Nau Tâm Mpơl 5:9 - Nau Brah Ndu Ngơi 2023

⁹ Khân păng mprơ du nau mprơ mhe pô aơ: “May khư sŏk ndrom samƀŭt Jêh ri pơk lĕ ndơ tâp pŏng, yorlah bu nkhĭt jêh May, May sŏk mham May nơm tâm chuai ma Brah Ndu Phung bunuyh bơh lĕ ndŭl mpôl, lĕ nau ngơi, lĕ rngôch mpôl băl, lĕ bri dak,

Bunong Bible Latin Script Cambodian dialect

⁹ Jêh ri khân păng mprơ nau mprơ mhe du nau: “May di ngăn ma sŏ samƀŭt i nây N'ho ma plôk tra đŏng, Yorlah May lĕ bu nkhât lơi, jêh ri May lĕ chuai jêh bunuyh ma mham May nơm, Gay ma khân păng jêng ƀon lan Kôranh Brah, bơh dâng lĕ rnoi deh, bơh dâng lĕ nau ngơi, Bơh dâng lĕ ndŭl mpôl bunuyh, ndrel ma bơh dâng lĕ bri dak.

Bunong

⁹ ជេសរី​ខាន់​ពាង់​មព្រើ​នាវ​មព្រើ​មហែ​ទូ​នាវ៖ “មៃ​ទី​ងាន់​មា​ឆ៝ៈ​ឆ៝ម់បុត​អី​នៃ នហ៝​មា​ព្លោក​ត្រា​ដ៝ង់‌ យ៝រ​លាស​មៃ​លែៈ​ឞូ​ងខឹត​លើយ ជេសរី​មៃ​លែៈ​ច្វាយ​ជេស​ឞូនុយ្ស​មា​មហាម​មៃ​នើម‌ គៃ​មា​ខាន់​ពាង់​ជេង​ប៝ន​លាន​កោរាញ​ឞ្រាស ឞើស​ទឹង​លែៈ​រាន៝យ​ទែស ឞើស​ទឹង​លែៈ​នាវ​ងើយ‌ ឞើស​ទឹង​លែៈ​នទុល​មពោល​ឞូនុយ្ស នទ្រែល​មា​ឞើស​ទឹង​លែៈ​ឞ្រី​ទាក។

Nau Tâm Mpơl 5:9 ပူးပေါင်းရင်းမြစ်များ

I Yôhan 1:7

Ƀiălah tơlah he chuat hăn tâm nau ang, nâm bu Păng yơh gŭ tâm nau ang, he geh nau tâm rnglăp ndrăng he, jêh ri mham Brah Yêsu, Kon Păng, ƀư kloh lĕ rngôch nau tih he.

Mathay 26:28

Yorlah aơ jêng mham Gâp, mham nau tâm rnglăp nkhŭt jêh ăn ma âk bunuyh dơi yô̆ an nau tih.

Nau Mprơ Ơm 40:3

Păng dơm tâm trôm mbung gâp du nau mprơ mhe, Nây jêng nau mprơ tâm rnê ma Brah Ndu he. Âk bunuyh mra saơ nau nây jêh ri klach yơk Djôt nuih n'hâm rnơm nsing ma Brah Yêhôva.

Nau Tâm Mpơl 14:6

Jêh nây gâp saơ du huê tông mpăr êng mpăr ta nklang trôk, geh Nau Mhe Mhan Ueh n'ho ro gay mbơh ma phung gŭ ta neh ntu, ma lĕ rngôch bri dak, phung ndŭl mpôl, lĕ rngôch nau ngơi, lĕ rngôch phung ƀon lan.

I Kôrintô 6:20

yorlah Brah Ndu hŏ rvăt jêh khân may ma rnoh dŭt khlay. Pôri, sŏk hom săk jăn khân may gay tâm rnê Brah Ndu.

Nau Tâm Mpơl 5:12

mprơ huy pô aơ: “Kon Biăp bu nkhĭt jêh Khư sŏk dơn nau dơi, nau ndrŏng, nau blau mĭn, Nau ktang, nau yơk, nau chrêk rmah jêh ri nau tâm rnê!”

