Nau Ntơm 8:21 - Nau Brah Ndu Ngơi 2023

²¹ Brah Yêhôva maak dơn nau n'hôl ƀâu kah jêh ri mĭn êng: “Gâp mâu mra rtăp rak neh ntu đŏng ôh yor ma phung bunuyh, nđâp lah nau mĭn phung bunuyh djơh mhĭk ntơm bơh păng hôm mom. Gâp mâu mra ƀư rai đŏng ôh lĕ rngôch mpa rêh tâm ban ma Gâp hŏ ƀư jêh.

Bunong Bible Latin Script Cambodian dialect

²¹ Jêh ri Brah Yêhôva răm ngăn ta nuih n'hâm geh ƀô i nây, Păng mân êng Păng Nơm: “Gâp mâu hôm ôh rtăp neh ntu yor ma ndơ kon bunuyh jât, bol lah nau mân bunuyh djơh lĕ ơm bơh jê̆, Gâp mâu hôm ôh lơh hêng jât dâng lĕ ndơ i geh nau rêh kơt Gâp mhe lơh nơh.

Bunong

²¹ ជេសរី​ឞ្រាស​យេហោវា  ​រាម់​ងាន់​តា​នូយ្ស​នហ៝ម់​គែស​បោ​អី​នៃ ពាង់​មឹន​អេង​ពាង់នើម៖ “គ៝ប់​មោ​ហោម​អោស​រាតាប់​នែស​នតូ​យ៝រ​មា​នទើ​ក៝ន​ឞូនុយ្ស​ជឹត ឞ៝ល​លាស​នាវ​មឹន​ឞូនុយ្ស​អ្យើស​លែៈ​អើម​ឞើស​ជេៈ គ៝ប់​មោ​ហោម​អោស​លើស​ហេង​ជឹត​ទឹង​លែៈ​នទើ​អី​គែស​នាវ​រេស​កើត​គ៝ប់​មហែ​លើស​នើស។

Nau Ntơm 8:21 ပူးပေါင်းရင်းမြစ်များ

Nau Ntơm 3:17

Brah Ndu lah ma Y-Ađam: “Yor may hŏ iăt tĭng nau ur may, Sa play tơm si Gâp lĕ buay jêh mâu dơi sa, Yor ri neh mra geh nau rtăp rak yor may; May hŏt rgănh du njăr rêh ri mơ geh ndơ sa luh bơh neh.

Nau Ntơm 4:12

Tơlah may pah kan mir, neh mâu mra geh play âk ma may. May mra du krap jêh ri nsong mblêng ta klơ neh ntu.”

Nau Ntơm 5:29

Ntơ amoh jêng Y-Nôê, jêh ri lah: “Tâm kan he, tâm nau jâk jêr hŏt r'ah bơh ti he, nơm aơ mra njŭn leo he ma nau bonh leng ntơm bơh neh Brah Yêhôva hŏ rtăp rak jêh.”

Nau Ntơm 6:13

Brah Ndu lah ma Y-Nôê: “Gâp hŏ mĭn jêh mra nkhĭt lĕ rngôch bunuyh, yor ma khân păng dĭng neh ntu bêng ma nau djơh janh. Aơ, Gâp mra ƀư rai khân păng bơh klơ neh.

Nau Ntơm 6:17

Bi Gâp, Gâp mra ăn dak lêng tât ta neh ntu gay ƀư rai lĕ rngôch nglay săk geh n'hâm nsôr gŭ tâm dâng trôk. Lĕ rngôch mpa klơ neh mra khĭt.

Nau Ntơm 6:5

Brah Yêhôva saơ nau djơh mhĭk kon bunuyh lam klơ neh jêh ri khân păng knŏng rvê mĭn ma nau djơh mhĭk dơm,

Nau Ntơm 6:7

Brah Yêhôva lah: “Gâp mra ƀư rai ƀhiau mpôl bunuyh bơh klơ neh, jêng ndơ Gâp hŏ njêng jêh, ntơm bơh kon bunuyh tât ma ntil mpô mpa, ntil mpô mpa vơr, ntil sĭm klơ trôk, yorlah Gâp nduyh tôr hŏ njêng jêh khân păng.”

Ndrom Samƀŭt bơh Yôp 14:4

Mbu nơm dơi sŏk nau kloh ueh luh bơh nau ƀơ̆ ƀơch? Mâu geh du huê nuyh!

Nau Mprơ Ơm 51:5

Nanê̆, bu deh gâp tâm nau djơh mhĭk, Mê̆ gâp ntreo jêh gâp tâm nau tih.

Nau Mprơ Ơm 58:3

Phung mhĭk vĭ nhhơt tă bơh ndŭl me khân păng. Ntơm bơh nar bu deh ƀư tih jêh, mƀruh nchơt.

