Nau Tâm Mpơl 3:4 - Nau Brah Ndu Ngơi 2023

⁴ Ƀiălah ta ƀon Sardis, may hôm geh bunuyh ƀaƀă ê hŏ ƀư ƀơ̆ ôh kho ao khân păng nơm; khân păng nsoh ao nglang jêh ri hăn ndrel ma Gâp, yorlah khân păng geh nau khư.

Bunong Bible Latin Script Cambodian dialect

⁴ Yơn ma ta ƀon Sardih hôm geh bunuyh aƀă ta phung khân ay may mâu geh ôh jan tih tâm ban ma jan kho ao ƀơ̆ rmao, khân păng mra hăn ndrel Gâp, nđâp ma nsoh kho ao nglang, yorlah khân păng i nây jêng di ma nsoh kho ao i nây.

Bunong

⁴ យើន​មា​តា​ប៝ន​ឆារដីស  ​ហោម​គែស​ឞូនុយ្ស​អាបាៈ​តា​ផូង​ខាន់​អៃ​មៃ​មោ​គែស​អោស​ជាន​តីស​តឹម​ឞាន​មា​ជាន​ខ៝​អាវ​បឹ​រាមាវ ខាន់​ពាង់​មរា​ហាន់​នទ្រែល​គ៝ប់ នអ៝ប់​មា​ញឆ៝ស​ខ៝​អាវ​ងលាង យ៝រ​លាស​ខាន់​ពាង់​អី​នៃ​ជេង​ទី​មា​ញឆ៝ស​ខ៝​អាវ​អី​នៃ។

Nau Tâm Mpơl 3:4 ပူးပေါင်းရင်းမြစ်များ

I Phung Hađăch 19:18

Ƀiălah tâm n'gor Israel, Gâp hŏ prăp ma Gâp pơh rbăn nuyh mâu geh mâp chon ôh kômâk panăp brah Baal, jêh ri trôm mbung khân păng mâu mâp chŭm ôh păng.”

Êsther 8:15

Y-Môrdêkai hăn luh bơh ngih hađăch, nsoh ao hađăch ĭr jêh ri nglang, ndô du mlâm đon hađăch toyh ma mah jêh ri nsoh du ao jong ma bok mhay rhên chăng krăk. Phung ƀon lan ƀon Susa troh nter jêh ri răm rhơn.

Nau Mprơ Ơm 68:14

Tơlah Nơm Geh Lĕ Nau Brah lơh nchah rai phung hađăch, Njêng mih pler nkhŭt ta yôk Salmôn.

Nơm Nti 9:8

Nsoh ƀaƀơ hom nâm bu tâm nar rƀŭn mpôl jêh ri lơi chuêl ôh mhĭng dak ƀâu kah ta klơ bôk may.

Êsai 1:9

Tơlah Brah Yêhôva ma phung tahan Mâu lơi ma he du phung djê̆ hôm rêh, Pôri he he hŏ jêng nâm bu ƀon Sôdôm, Jêh ri tâm ban ma ƀon Gômôrơ jêh.

Êsai 52:1

Ơ ƀon Siôn, kah rngăl hom, Kah rngăl hom, nsoh hom nau ktang may! Ơ Yêrusalem, ƀon kloh ueh, Nsoh hom bok ao ueh may! Yorlah phung mâu koh ntâu jêh ri phung ƀơ̆ ƀơch Mâu mra hôm lăp tâm may ôh.

Êsai 59:6

Ntâu khân păng mâu dơi dŏng ƀư bok ao ôh, Mâu lĕ khân may dơi nsoh ndơ khân păng tanh jêh; Nau kan khân păng jêng kan nau mhĭk, Kôp ti khân păng bêng ma nau ƀai.

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Êsai 64:6

Lĕ rngôch hên jêng jêh tâm ban ma ndơ ƀơ̆ ƀơch, Lĕ kan sŏng srăng hên jêng tâm ban ma bok ao ƀơ̆ jêh; Lĕ rngôch phung hên nhop kro tâm ban ma n'ha si, Jêh ri nau kue hên khôm rdu hên tâm ban ma sial.

Kan Lêvi 13:48

ta klơ brai mhay, ndơ tanh ma bok mhay mâu lah ma brai răm, ta klơ ntâu mâu lah moh ndơ ƀư ma ntâu,

Mathay 10:11

Dôl lăp tâm ƀon toyh mâu lah ƀon jê̆, sek ôp hom ta nây geh moh mbu jêng nơm nanê̆ ngăn, jêh nây gŭ hom ta ntŭk nây tât hăn luh du.

Markôs 16:5

Lăp tâm trôm môch, khân păng saơ du huê bu klâu ndăm nsoh ao jong nglang, gŭ mpeh pa ma, khân păng hih rhâl hâu ngăn.

Luka 20:35

ƀiălah phung dơi kơp jêng khư dơn kô̆ tâm rnôk kăndơ̆ jêh ri dơi dâk rêh tay tă bơh nau khĭt, mâu mra hôm sŏk ur sŏk sai ôh.

