Nau Tâm Mpơl 1:4 - Nau Brah Ndu Ngơi 2023

⁴ Y-Yôhan nchih samƀŭt njuăl ma phung pơh Phung Ngih Brah Ndu tâm n'gor Asi: Dăn ăn ma khân may dơn nau yô̆ jêh ri nau đăp mpăn tă bơh NƠM AɃAƠ AƠ, HŎ GEH JÊH RI DÔL VĂCH, tă bơh pơh Huêng gŭ panăp sưng hađăch Păng,

Bunong Bible Latin Script Cambodian dialect

⁴ Samƀŭt gâp Yôhan, njuăl ăn ma phung nsing i rƀŭn ta pơh ơ̆ ƀon ta bri Asi. Dăn Kôranh Brah ăn nau ueh, nđâp ma nau đăp mpăn ma khân ay may. Păng gŭ rêh aƀaơ dja, Păng lĕ ơm gŭ rêh nơh, jêh ri Păng mra văch. Dăn Brah Huêng Ueh i gŭ bơh năp rnơl kađăch Kôranh Brah nơm ăn nau ueh, nđâp ma nau đăp mpăn ma khân ay may.

Bunong

⁴ ឆ៝ម់បុត​គ៝ប់​យោហាន  ញជ្វាល់​អ៝ន់​មា​ផូង​ញឆីង​អី​រាបុន​តា​ពើស​អឹ​ប៝ន​តា​ឞ្រី​អាឆី  ។ ទាន់​កោរាញ​ឞ្រាស​អ៝ន់​នាវ​អ្វែស នអ៝ប់​មា​នាវ​ដាប់​មពាន់​មា​ខាន់​អៃ​មៃ។ ពាង់​គុ​រេស​អាបៃ​អ្យា ពាង់​លែៈ​អើម​គុ​រេស​នើស ជេសរី​ពាង់​មរា​វាច់។ ទាន់​ឞ្រាស​ហ្វេង​អ្វែស​អី​គុ​ឞើស​នាប់​រានើល​កាដាច់​កោរាញ​ឞ្រាស​នើម​អ៝ន់​នាវ​អ្វែស នអ៝ប់​មា​នាវ​ដាប់​មពាន់​មា​ខាន់​អៃ​មៃ។

Nau Tâm Mpơl 1:4 ပူးပေါင်းရင်းမြစ်များ

Êsai 11:2

Brah Huêng Ueh Brah Yêhôva mra gŭ ta klơ Păng, Jêng brah nau gĭt mĭn jêh ri gĭt rbăng, Brah nau tâm nchră jêh ri nau brah, Brah nau gĭt rbăng jêh ri klach yơk ma Brah Yêhôva.

Nau Mprơ Ơm 90:2

Êlor bu deh ma phung yôk, Neh jêh ri neh ntu dơi rhăk njêng, Bơh rnôk kăl e kŏ tât n'ho ro mâu blau lôch May jêng Brah Ndu.

ហេឞ្រើ 13:8

Brah Yêsu Krist nđaơ, nar aơ, jêh ri kŏ tât n'ho ro mâu blau rgâl ôh.

Yôhan 1:1

Ntơm saơm geh Nau Ngơi, Nau Ngơi gŭ ndrel ma Brah Ndu, jêh ri Nau Ngơi jêng Brah Ndu nơm.

Nau Tâm Mpơl 5:6

Gâp saơ du mlâm Kon Biăp tâm ban ma bu nkhĭt jêh, dôl dâk ta nklang sưng hađăch, gŭ jŭm geh puăn mlâm mpa rêh jêh ri phung kôranh bu ranh. Kon Biăp geh pơh mlâm nke jêh ri pơh mlâm măt, jêng pơh huêng Brah Ndu njuăl hăn jêh lam neh ntu.

Nau Tâm Mpơl 4:5

Tă bơh sưng hađăch nây luh lơp nglaih, bâr ngơi jêh ri nglaih; geh pơh ŭnh kađen hit ang tanăp sưng hađăch, nây jêng pơh huêng Brah Ndu.

Nau Tâm Mpơl 1:8

Kôranh Brah jêng Brah Ndu, NƠM AɃAƠ AƠ, HŎ GEH JÊH RI DÔL VĂCH, jêng Nơm Geh Lĕ Nau Brah lah pô aơ: “Gâp jêng Alpha jêh ri Ômêga.”

Nau Tâm Mpơl 3:1

“Nchih hom ma phung tông mpăr ma Phung Ngih Brah Ndu ta ƀon Sardis pô aơ: Aơ jêng nau ngơi Nơm geh pơh huêng Brah Ndu, jêh ri pơh mănh mbing: ‘Gâp gĭt lĕ kan may; may geh nau lư rêh ƀiălah may jêng khĭt.