Nau Tâm Mpơl 4:11

“Ơ Brah Ndu jêng Kôranh Brah hên, Kôranh Brah khư sŏk dơn nau chrêk rmah, nau yơk jêh ri nau dơi, Yorlah Kôranh Brah rhăk njêng jêh lĕ rngôch ndơ, Jêh ri tĭng nâm Kôranh Brah ŭch lĕ rngôch ndơ jêng geh jêh ri May rhăk njêng jêh khân păng.”

Kôranh Oh Mon 20:28

Khân may njrăng hom ma khân may nơm jêh ri ma lĕ rngôch phung biăp Brah Huêng Ueh hŏ njêng jêh khân may jêng nơm mât uănh, gay chiăp leo Phung Ngih Brah Ndu Kôranh Brah, rvăt jêh ma mham Kon Păng nơm.

Mathay 20:28

Nđâp ma Kon Bunuyh văch jêh mâu di gay bu pah kan, ƀiălah gay pah kan, jêh ri nhhơr nau rêh Păng nơm jêng rnoh chuai ma âk bunuyh.”

Nau Tâm Mpơl 5:6

Gâp saơ du mlâm Kon Biăp tâm ban ma bu nkhĭt jêh, dôl dâk ta nklang sưng hađăch, gŭ jŭm geh puăn mlâm mpa rêh jêh ri phung kôranh bu ranh. Kon Biăp geh pơh mlâm nke jêh ri pơh mlâm măt, jêng pơh huêng Brah Ndu njuăl hăn jêh lam neh ntu.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

II Pêtrôs 2:1

Ƀiălah geh jêh âk phung mbơh lor nklă mpơl tâm phung ƀon lan, jêh ri mra geh đŏng kôranh nti nklă tâm khân may; khân păng mra mbơh nkoch ndâp lĕ nau chroh nklă blau hâu ngăn, dun ma Kôranh Brah jêng Nơm tâm chuai jêh khân păn nơm, sŏk dơn nau ƀư rai gơnh ro ma khân păng nơm.

Kôlôh 1:14

tâm Kon nây, he geh nau tâm chuai jêng nau yô̆ an nau tih.

Êphêsô 1:7

Yorlah tâm Brah Krist, he geh nau tâm chuai tă bơh mham Păng, geh nau yô̆ an nau tih tĭng nâm nau rmeh ler tâm nau yô̆ Păng,

I Yôhan 2:2

Păng nơm jêng ndơ ƀư brah chuai nau tih ma he, mâu knŏng ma nau tih he ôh, ƀiălah nđâp ma nau tih ma lĕ neh ntu đŏng.

I Kôrintô 7:23

Bu rvăt jêh khân may ma rnoh dŭt prêh; lơi plơ̆ jêng dĭk ma kon bunuyh.

Nau Mprơ Ơm 149:1

Halêluya! Mprơ hom ma Brah Yêhôva du nau mprơ mhe! Tâm rnê hom ma Păng, tâm nau tâm rƀŭn phung kloh ueh Păng.

Nau Mprơ Ơm 33:3

Mprơ tâm rnê hom ma Păng du ntil nau mprơ mhe, Jêh ri kreh dĭng ma nau săr lah đah bâr nter maak!

Nau Tâm Mpơl 13:8

Lĕ rngôch bunuyh gŭ rêh ta neh ntu mra yơk mbah ma păng, nâm bu ntĭt phung mâu geh amoh săk nchih tâm ndrom samƀŭt nau rêh Kon Biăp bu nkhĭt jêh ntơm bơh nau rhăk njêng neh ntu.

Nau Tâm Mpơl 11:9

Lĕ rngôch bunuyh tă bơh phung ƀon lan, phung ndŭl mpôl, lĕ nau ngơi, lĕ bri dak mra uănh ma săk jăn khân păng tâm pe nar n'gul, jêh ri mâu ăn ôh tâp brôi tâm môch.

Nau Mprơ Ơm 144:9

Ơ Brah Ndu, gâp mra mprơ ma May du nau mprơ mhe, Gâp mra mprơ nau tâm rnê May ma gong rêng loih jât rse.

Nau Mprơ Ơm 98:1

Mprơ hom ma Brah Yêhôva nau mprơ mhe, Yorlah Păng ƀư jêh nau mbên khlay. Ti ma jêh ri nting tur kloh ueh Păng Djôt jêh nau dơi ma Păng.

