Nau Tâm Mpơl 22:3 - Nau Brah Ndu Ngơi 2023

³ Mâu mra hôm geh nau rak rtăp. Sưng hađăch Brah Ndu jêh ri Kon Biăp mra gŭ tâm ƀon nây, jêh ri phung oh mon Păng mra pah kan ma Păng.

Bunong Bible Latin Script Cambodian dialect

³ Mâu hôm ôh geh nau rtăp ma du ntil ndơ jât. Rnơl kađăch Kôranh Brah nơm, i jêng rnơl kađăch Kon Be Biăp nơm đŏng, gŭ ta ƀon i nây, lŏng bunuyh i sơm kơl jan kar ma Păng, khân păng mra yơk mbah ma Păng.

Bunong

³ មោ​ហោម​អោស​គែស​នាវ​រាតាប់​មា​ទូ​នតីល​នទើ​ជឹត។ រានើល​កាដាច់​កោរាញ​ឞ្រាស​នើម អី​ជេង​រានើល​កាដាច់​ក៝ន​ឞែ​ឞ្យាប់​នើម​ដ៝ង់ គុ​តា​ប៝ន​អី​នៃ ល៝ង់​ឞូនុយ្ស​អី​ឆើម​កើល​ជាន​ការ​មា​ពាង់ ខាន់​ពាង់​មរា​យើក​មឞាស​មា​ពាង់។

Nau Tâm Mpơl 22:3 ပူးပေါင်းရင်းမြစ်များ

Mathay 25:21

Kôranh lah ma bunuyh nây: ‘Hơi oh mon sŏng jêh ri răp jăp, ueh ngăn! May hŏ răp jăp tâm kan jê̆, gâp mra ăn may mât uănh âk. Lăp hom gŭ maak ndrel ma kôranh may.’

Yôhan 12:26

Tơlah mbu nơm pah kan ma Gâp păng tĭng Gâp; jêh ri ta ntŭk Gâp gŭ, bunuyh pah kan ma Gâp ăt mra gŭ ta nây lĕ. Tơlah mbu nơm pah kan ma Gâp, Mbơ̆ Gâp mra yơk ma păng.

Yôhan 14:3

Lah Gâp hăn nkra ntŭk ma khân may jêh, Gâp mra plơ̆ tay, sŏk leo khân may gŭ ndrel Gâp, gay ta ntŭk Gâp gŭ khân may gŭ ta nây lĕ.

Sakari 14:11

Yêrusalem mra geh bunuyh gŭ, păng mâu mra geh nau rai đŏng ôh, ƀiălah mra gŭ đăp rmên ngăn.

Êsêkiêl 37:27

Gâp mra gŭ ta nklang khân păng; Gâp mra ƀư Brah Ndu khân păng jêh ri khân păng mra ƀư ƀon lan Gâp.

Nau Mprơ Ơm 17:15

Ƀiălah gâp mra nsing yor nau sŏng srăng Kôranh Brah ăn dĭng saơ muh măt Kôranh Brah; Tơlah gâp kah rngăl bê̆ch, gâp mra geh nau mpay, yorlah uănh rup May.

Nau Mprơ Ơm 16:11

Kôranh Brah mra nchŏng ăn gâp gĭt trong nau rêh; Tanăp Kôranh Brah geh lĕ nau răm maak, Pa ma Kôranh Brah geh nau ueh maak ƀaƀơ n'ho ro.

Êsai 12:6

Ơ phung gŭ tâm ƀon Siôn, troh nter hom jêh ri nter huy tâm rnê! Yorlah Nơm dôl gŭ ta nklang jêng dŭt toyh, Jêng Nơm Kloh Ueh Israel!”

Mathay 25:41

Jêh nĕ, Păng lah ma phung bunuyh mpeh pa chiau pô aơ: ‘Hơi phung bu rak rtăp jêh, du hom tă bơh Gâp, hăn tâm ŭnh n'ho ro hŏ ndrăp nkra jêh ma kôranh brah mhĭk jêh ri ma phung brah mhĭk oh mon păng.

Yôhan 17:24

Ơ Mbơ̆, Kon ŭch lĕ rngôch phung Mbơ̆ hŏ ăn jêh ma Kon gŭ ndrel ma Kon ta ntŭk Kon gŭ, pônây khân păng dơi n'gơr uănh nau chrêk rmah Mbơ̆ ăn jêh ma Kon, yorlah Mbơ̆ hŏ rŏng jêh ma Kon êlor nau rhăk njêng neh ntu.

Nau Vay Nkah Tay 27:26

‘Khư ma rak rtăp ngăn ma mbu nơm mâu ƀư tĭng kơt ôh rplay ngơi nau vay aơ!’ Ăn lĕ rngôch phung ƀon lan mra plơ̆ lah: ‘Amen!’ ”

Êsêkiêl 48:35

Ndăch jŭm ƀon toyh mra geh sĭn rbăn met, jêh ri ntơm bơh aƀaơ tât ô klak, amoh ƀon mra jêng: “Brah Yêhôva gŭ ta nây!”

Êsai 51:11

Phung Brah Yêhôva tâm chuai jêh mra plơ̆ sĭt, Khân păng mra văch ta Siôn tâm nau troh nter. Nau maak n'ho ro mra gŭ ta klơ bôk khân păng, Khân păng mra geh nau răm maak; Nau rngot jêh ri nau vơl nđor mra roh lĕ.

Nau Tâm Mpơl 7:9

Jêh nau nây gâp uănh, ri, geh du mpôl bunuyh âk ngăn mâu hôm dơi kơp ôh, bơh lĕ rngôch lĕ bri dak, lĕ rngôch ndŭl mpôl, lĕ rngôch ƀon lan, lĕ rngôch nau ngơi, dâk tanăp sưng hađăch jêh ri tanăp Kon Biăp, nsoh jêh ao jong nglang, ti djôt n'ha đung.

Nau Tâm Mpơl 7:10

Khân păng nter huy ngăn pô aơ: “Nau tâm rklaih jêng ndơ Brah Ndu he, Nơm gŭ ta klơ sưng hađăch, jêh ri jêng ndơ Kon Biăp.”

Yôhan 13:32

Lah Brah Ndu geh nau tâm rnê ta Kon Bunuyh, Brah ndu mra tâm rnê đŏng Kon Bunuyh tâm Păng nơm, jêh ri mra tâm rnê ro.