Nau Ntơm 9:15 - Nau Brah Ndu Ngơi 2023

¹⁵ Gâp mra kah gĭt nau tâm rnglăp Gâp hŏ ƀư đah khân may, tâm ban đŏng đah lĕ rngôch mpa rêh, lĕ ntil mlay săk, dak mâu hôm ôh mra jêng dak lêng gay ƀư rai lĕ ntil nglay săk.

Bunong Bible Latin Script Cambodian dialect

¹⁵ ta nây Gâp kah gĭt nau tâm rnglăp Gâp ndrel khân may, ndrel ma lĕ rngôch ndơ geh nau rêh ta neh ntu dja đŏng. Jêh ri mâu hôm ôh geh dak lêng dak dơng bŭk khât roh hêng lĕ rngôch ndơ jât.

Bunong

¹⁵ តា​នៃ​គ៝ប់​កាស​គឹត​នាវ​តឹម​រាង្លាប់​គ៝ប់​នទ្រែល​ខាន់​មៃ នទ្រែល​មា​លែៈ​រាងោច​នទើ​គែស​នាវ​រេស​តា​នែស​នតូ​អ្យា​ដ៝ង់។ ជេសរី​មោ​ហោម​អោស​គែស​ទាក​លេង​ទាក​ទើង​ឞុក​ខឹត​រ៝ស​ហេង​លែៈ​រាងោច​នទើ​ជឹត។

Nau Ntơm 9:15 ပူးပေါင်းရင်းမြစ်များ

Nau Ntơm 8:21

Brah Yêhôva maak dơn nau n'hôl ƀâu kah jêh ri mĭn êng: “Gâp mâu mra rtăp rak neh ntu đŏng ôh yor ma phung bunuyh, nđâp lah nau mĭn phung bunuyh djơh mhĭk ntơm bơh păng hôm mom. Gâp mâu mra ƀư rai đŏng ôh lĕ rngôch mpa rêh tâm ban ma Gâp hŏ ƀư jêh.

Nau Ntơm 9:10

jêh ri lĕ rngôch mpa rêh dôl gŭ ndrel ma khân may tâm ban ntil sĭm, mpô mpa rong, mpô mpa bri, jêng lĕ rngôch mpô mpa luh tă tâm kumpăn, tâm ban đŏng lĕ rngôch mpô mpa rêh klơ neh kăndơ̆.

Nau Ntơm 9:11

Pôri Gâp ƀư nau tâm rnglăp đah khân may: Lĕ ntil nglay săk mâu mra hôm geh dak lêng ƀư rai đŏng ôh, jêh ri kŏ mâu hôm lĕ geh dak lêng ƀư rai neh ntu.”

Nau Ntơm 9:14

Ăp tơ̆ Gâp nthăng tŭk klơ trôk jêh ri bêh tŭng tĭng mpơl ta klơ ndâr tŭk,

I Phung Hađăch 8:23

“Hơi Yêhôva, Brah Ndu Israel! Mâu geh brah êng klơ trôk prêh ri mâu lah tâm dâng neh ntu aơ tâm ban May. Kôranh Brah djôt prăp nau tâm rnglăp jêh ri nuih n'hâm ueh ma phung oh mon May, jêng phung lĕ nuih n'hâm chuat hăn tanăp măt May.

Nêhêmi 9:32

Pôri aƀaơ, hơi Brah Ndu hên, jêng Brah Ndu dŭt toyh, nơm brah, geh nau klach yơk, Djôt prăp nau tâm rnglăp jêh ri nuih n'hâm ueh, Dăn lơi uănh n'gơch nau rêh ni hŏ ăn tât ma hên, Ma phung hađăch, ma phung kôranh chiă uănh, ma phung kôranh ƀư brah, ma phung nơm mbơh lor, ma phung chô yau hên, Jêh ri ma lĕ rngôch phung ƀon lan Kôranh Brah tă bơh rnôk phung hađăch Asiri kŏ tât ta nar aơ.

Nau Mprơ Ơm 106:45

Păng kah gĭt yô̆ ma phung nây yor nau Păng tâm rnglăp. Păng yô̆ nđach ma phung nây tĭng nau ueh Păng mâu blau lôch ôh.

Nau Ngluh Êjipt 28:12

May mra nkrêp bar mlâm lŭ khlay nây ta klơ bar ding săng nglik êphôt, jêng ndray lĕ găr lŭ khlay ndray ma phung kon bu klâu Y-Israel. Y-Arôn mra văn amoh khân păng ta bar ding săng nglik păng jêng nau kah gĭt tanăp Brah Yêhôva nâm bu du nau ndray.

Yêrêmi 14:21

Yor amoh May, lơi ta mƀăr lơi, Lơi ta uănh dơm dam ôh sưng hađăch chrêk lơp May. Ăn May kah gĭt tay jêh ri lơi ta ngroh lơi Nau tâm rnglăp May hŏ njêng ma hên.

Êsêkiêl 16:60

Nđâp tơlah pônây, ăt Gâp mra kah gĭt tay nau tâm rnglăp Gâp nơm ƀư jêh đah ay tâm rnôk ay hôm druh mom, jêh ri Gâp mra ƀư nau tâm rnglăp đah ay du nau tâm rnglăp n'ho ro.

Luka 1:72

Păng tâm mpơl nuih n'hâm yô̆ nđach ma chô yau he, Jêh ri kah gĭt tay nau tâm rnglăp kloh ueh Păng,

Nau Vay Nkah Tay 7:9

Yor ri, ăn khân may gĭt năl Yêhôva Brah Ndu khân may jêng Brah Ndu, Brah Ndu răp jăp, Nơm djôt prăp nau tâm rnglăp jêh ri nau ueh tât âk rbăn rô̆ nuyh ma lĕ phung rŏng ma Păng jêh ri djôt prăp nau vay Păng ntăm.