Nau Mprơ Ơm 58:4

Khân păng geh dak kăch tâm ban ma dak kăch bêh; Khân păng jêng tâm ban ma bêh ku ƀư tê̆k nsêt lơi tôr.

Nau Ngluh Êjipt 29:18

jêh nây gŭch lĕ biăp nkuăng ta klơ nơng ƀư brah. Nĕ jêng ndơ ƀư brah gŭch nhhơr ma Brah Yêhôva, jêng du nau ƀư brah dŏng ŭnh nhhơr ndơ n'hôl ƀâu kah ƀư maak ma Brah Yêhôva.

Nau Ngluh Êjipt 29:25

Jêh nây, ăn may sŏk tay lĕ ndơ nây bơh ti khân păng jêh ri su ndơ nây ta klơ nơng ƀư brah nđâp ndơ ƀư brah gŭch nhhơr ma Brah Yêhôva. Nây jêng du nau ƀư brah dŏng ŭnh nhhơr ndơ n'hôl ƀâu kah ƀư di nuih n'hâm Brah Yêhôva.

Nau Hôr 20:9

Mbu dơi lah: “Gâp hŏ ƀư kloh jêh nuih n'hâm gâp nơm; Gâp hŏ kloh jêh nau tih”?

Nơm Nti 7:20

N'hêl nanê̆, mâu geh du huê bunuyh sŏng srăng ta klơ neh Ƀư nau ueh ƀaƀơ mâu mâp tih ôh.

Êsai 47:12

Dâk hom, dŏng nau rƀên ay jêh ri âk nau ngơi n'hŭm Ay hŏ sâm nti jêh bơh rnôk ay hôm druh. Năng ai păng mra kơl ma ay, Klăp lah ay dơi nhhu bu!

Êsai 47:15

Lĕ nau khân păng ƀư jâk jêr hŏ jêng kơt aơ; Phung tăch rgâl jêh ndrel ma ay ntơm rnôk mom ndăm Ăp nơm khân păng nsong mblêng tĭng nâm trong tih păng nơm, Mâu dơi geh nơm tâm rklaih ay ôh!

Êsai 48:8

May mâu mâp tăng ôh, mâu lĕ mâu mâp gĭt, Bơh kăl e, tôr may mâu mâp pơk ôh. Yorlah Gâp gĭt jêh may mơng tâm rdâng, Di ngăn bu kuăl khân may jêng phung tâm rdâng bơh ndŭl me.

Êsai 53:6

Lĕ rngôch he tâm ban ma biăp hăn nhhơt, Ăp nơm he teng tĭng trong păng nơm; Brah Yêhôva hŏ ƀư lĕ rngôch nau tih he N'gân klơ Păng da dê.

Êsai 65:6

Aơ jêng nau hŏ nchih prăp jêh tanăp Gâp: “Gâp mâu mra gŭ rklăk ôh, ƀiălah mra plơng bôk; Ngăn yơh, Gâp mra plơng bôk di nanê̆

Yêrêmi 17:9

Nuih n'hâm bu jêng mƀruh nchơt lơn ma lĕ ntil mpô mpa, Jêh ri jêng nau djơh mhĭk ngăn. Mbu nơm dơi gĭt?

Yêrêmi 18:12

Ƀiălah khân păng lah: ‘Mâu khlay ôh! Hên mra hăn tay tĭng nâm dăp kan hên nơm; ăp nơm mra ƀư tĭng nâm nau dăng nuih n'hâm mhĭk păng nơm.’”

Yêrêmi 8:6

Gâp rkêng tôr iăt tăng jêh, Ƀiălah khân păng mâu ngơi ngăn ôh, Mâu geh du huê rmal nau ƀai păng nơm, Hôm ngơi: “Gâp mâu geh ƀư ôh!” Lĕ rngôch tĭng ndô̆ trong êng da dê Nâm bu du mlâm seh rduh tâm lơh.

Êsêkiêl 20:41

Gâp mra vơt dơn khân may nâm bu ndơ n'hôl ƀâu kah tơlah Gâp djôt leo khân may luh bơh phung mpôl băl êng jêh ri tâm rgum khân may tă bơh lĕ bri dak khân may hŏ nchah rai pru pra, jêh ri nau kloh ueh Gâp mra dơi tâm mpơl ta nklang khân may tanăp măt phung bu năch.

Kan Lêvi 1:13

Ăn nơm nây ăt sŏk dak rao proch khŭng jêh ri jâng, jêh nây kôranh ƀư brah djôt lĕ rngôch ndơ nây gŭch ta klơ nơng ƀư brah. Nĕ jêng ndơ ƀư brah gŭch, jêng mpa ƀư brah ăn ŭnh sa, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.

Kan Lêvi 1:17

jêh nây bu mra nkhêk bar năr sĭm nây, ƀiălah mâu nkhêk tăch ôh. Kôranh ƀư brah mra gŭch păng ta klơ nơng ƀư brah ta ntŭk ŭnh dôl hit. Nĕ jêng ndơ ƀư brah gŭch, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.’”