Yakơ 1:17

Lĕ rngôch yô̆ ueh jêh ri lĕ ndơ ăn dŭt ueh ngăn tât bơh klơ trôk, jŭr tă bơh Mbơ̆ nau ang; tâm Păng mâu geh nau rgâl ôh, mâu lĕ geh gui nau rgâl.

Sakari 4:10

Yorlah mbu moh mưch rmot ma lĕ nau kan jê̆ lê̆ tâm nar ntơm mra gŭ maak lah saơ rse ndơ veh di rnhuan tâm ti Y-Sôrôƀaƀel. Pơh mlâm ŭnh kađen jêng găr măt Brah Yêhôva uănh lam bri neh.

Êsai 41:4

Mbu nơm hŏ ƀư jêh ri ƀư lôch jêh nau nây? Mbu nơm hŏ kuăl jêh lĕ rngôch rô̆ bơh ntơm saơm? Gâp yơh ƀư, Brah Yêhôva, Nơm Lor Lơn jêh ri Nơm Nglĕ Dŭt.

Nau Ngluh Êjipt 3:14

Brah Ndu lah ma Y-Môis: “GÂP JÊNG NƠM GEH LOR JÊH RI N'HO RO.” Brah Ndu lah tay: “Lah hom ma phung ƀon lan Israel pô aơ: ‘NƠM GEH LOR hŏ njuăl gâp văch ma khân may.’”

Nau Tâm Mpơl 4:8

Puăn mpa rêh nây, ăp mpa geh prao nting năr, jŭm jêh ri tâm săk bêng măt da dê; măng nâm nar lah ƀaƀơ mâu rlu ôh: “Kloh ueh, kloh ueh, kloh ueh, Kôranh Brah jêng Brah Ndu Geh Lĕ Nau Brah, NƠM HŎ GEH JÊH, AɃAƠ AƠ JÊH RI DÔL VĂCH!”

Nau Tâm Mpơl 3:7

“Nchih hom ma phung tông mpăr Phung Ngih Brah Ndu ta ƀon Philađelphi: Aơ jêng nau ngơi tă bơh Nơm Kloh Ueh jêh ri Nanê̆ Ngăn, jêng Nơm geh keh khuă Y-Đavit, jêng Nơm pơk mâu hôm geh bunuyh dơi nchăng, Nơm nchăng mâu hôm geh bunuyh dơi pơk:

Samƀŭt Pôl Njuăl Ăn Ma Phung Nsing Ta Ƀon Rôm 1:7

Gâp dăn njuăl ma lĕ rngôch phung Brah Ndu rŏng tâm ƀon Rôm, phung Brah Ndu kuăl jêh ăn jêng phung kloh ueh. Dăn Brah Ndu, Mbơ̆ he, jêh ri Kôranh Brah jêng Kôranh Yêsu Krist ăn ma nau yô̆ jêh ri nau đăp mpăn ma khân ay may.

Sakari 3:9

Yorlah aơ, glo lŭ Gâp dơm jêh panăp măt Y-Yôsuê, knŏng du glo lŭ ƀiălah geh pơh mlâm găr măt. Gâp mra tor chrăk rplay samƀŭt ta klơ păng jêh ri Gâp mra sŏk lơi nau djơh mhĭk tă bơh bri dak aơ tâm du nar.’” Brah Yêhôva ma phung tahan lah.

Mika 5:2

Yor ri, Păng mra jao khân păng Kŏ tât nôk du huê bu ur ji deh hŏ deh jêh, Jêh ri phung oh nâu Păng hôm e mra plơ̆ sĭt ndrel Ma phung kon Israel.

Nau Tâm Mpơl 2:8

“Nchih hom ma phung tông mpăr Phung Ngih Brah Ndu ta ƀon Smirna pô aơ: Aơ jêng nau ngơi Nơm Lor Lơn jêh ri Nglĕ Dŭt, Nơm hŏ khĭt jêh, jêh ri dâk rêh tay:

Nau Tâm Mpơl 1:20

Aơ jêng nau khlay ndâp ma pơh mănh mbing may saơ jêh tâm ti ma Gâp, jêh ri pơh jâng kađen mah: Pơh mănh mbing jêng phung tông mpăr ma phung pơh Ngih Brah Ndu, jêh ri pơh jâng ŭnh kađen jêng pơh Phung Ngih Brah Ndu.”

Nau Tâm Mpơl 1:11

đă pô aơ: “Nchih hom lĕ nau may saơ tâm du ndrom samƀŭt jêh ri njuăl ma phung pơh Phung Ngih Brah Ndu ta ƀon Êphêsô, ƀon Smirna, ƀon Pergam, ƀon Thiatir, ƀon Sardis, ƀon Philađelphi jêh ri ƀon Laođisê.”

