Nau Tâm Mpơl 4:4 - Nau Brah Ndu Ngơi 2023

⁴ Jŭm sưng hađăch nây gâp saơ bar jât ma puăn mlâm sưng hađăch êng, klơ sưng hađăch nây geh bar jât ma puăn kôranh bu ranh gŭ, nsoh ao nglang, bôk ndô đon hađăch ma mah.

Bunong Bible Latin Script Cambodian dialect

⁴ Njueng jŭm rnơl kađăch i nây geh rnơl kađăch 24 ơ̆ jât, jêh ri geh mpôl kôranh 24 nuyh gŭ ta rnơl i nây, nsoh n'gut bok ao nglang dadê, ndrel ma ndô môk kađăch mayh ta bôk.

Bunong

⁴ ញជ្វែង​ជុម​រានើល​កាដាច់​អី​នៃ​គែស​រានើល​កាដាច់ ២៤ អឹ​ជឹត ជេសរី​គែស​មពោល​កោរាញ ២៤ នុយ្ស​គុ​តា​រានើល​អី​នៃ ញឆ៝ស​ងគូត​ឞ៝ក​អាវ​ងលាង​ទាទេ នទ្រែល​មា​នទោ​មោក​កាដាច់​មាយ្ស​តា​ឞោក។

Nau Tâm Mpơl 4:4 ပူးပေါင်းရင်းမြစ်များ

Êsther 8:15

Y-Môrdêkai hăn luh bơh ngih hađăch, nsoh ao hađăch ĭr jêh ri nglang, ndô du mlâm đon hađăch toyh ma mah jêh ri nsoh du ao jong ma bok mhay rhên chăng krăk. Phung ƀon lan ƀon Susa troh nter jêh ri răm rhơn.

Nau Mprơ Ơm 21:3

Yorlah Kôranh Brah sŏk nau ueh uĭn jêh ri vơt dơn păng; Ndô đon hađăch ta klơ bôk păng ma mah chrêk.

Mathay 19:28

Brah Yêsu plơ̆ lah: “Nanê̆, Gâp lah ma khân may, rnôk rô̆ lĕ rngôch ndơ rgâl mhe, tơlah Kon Bunuyh mra gŭ ta klơ sưng hađăch nau chrêk rmah Păng, khân may jêng phung bunuyh hŏ tĭng Gâp, mra gŭ đŏng ta klơ jât ma bar sưng hađăch, gay phat dôih jât ma bar ndŭl mpôl phung Israel.

Luka 22:30

pôri khân may mra sông sa ta sưng ndrel ma Gâp tâm ƀon bri hađăch Gâp jêh ri mra gŭ ta klơ sưng hađăch gay phat dôih jât ma bar ndŭl mpôl phung Israel.”

II Timôthê 4:8

Ntơm aƀaơ đon hađăch nau sŏng srăng rơm ndrăp jêh ma gâp; Kôranh Brah jêng kôranh phat dôih sŏng mra ăn đon nây ma gâp tâm nar nây, ƀiălah mâu di knŏng ma gâp ôh ƀiălah nđâp ma phung rŏng ma nau Păng văch.

Nau Tâm Mpơl 11:16

Bar jât ma puăn nuyh phung kôranh bu ranh dôl gŭ ta sưng hađăch tanăp Brah Ndu, khân păng păn ta neh, yơk mbah ma Brah Ndu,

Nau Tâm Mpơl 14:3

Khân păng mprơ du nau mprơ mhe tanăp sưng hađăch, tanăp puăn mlâm mpa rêh jêh ri phung kôranh bu ranh. Mâu geh bunuyh dơi nti nau mprơ nây, knŏng phung du rhiăng puăn jât ma puăn rbăn, phung bu hŏ chuai jêh bơh neh ntu.

Nau Tâm Mpơl 19:14

Phung tahan ta klơ trôk nsoh ao bok mhay rhên, nglang jêh ri kloh da dê, ncho seh nglang hăn tĭng Păng.

Nau Tâm Mpơl 19:4

Bar jât ma puăn nuyh kôranh bu ranh jêh ri puăn mlâm mpa rêh chon mon jêh ri yơk mbah ma Brah Ndu jêng Nơm gŭ ta sưng hađăch, jêh ri lah: “Amen! Halêluya!”

Nau Tâm Mpơl 2:10

May lơi klach ôh ma lĕ nau rêh ni may bơi dơn. Aơ, brah mhĭk dăch mƀăr ƀaƀă tâm phung khân may ăn tâm ndrung gay rlong uănh khân may; jêh ri khân may mra geh nau rêh ni tâm jât nar. Gŭ răp jăp hom tât khĭt, jêh ri Gâp mra ăn ma may đon hađăch nau rêh.’