Nau Mprơ Ơm 96:1

Mprơ hom ma Brah Yêhôva du nau mprơ mhe. Hơi lĕ rngôch neh ntu, mprơ hom ma Brah Yêhôva.

Daniel 3:4

geh kôranh ƀư brah nau rƀŭn mbơh huy: “Aơ jêng nau ntăm ma lĕ rngôch ntil phung ƀon lan, lĕ bri dak, lĕ nau ngơi:

Êsai 42:10

Mprơ hom ma Brah Yêhôva du nau mprơ mhe, Nau mprơ tâm rnê ma Păng bơh ntŭk dŭt rplay neh! Ơ phung hăn ta dak mƀŭt, nđâp ma lĕ rngôch mpa tâm păng, Lĕ gôl dak mƀŭt ndrel phung gŭ tâm păng, Rđuh ngrông hom.

ហេឞ្រើ 11:14

Yorlah phung bunuyh lah pônây, tâm mpơl ma khân păng dôl hăn joi du ƀon tơm.

Kôlôh 1:23

knŏng ma khân may nau gŭ nâp tay tâm nau chroh, mâu rdja nuih ôh, mâu trơn chalơi bơh nau kâp gân Nau Mhe Mhan Ueh khân may tăng jêh, jêng Nau Mhe Mhan Ueh hŏ mbơh nkoch jêh ma lĕ rngôch bunuyh tâm dâng trôk; jêh ri gâp, Y-Pôl, hŏ jêng bunuyh pah kan ma Nau Mhe Mhan Ueh nây.

Daniel 6:25

Rnôk nây hađăch Darius nchih samƀŭt ma lĕ rngôch phung ƀon lan, lĕ bri dak, lĕ nau ngơi nau gŭ lam neh ntu: “Ăn nau ueh ma khân may dơi geh nau đăp mpăn âk rmeh!

Daniel 4:1

Hađăch Nêbukatnetsar njuăl ma lĕ rngôch phung ƀon lan, phung bri dak, lĕ nau ngơi tâm lam neh ntu: “Nau ueh khân may geh nau đăp mpăn âk râk!

Daniel 5:19

Yorlah Brah Ndu ăn nau dơi chiă uănh jêng toyh Kôranh Brah ăn jêh mbơ̆ may ma lĕ rngôch phung ƀon lan, bri dak, lĕ rngôch nau ngơi klach râm sâr da dê tanăp hađăch nây. Păng ŭch nkhĭt lơi mbu nơm păng ŭch jêh ri păng om gŭ rêh mbu nơm păng ŭch, păng ŭch n'hao mâu lah n'glưh mbu nơm păng ŭch.

Êphêsô 5:19

Ăn khân may dŏng nau mprơ ơm, samƀŭt nau mprơ, jêh ri lĕ nau mprơ tâm pă uănh; mprơ, tâm rnê hom ma Kôranh Brah ma lĕ nuih n'hâm.

Nau Tâm Mpơl 10:11

Jêh nây bu lah ma gâp: “Ăn may ngơi nau mbơh lor ma âk phung ƀon lan, âk bri dak, âk nau ngơi, jêh ri ma âk hađăch.”

Nau Tâm Mpơl 13:7

Bu ăn păng dơi vay tâm lơh đah phung kloh ueh jêh ri ăn păng dơi đah phung nây. Bu ăn đŏng ma păng nau dơi chiă uănh phung ndŭl mpôl, phung mpôl băl bunuyh, lĕ nau ngơi, jêh ri lĕ bri dak.

Nau Tâm Mpơl 15:3

Khân păng mprơ nau mprơ Y-Môis, oh mon Brah Ndu, jêh ri nau mprơ Kon Biăp pô aơ: “Ơ Kôranh Brah Ndu Geh Lĕ Nau Brah! Kan May dŭt toyh jêh ri khlay ngăn! Ơ Hađăch lĕ rngôch rnôk n'ho ro, Trong May jêng sŏng srăng jêh ri nanê̆ ngăn!

Nau Tâm Mpơl 17:15

Jêh nây tông mpăr lah ma gâp: “Lĕ n'hong dak may saơ bu ur văng tĭr gŭ ta klơ jêng lĕ ntil mpôl bunuyh, phung mpôl bunuyh, lĕ bri dak jêh ri lĕ nau ngơi.