Nau Ntơm 9:5 - Nau Brah Ndu Ngơi 2023

⁵ Nanê̆ Gâp mra sŏk tay mham ma nau rêh khân may. Gâp mra sŏk tay mham nĕ bơh lĕ rngôch mpô mpa jêh ri Gâp mra sŏk tay nau rêh bunuyh tă bơh băl păng, jêng tă bơh ti oh nâu păng.

Bunong Bible Latin Script Cambodian dialect

⁵ Moh ndơ i nkhât bunuyh, Gâp đă nkhât lơi ndơ i nây, kơt Gâp đă bunuyh i nkhât bunuyh ăn tŏm khât săk tâm ban kơt i nây đŏng.

Bunong

⁵ ម៝ស​នទើ​អី​ងខឹត​ឞូនុយ្ស គ៝ប់​ដាៈ​ងខឹត​លើយ​នទើ​អី​នៃ កើត​គ៝ប់​ដាៈ​ឞូនុយ្ស​អី​ងខឹត​ឞូនុយ្ស​អ៝ន់​ត៝ម់​ខឹត​ឆាក់​តឹម​ឞាន​កើត​អី​នៃ​ដ៝ង់។

Nau Ntơm 9:5 ပူးပေါင်းရင်းမြစ်များ

Nau Ntơm 42:22

Y-Ruben nduyh khân păng: “Mâu di hĕ gâp hŏ lah jêh ma khân may lơi ƀư nau mhĭk ôh đah ndăm jê̆ nây? Ƀiălah khân may mâu iăt ôh. Aƀaơ aơ ăn he ntrok rnon mham păng dơm.”

II Samuel 4:11

Rlau lơn ma phung janh ƀai nkhĭt lơi du huê bunuyh sŏng srăng lâng bê̆ch ta klơ sưng bê̆ch tâm ngih păng nơm! Pôri aƀaơ, mâm ƀư gâp mâu kêh mham păng tâm ti khân may, jêh ri ƀư rai khân may bơh klơ neh ntu?”

I Phung Hađăch 2:6

Yor ri, ƀư tĭng hom nau blau mĭn may tâm nau kan aơ, ƀiălah lơi ta ăn bôk mbra păng hăn trŭnh ƀon phung khĭt tâm nau đăp mpăn.

II Phung Hađăch 11:1

Tơlah H'Athali, mê̆ Y-Ahasia, saơ kon păng lĕ khĭt jêh, păng dâk nkhĭt lĕ rngôch ngih hađăch.

II Nau Rêh Jêng 24:22

Pônây, hađăch Jôas mâu knŏng chuêl jêh nau yô̆ Y-Jêhôida, mbơ̆ Y-Sakari, hŏ ƀư jêh ma păng, ƀiălah hôm nkhĭt đŏng kon bu klâu păng. Nôk dăch khĭt, Y-Sakari lah: “Dăn Brah Yêhôva sek uănh jêh ri plơng bôk!”

II Nau Rêh Jêng 33:24

Phung oh mon păng tâm rdâng jêh ri nkhĭt păng tâm ngih hađăch.

II Nau Rêh Jêng 33:25

Bi phung ƀon lan tâm n'gor nkhĭt lĕ phung hŏ tâm rdâng gay nkhĭt jêh hađăch Amôn, jêh ri njêng Y-Jôsia kon bu klâu păng jêng hađăch thoi ntrok păng.

Nau Mprơ Ơm 9:12

Yorlah Nơm plơng bôk ma mham kah gĭt ma phung rêh ni; Păng mâu chuêl ôh nau khân păng kuăl gay sâm rklaih.

Nau Ngluh Êjipt 20:13

May mâu dơi nkhĭt bu.

Nau Ngluh Êjipt 21:12

Mbu dong du huê bunuyh kŏ tât khĭt, bu mra nkhĭt păng.

Kan Lêvi 19:16

Mâu dơi tâm phong ta nklang phung mpôl băl, mâu đŏng ngơi nchơt mƀruh gay ƀư mhĭk nau rêh ma phung chiau meng. Gâp jêng Brah Yêhôva.

Kan Lêvi 24:17

‘Mbu nơm lơh nkhĭt du huê bunuyh, bu mra nkhĭt păng.

Kan Lêvi 24:21

Mbu nơm ƀư khĭt du mlâm mpô mpa rong, ăn ntrok yơh; mbu nơm lơh nkhĭt du huê bunuyh, ăn bu nkhĭt păng.

Nau Kơp Bunuyh 35:16

Ƀiălah tơlah mbu sŏk ndơ loih lơh khĭt du huê bunuyh, păng jêng nơm nkhĭt bunuyh. Nơm nkhĭt bunuyh nây ăn bu nkhĭt lơi.

Nau Kơp Bunuyh 35:17

Tơlah păng djôt lŭ tâm ti klăp lah ƀư khĭt bunuyh jêh ri lơh khĭt du huê bunuyh, nơm nkhĭt bunuyh. Nơm nkhĭt bunuyh nây ăn bu nkhĭt lơi.

Nau Kơp Bunuyh 35:18

Mâu lah tơlah mbu djôt tâm ti ndơ ƀư ma si, klăp lah ƀư khĭt bunuyh jêh ri lơh khĭt du bunuyh, păng jêng nơm nkhĭt bunuyh. Nơm khĭt bunuyh nây ăn bu nkhĭt lơi.

Nau Kơp Bunuyh 35:21

mâu lah tơlah mbu yorlah nau tâm rmot jêh ri dong du huê bunuyh ma ti, jêh ri ƀư ma păng khĭt, pôri ăn bu nkhĭt lơi păng; nây jêng nơm nkhĭt bunuyh. Nơm har plơng ma mham mra nkhĭt lơi nơm nkhĭt bunuyh tơlah mâp đah păng.

Mathay 23:35

gay ăn ma mham phung sŏng srăng hoch luh jêh ta neh ntu mra nkhŭt ta khân may da dê, ntơm bơh mham Y-Abel mâu geh nau tih tât ta mham Y-Sakari jêng kon bu klâu Y-Baraki, nơm khân may nkhĭt jêh tâm vah vang Ntŭk Kloh Ueh jêh ri nơng ƀư brah.

Kôranh Oh Mon 17:26

Ntơm bơh du huê, Păng njêng lĕ rngôch mpôl băl bunuyh jêh ri ƀư ăn khân păng gŭ lam bri neh. Păng tâm nal jêh rnôk jêh ri n'har ma khân păng gŭ,

Nau Vay Nkah Tay 19:11

Ƀiălah tơlah mbu tâm rlăng ma nơm chiau meng păng, gŭ kâp, rduh lơh jêh ri nkhĭt bunuyh nây, jêh nây nchuăt du ran lăp tâm du rplay ƀon aơ,

Nau Vay Nkah Tay 19:12

pôri phung kôranh bu ranh tâm ƀon geh nơm nkhĭt bunuyh, njuăl bu hăn nhŭp nơm ƀư tih jêh ri jao păng tâm ti nơm har plơng dôih mham jêh ri păng mra khĭt.

Phung Kôranh Phat Dôih 9:56

Pônây, Brah Ndu mplơ̆ plơng nau mhĭk ma Y-Abimêlek hŏ ƀư tih jêh ma mbơ̆ păng nôk păng nkhĭt pơh jât nuyh oh nâu păng.