Luka 21:36

Pôri, rngeh njrăng jêh ri mbơh sơm ƀaƀơ hom, gay khân may tŏng n'hâm suan der luh bơh lĕ nau mra tât geh jêh ri dâk tanăp Kon Bunuyh.”

Kôranh Oh Mon 1:15

Tâm lĕ nar nây, Y-Pêtrôs dâk ta nklang phung oh nâu (rnoh bunuyh gŭ rƀŭn ta nây geh klăp lah tâm du rhiăng bar jât nuyh) jêh ri păng lah pô aơ:

II Têsalônik 1:5

Aơ jêng nau mbơh ma nau Brah Ndu phat dôih sŏng, gay ma khân may plơ̆ jêng nau khư ma ƀon bri hađăch Brah Ndu, jêh ri yor nây khân may dơn nau rêh ni.

Yuđas 1:23

tâm rklaih hom phung êng têk khân păng luh bơh ŭnh; jêh ri ma phung êng đŏng, geh hom nuih n'hâm yô̆ nđach nđâp nau klach, tâm rmot nđâp ma du blah ao nglay săk ƀư ƀơ̆ ƀơch jêh.

Nau Tâm Mpơl 1:11

đă pô aơ: “Nchih hom lĕ nau may saơ tâm du ndrom samƀŭt jêh ri njuăl ma phung pơh Phung Ngih Brah Ndu ta ƀon Êphêsô, ƀon Smirna, ƀon Pergam, ƀon Thiatir, ƀon Sardis, ƀon Philađelphi jêh ri ƀon Laođisê.”

Nau Tâm Mpơl 11:13

Nôk nây, geh du nau n'găr neh dŭt hâu ngăn; du kô̆ tâm jât ƀon toyh rlâm; pơh rbăn nuyh khĭt tâm nau n'găr neh ntu. Phung bunuyh hôm e klach krit da dê jêh ri nhhơr nau chrêk rmah ma Brah Ndu ta klơ trôk.

Nau Tâm Mpơl 14:4

Phung bunuyh nây mâu mâp ƀư ƀơ̆ ƀơch đah bu ur ôh, yorlah khân păng jêng phung kloh. Mbah ntŭk Kon Biăp hăn, phung bunuyh nây hăn tĭng ta ntŭk nây. Bu hŏ chuai jêh khân păng tă bơh nklang kon bunuyh gay ƀư play bôk yan ma Brah Ndu jêh ri ma Kon Biăp.

Nau Tâm Mpơl 19:14

Phung tahan ta klơ trôk nsoh ao bok mhay rhên, nglang jêh ri kloh da dê, ncho seh nglang hăn tĭng Păng.

Nau Tâm Mpơl 19:8

Bu ăn ur păng nsoh ao bok mhay rhên nchrat ral ngăn jêh ri kloh!” (bok mhay rhên nĕ jêng lĕ kan sŏng srăng phung kloh ueh).

Nau Tâm Mpơl 3:18

Yor nây, Gâp nkah may rvăt hom mah Gâp hŏ srŏng jêh ma ŭnh, gay ma may mra jêng ndrŏng; rvăt lĕ ao nglang jêh ri nsoh gay ma nau rhôk may mâu mpơl ôh, jêh ri rvăt dak si mhĭng măt may gay ma may dơi saơ.

Nau Tâm Mpơl 3:5

Mbu mra dơi, mra soh ao nglang tâm ban pônây; Gâp mâu mra jut lơi amoh bunuyh nây bơh ndrom samƀŭt nau rêh, jêh ri mra mbơh amoh bunuyh nây tanăp Mbơ̆ Gâp jêh ri tanăp phung tông mpăr Păng.

Nau Tâm Mpơl 4:4

Jŭm sưng hađăch nây gâp saơ bar jât ma puăn mlâm sưng hađăch êng, klơ sưng hađăch nây geh bar jât ma puăn kôranh bu ranh gŭ, nsoh ao nglang, bôk ndô đon hađăch ma mah.

Nau Tâm Mpơl 6:11

Ăp nơm tâm phung khân păng bu ăn du blah ao jong nglang, jêh ri bu lah ma khân păng gŭ rlu ƀât lât đŏng, kŏ tât nôk nŭm rnoh phung pah kan ndrel ma khân păng jêh ri oh nâu khân păng mra dơn nau bu nkhĭt tâm ban ma khân păng.

Nau Tâm Mpơl 7:9

Jêh nau nây gâp uănh, ri, geh du mpôl bunuyh âk ngăn mâu hôm dơi kơp ôh, bơh lĕ rngôch lĕ bri dak, lĕ rngôch ndŭl mpôl, lĕ rngôch ƀon lan, lĕ rngôch nau ngơi, dâk tanăp sưng hađăch jêh ri tanăp Kon Biăp, nsoh jêh ao jong nglang, ti djôt n'ha đung.