​កើល​ជាន​ការ​មា​កោរាញ​ឞ្រាស​នើម​អី​ឞ៝ន់​យើក​មឞាស​នៃ​ប៝ត់”។

Nau Tâm Mpơl 7:3 ပူးပေါင်းရင်းမြစ်များ

Nau Ngluh Êjipt 12:13

Mhĭng mham ta klơ ngih khân may dôl gŭ, mra jêng nau tâm mbên ăn ma khân may. Nôk Gâp ƀư nau nđêh nji tâm n'gor Êjipt, saơ mham nây Gâp mra hăn rgăn jêh ri mâu mra geh ôh nau mhĭk tât gay ƀư rai khân may.

Nau Ngluh Êjipt 12:23

Brah Yêhôva mra hăn rgăn gay ƀư nđêh nji phung Êjipt; dôl saơ mham ta mbong mpông luh lăp, Păng mra hăn rgăn ro jêh ri mâu ăn ôh tông mpăr ƀư rai lăp tâm ngih khân may gay ƀư nau nđêh nji.

Êsai 27:8

May tâm rmal jêh khân păng tâm nau veh keh Ma nau nsot khân păng; May dŏng phŭt chuănh đô̆ ktang rdu khân păng Tâm nar geh sial bơh luh nar.

Êsai 54:17

Lĕ rngôch ndơ tâm lơh bu ƀư gay tâm rdâng đah may mâu dơi jêng ôh; May mra phat dôih ma lĕ mpiăt phong may. Aơ jêng drăp ndơn ma phung oh mon Brah Yêhôva, Jêh ri Gâp yơh ăn nau sŏng srăng ma khân păng.” Brah Yêhôva lah kơt nĕ.

Êsai 6:13

Nđâp tơlah du kô̆ tâm jât hôm e tâm khân păng Bu mra ƀư rai lơi; Ƀiălah, nâm bu kăl jêh tơm n'ho, tơm guyh hôm om knŏng yôk ngâl, Ndŭl mpôl kloh ueh jêng yôk ngâl păng.”

Êsai 65:8

Pô aơ Brah Yêhôva lah: “Lah bu saơ ndrănh mhe tâm rkŭm play krăk ƀâu Pôri bu lah: ‘Lơi ƀư rai păng ôh, Yorlah tâm păng geh nau ueh lăng;’ Gâp ăt mra ƀư tâm ban pônây yor phung oh mon Gâp, Gay ma Gâp mâu ƀư rai lĕ rngôch khân păng.

Êsêkiêl 9:4

jêh ri lah: “Hăn hom rgăn lam ƀon, jêng ƀon Yêrusalem, jêh ri nchih nau mbên ta ndăr kleng phung bunuyh vơl nter, nhĭm nhhiăng ma lĕ rngôch nau mhĭk hŏ ƀư tih jêh nklang ƀon aơ.”

Êsêkiêl 9:6

Nkhĭt lĕ hom, ƀă phung bu ranh, ƀă phung mom ndăm, ƀă phung bu ur druh, ƀă bu ur me jêh ri phung kon se jê̆, ƀă bu-ur jêh ri kon se jê̆. Ƀiălah lơi hăn dăch mbu geh nchih nau mbên ta ndăr kleng. Ntơm hom tă bơh phung bu ranh gŭ panăp ngih.”

Daniel 3:17

Tơlah bu klŭp hên tâm ŭnh năk, pônây ơ hađăch, Brah Ndu nơm hên yơk mbah mra dơi tâm rklaih hên klaih bơh ŭnh năk jêh ri bơh ti may.

Daniel 3:26

Jêh nây hađăch Nêbukatnetsar hăn dăch bôk mpông năk ŭnh hit jêh ri kuăl nteh huy: “Hơi Y-Sadrak, Y-Mêsăk, jêh ri Y-Abetnêgô, jêng oh mon Brah Ndu Dŭt Prêh, luh hom jêh ri văch ta aơ!” Y-Sadrak, Y-Mêsăk jêh ri Y-Abetnêgô luh ro tă bơh ŭnh năk.

Daniel 6:16

Ta nây ro, tĭng nau hađăch ntăm, bu njŭn Y-Daniel tât jêh ri klŭp păng tâm trôm ntu yau mŭr. Hađăch lah ma Y-Daniel: “Ăn Brah Ndu may jêng Nơm may pah kan ƀaƀơ mra sâm rklaih may!”

Sôphôni 2:3

Hơi lĕ rngôch jêng phung dêh rhêt tâm bri neh, Jêng bunuyh mra ƀư tĭng nau Kôranh Brah ntăm, Joi hom Brah Yêhôva, Joi hom nau sŏng srăng, joi nau rdơ̆ rbăn; Klăp lah khân may mra dơi king n'gang Tâm nar Brah Yêhôva ji nuih.

Malachi 3:18

Nôk nây, khân may mra plơ̆ sĭt jêh ri saơ nau êng ngăn tâm phung sŏng srăng jêh ri phung djơh mhĭk, tâm phung pah kan ma Brah Ndu jêh ri đah phung mâu pah kan ma Păng.”

Mathay 24:22

Tơlah lĕ nar nây mâu n'hŭch lơi, pôri mâu geh du huê bunuyh dơi rklaih ôh; ƀiălah yor phung bunuyh dơi săch lĕ nar nây mra n'hŭch lơi.