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

II Kôrintô 1:2

Mbơh sơm dăn Brah Ndu, Mbơ̆ he, jêh ri Kôranh Brah jêng Brah Yêsu Krist ăn nau yô̆ jêh ri nau đăp mpăn ma khân may.

I Kôrintô 1:3

Mbơh sơm dăn Brah Ndu, Mbơ̆ he, jêh ri Kôranh Brah jêng Brah Yêsu Krist ăn nau yô̆ jêh ri nau đăp mpăn ma khân may.

Nau Tâm Mpơl 3:14

“Nchih hom ma tông mpăr Phung Ngih Brah Ndu ta ƀon Laođisê pô aơ: Aơ jêng nau ngơi Nơm Amen, Nơm mbơh nkoch răp jăp jêh ri nanê̆ ngăn, jêng tơm ma nau Brah Ndu rhăk njêng:

Nau Tâm Mpơl 2:18

“Nchih hom ma phung tông mpăr ma Phung Ngih Brah Ndu ta ƀon Thiatir pô aơ: Aơ jêng nau Kon Brah Ndu lah, Nơm geh măt tâm ban ma mpiăt ŭnh jêh ri jâng păng jêng nâm bu kông tho chrêk:

Nau Tâm Mpơl 2:12

“Nchih hom ma phung tông mpăr Phung Ngih Brah Ndu ta ƀon Pergam nâm pô aơ: Aơ jêng nau ngơi bơh Nơm geh đao bar măt mplônh ngăn:

Nau Tâm Mpơl 1:1

Nau Yêsu Krist tâm mpơl tĭng nâm Brah Ndu ăn ma Păng gay tâm mpơl ma phung oh mon Păng lĕ nau kan bơi tât. Păng njuăl tông mpăr hăn tât gay tâm mpơl ma Y-Yôhan, oh mon Păng,

Kôranh Oh Mon 19:10

Nau kan aơ ƀư tay tâm bar năm, kŏ tât lĕ rngôch bunuyh ta n'gor Asi, nđâp ma phung Yuđa, phung Grek, iăt Nau Brah Ndu Ngơi da dê.

Sakari 6:5

Tông mpăr plơ̆ lah: “Nây jêng puăn ntil sial ta klơ trôk luh du, lah lôch jêh mpơl khân păng nơm panăp măt Kôranh Brah lam bri neh ntu.

Kôranh Oh Mon 2:9

Ƀaƀă phung Parthê, Mêđơ, Êlamit, phung gŭ ta Mêsôpôtami, n'gor Yuđa, n'gor Kapadôs, Pôntus, Asi,

Nau Tâm Mpơl 1:9

Gâp jêng Y-Yôhan, nâu khân may, bunuyh tâm pă ndrel nau rêh ni, ƀon bri hađăch jêh ri nau srôih ma khân may tâm Brah Yêsu, aƀaơ aơ gâp dôl gŭ ta kôdak rnha jêng Patmôs, yor nau ngơi Brah Ndu jêh ri nau Brah Yêsu mbơh.

Nau Tâm Mpơl 1:17

Tơlah saơ Păng, gâp cha lôt ta jâng Păng nâm bu khĭt. Ƀiălah Păng pah ti ma Păng klơ gâp jêh ri lah: “Lơi klach ôh, Gâp jêng Nơm Lor Lơn jêh ri Nơm Nglĕ Dŭt,

Nau Tâm Mpơl 8:2

Gâp saơ pơh nuyh tông mpăr dâk tanăp Brah Ndu, jêh ri bu ăn ma khân păng pơh mlâm nŭng.

Nau Tâm Mpơl 16:5

Gâp tăng tông mpăr geh nau dơi tâm dak lah pô aơ: “Ơ Nơm Kloh Ueh, NƠM AɃAƠ AƠ, GEH JÊH, May jêng sŏng srăng, Yorlah May phat dôih lĕ nau aơ jêh;

Nau Tâm Mpơl 22:8

Gâp jêng Y-Yôhan, nơm tăng jêh ri saơ jêh lĕ nau aơ. Tơlah gâp tăng jêh ri saơ lôch jêh, gâp chon mon ta jâng tông mpăr hŏ tâm mpơl lĕ nau aơ ma gâp, gay ŭch mbah ma păng.

Nau Tâm Mpơl 22:16

“Gâp jêng Brah Yêsu, njuăl jêh tông mpăr Gâp văch gay mbơh nkoch lĕ nau aơ ma khân may tanăp lĕ Phung Ngih Brah Ndu. Gâp jêng Tơm Reh jêh ri Kon Sau Y-Đavit, jêng Mănh Mbing Ôi nchrat ral ngăn.”