Nau Tâm Mpơl 20:4

Gâp saơ lĕ sưng hađăch, jêh ri phung bunuyh gŭ ta sưng hađăch bu ăn khân păng nau dơi phat dôih. Gâp saơ đŏng huêng phung khĭt bu koh trô ko yor khân păng mbơh nkoch ma Brah Yêsu jêh ri nau ngơi Brah Ndu, jêh ri huêng phung mâu yơk mbah ma mpô mpa dŭt janh ndrel ma rup păng, mâu sŏk dơn nau mbên ta ndăr kleng mâu lah ta ti khân păng nơm. Khân păng dơi dâk rêh tay jêh ri chiă uănh ndrel ma Brah Krist tâm du rbăn năm.

Nau Tâm Mpơl 3:18

Yor nây, Gâp nkah may rvăt hom mah Gâp hŏ srŏng jêh ma ŭnh, gay ma may mra jêng ndrŏng; rvăt lĕ ao nglang jêh ri nsoh gay ma nau rhôk may mâu mpơl ôh, jêh ri rvăt dak si mhĭng măt may gay ma may dơi saơ.

Nau Tâm Mpơl 4:10

pôri bar jât ma puăn kôranh bu ranh chon mon tanăp Nơm gŭ ta sưng hađăch jêh ri yơk mbơh ma Nơm gŭ rêh n'ho ro. Khân păng klŭp đon hađăch khân păng nơm tanăp sưng hađăch, jêh ri lah:

Nau Tâm Mpơl 4:6

Tra năp sưng hađăch geh nâm bu dak mƀŭt măt rchŏk rsang nâm bu lŭ ang; ta nklang sưng hađăch jêh ri jŭm sưng hađăch geh puăn mlâm mpa rêh bêng ma măt panăp jêh ri pakơi.

Nau Tâm Mpơl 5:11

Gâp uănh, jêh ri tăng bâr âk phung tông mpăr jŭm sưng hađăch, phung mpa rêh jêh ri phung kôranh bu ranh. Geh âk rbăn, rmưn rsen tông mpăr

Nau Tâm Mpơl 5:14

Puăn mlâm mpa rêh lah: “Amen!” Jêh ri phung kôranh bu ranh chon mon jêh ri yơk mbah.

Nau Tâm Mpơl 5:6

Gâp saơ du mlâm Kon Biăp tâm ban ma bu nkhĭt jêh, dôl dâk ta nklang sưng hađăch, gŭ jŭm geh puăn mlâm mpa rêh jêh ri phung kôranh bu ranh. Kon Biăp geh pơh mlâm nke jêh ri pơh mlâm măt, jêng pơh huêng Brah Ndu njuăl hăn jêh lam neh ntu.

Nau Tâm Mpơl 5:8

Tơlah Kon Biăp sŏk ndrom samƀŭt, puăn mlâm mpa rêh jêh ri bar jât ma puăn kôranh bu ranh, chon mon tanăp Kon Biăp; ăp nơm djôt du mlâm gong rêng jêh ri lĕ ngan mah dơ bêng ndơ ƀâu kah, jêng nau mbơh sơm phung kloh ueh.

Nau Tâm Mpơl 6:11

Ăp nơm tâm phung khân păng bu ăn du blah ao jong nglang, jêh ri bu lah ma khân păng gŭ rlu ƀât lât đŏng, kŏ tât nôk nŭm rnoh phung pah kan ndrel ma khân păng jêh ri oh nâu khân păng mra dơn nau bu nkhĭt tâm ban ma khân păng.

Nau Tâm Mpơl 7:11

Lĕ rngôch phung tông mpăr dâk jŭm sưng hađăch, jŭm phung kôranh bu ranh jêh ri phung puăn mpa rêh, chon mon tanăp sưng hađăch jêh ri yơk mbah ma Brah Ndu,

Nau Tâm Mpơl 7:9

Jêh nau nây gâp uănh, ri, geh du mpôl bunuyh âk ngăn mâu hôm dơi kơp ôh, bơh lĕ rngôch lĕ bri dak, lĕ rngôch ndŭl mpôl, lĕ rngôch ƀon lan, lĕ rngôch nau ngơi, dâk tanăp sưng hađăch jêh ri tanăp Kon Biăp, nsoh jêh ao jong nglang, ti djôt n'ha đung.

Nau Tâm Mpơl 9:7

Rup phung krah nsăt tâm ban ma seh ndrăp ma nau tâm lơh. Ta bôk khân păng geh ndơ nâm bu đon hađăch ma mah; muh măt khân păng nâm bu muh măt bunuyh;