Mathay 24:31

Păng mra njuăl phung tông mpăr Păng uh nŭng nteh ktang tâm rgum phung Păng hŏ săch jêh lam puăn njônh, ntơm bơh jâng trôk aơ tât ta jâng trôk ri.

Yôhan 12:26

Tơlah mbu nơm pah kan ma Gâp păng tĭng Gâp; jêh ri ta ntŭk Gâp gŭ, bunuyh pah kan ma Gâp ăt mra gŭ ta nây lĕ. Tơlah mbu nơm pah kan ma Gâp, Mbơ̆ Gâp mra yơk ma păng.

Yôhan 3:33

Mbu hŏ sŏk dơn nau Păng mbơh knoch, ƀư nâp pô aơ Brah Ndu jêng nau nanê̆ ngăn.

Samƀŭt Pôl Njuăl Ăn Ma Phung Nsing Ta Ƀon Rôm 6:22

Ƀiălah aƀaơ khân may hŏ geh nau tâm rklaih jêh bơh nau tih jêh ri plơ̆ jêng ƀư dĭk ma Brah Ndu, khân may geh play kao jêng nau kloh ueh, jêh ri nglĕ dŭt geh nau rêh n'ho ro.

Nau Tâm Mpơl 13:16

Păng ƀư ăn lĕ rngôch bunuyh, phung jê̆ nđâp ma phung toyh, phung ndrŏng nđâp ma phung o ach, phung kon me nđâp ma phung dĭk sŏk dơn du ndơ mbên ta ti ma mâu lah ta ndăr kleng,

Nau Tâm Mpơl 13:17

gay ma mâu geh bunuyh dơi rvăt mâu lah tăch tơlah mâu geh ndơ mbên nây, nâm bu ntĭt amoh mpô mpa dŭt janh mâu lah mrô amoh păng.

Nau Tâm Mpơl 14:1

Gâp uănh, ri, Kon Biăp dâk ta klơ yôk Siôn ndrel ma du rhiăng puăn jât ma puăn rbăn nuyh geh amoh Kon Biăp jêh ri amoh Mbơ̆ Kon Biăp nchih ta ndăr kleng khân păng nơm.

Nau Tâm Mpơl 14:9

Du huê tông mpăr êng, jêng nơm rơh pe tĭng groi pakơi, lah ma bâr ktang pô aơ: “Tơlah du huê yơk mbah ma mpô mpa mpô mpa dŭt janh ndrel ma rup păng jêh ri sŏk dơn nau mbên ta ndăr kleng mâu lah ta ti păng nơm,

Nau Tâm Mpơl 19:2

Yorlah lĕ nau Păng phat dôih jêng nanê̆ ngăn jêh ri sŏng. Păng phat dôih jêh bu ur văng tĭr toyh, nơm hŏ sŏk nau păng văng tĭr ƀư djơh tâm neh ntu; jêh ri Brah Ndu plơng bôk jêh yor mham phung oh mon Păng bơh bu ur văng tir nây ƀư nkhŭt jêh.”

Nau Tâm Mpơl 20:4

Gâp saơ lĕ sưng hađăch, jêh ri phung bunuyh gŭ ta sưng hađăch bu ăn khân păng nau dơi phat dôih. Gâp saơ đŏng huêng phung khĭt bu koh trô ko yor khân păng mbơh nkoch ma Brah Yêsu jêh ri nau ngơi Brah Ndu, jêh ri huêng phung mâu yơk mbah ma mpô mpa dŭt janh ndrel ma rup păng, mâu sŏk dơn nau mbên ta ndăr kleng mâu lah ta ti khân păng nơm. Khân păng dơi dâk rêh tay jêh ri chiă uănh ndrel ma Brah Krist tâm du rbăn năm.

Nau Tâm Mpơl 22:4

Khân păng mra saơ muh măt Păng, jêh ri amoh Păng mra gŭ ta ndăr kleng khân păng.

Nau Tâm Mpơl 6:6

Gâp tăng nâm bu geh bâr ta nklang puăn mlâm mpa rêh lah pô aơ: “Du đơniê du njơ ba ƀlê; du đơniê pe njơ ba ôrgơ; ƀiălah dak ngi ôlive jêh ri ndrănh lơi pah tât.”

Nau Tâm Mpơl 7:1

Jêh nau nĕ, gâp saơ puăn nuyh tông mpăr dâk ta puăn njônh neh ntu, khân păng nkân lơi puăn chiông sial gay mâu geh sial khôm ta klơ neh ntu, ta klơ dak mƀŭt mâu lah klơ ăp tơm si.

Nau Tâm Mpơl 7:2

Gâp saơ du huê tông mpăr êng văch tă bơh mpeh luh nar, păng djôt tâp pŏng tă bơh Brah Ndu gŭ rêh mro mrăng. Tông mpăr aơ bâr kuăl huy ktang ma puăn nuyh tông mpăr geh nau dơi ƀư mhĭk ma neh ntu nđâp ma dak mƀŭt

Nau Tâm Mpơl 9:4

Bu lah jêh ma khân păng lơi ƀư mhĭk ma gơ̆ rêp ta neh ntu, lĕ ndơ ndrêh jêh ri ma tơm si ôh, ƀiălah knŏng ƀư nau mhĭk ma phung bunuyh mâu geh ndơ tâp pŏng tă bơh Brah Ndu ta ndăr kleng khân păng.