Kan Lêvi 1:9

Nơm nhhơr ndơ nây mra rao proch khŭng jêh ri jâng păng ma dak, jêh ri kôranh ƀư brah mra gŭch lĕ ndơ nây ta klơ nơng ƀư brah. Nĕ jêng ndơ ƀư brah gŭch, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.

Kan Lêvi 26:31

Gâp mra ƀư ma ƀon toyh khân may jêng rngol, lĕ ntŭk kloh ueh jêng rngot rjăp jêh ri Gâp mâu mra dơn ôh n'hôl ƀâu kah bơh ndơ ƀư brah khân may nhhơr.

Kan Lêvi 4:31

Păng ăt hoal lĕ rngôch ngi tâm ban ma nau bu ƀư tâm ndơ ƀư brah đăp mpăn, jêh nây djôt gŭch ta klơ nơng ƀư brah, ƀư ma ndơ ƀư brah geh n'hôl ƀâu kah ƀư maak nuih n'hâm ma Brah Yêhôva. Tâm ban pônây, kôranh ƀư brah mra ƀư nau rƀŭn chuai nau tih ăn ma păng, jêh ri nau tih păng mra dơi yô̆ an.

Kan Lêvi 8:28

Jêh nây, Y-Môis sŏk lĕ ndơ nây bơh ti khân păng jêh ri djôt gŭch ta klơ nơng ƀư brah, ta klơ ndơ ƀư brah gŭch. Nĕ jêng ndơ ƀư brah n'hao kan, jêng ndơ ƀư brah ăn ŭnh sa, geh n'hôl ƀâu kah ma Brah Yêhôva.

Nau Kơp Bunuyh 15:3

jêh ri nôk khân may nhhơr ma Brah Yêhôva ndrôk mâu lah biăp nâm bu du ndơ ƀư brah nhhơr ma ŭnh sa, geh n'hôl ƀâu kah ma Brah Yêhôva, mâu lah ndơ ƀư brah gŭch, mâu lah mpa ƀư brah gay ƀư nanê̆ nau ton mâu lah ndơ ƀư brah ma nau ŭch, mâu lah ndơ ƀư brah tâm lĕ yan nau rƀŭn,

Mathay 15:19

Yorlah tă bơh nuih n'hâm yơh luh văch nau mĭn mhĭk, nau nkhĭt bunuyh, nau văng tĭr, nau ka n'hong, nau ntŭng, nau ngơi mƀruh, ngơi nchơt.

Yôhan 3:6

Moh ndơ tă bơh nglay săk jêng nglay săk, moh ndơ deh tă bơh Brah Huêng Ueh jêng brah.

Samƀŭt Pôl Njuăl Ăn Ma Phung Nsing Ta Ƀon Rôm 1:21

Yorlah nđâp tơlah hŏ gĭt năl jêh Brah Ndu, khân păng mâu ŭch tâm n'hao prêh ma Păng jêng Brah Ndu ôh jêh ri mâu lah ueh Păng, ƀiălah khân păng ăt mĭn mâu geh kô̆; nuih n'hâm rluk mâl khân păng plơ̆ jêng nau ngo klĕng.

Samƀŭt Pôl Njuăl Ăn Ma Phung Nsing Ta Ƀon Rôm 3:23

yorlah lĕ rngôch bunuyh ƀư tih da dê jêh, kƀah nau chrêk rmah Brah Ndu;

II Kôrintô 2:15

Yorlah hên jêng n'hôl ƀâu kah Brah Krist nhhơr ma Brah Ndu, ta nklang phung bunuyh geh nau rklaih jêh ri phung bunuyh geh nau rai yot.

Êphêsô 5:2

Hăn hom tâm nau rŏng nâm bu Brah Krist rŏng jêh ma he, Păng jao săk jăn Păng yor he, nâm bu du ndơ nhhơr jêh ri mpa ƀư brah n'hôl ƀâu kah nhhơr ma Brah Ndu.

Philip 4:18

Gâp hŏ geh bêng tŏng jêh ri geh rmeh ler. Gâp hŏ dơn jêh bêng tŏng ndơ khân may njuăl ma gâp bơh Y-Êpaphôdit, nâm bu du ndơ nhhơr n'hôl ƀâu kah, du mpa ƀư brah Brah Ndu maak dơn jêh ri ueh nuih n'hâm ma Păng.

I Yôhan 5:19

He gĭt he nơm jêng phung Brah Ndu, bi lĕ neh ntu gŭ tâm dâng nau dơi brah mhĭk da dê.

I Samuel 26:19

Aƀaơ, dăn hađăch gŭ iăt hom nau ngơi oh mon may. Tơlah Brah Yêhôva nsŭk nsôr may ƀư mhĭk ma gâp, dăn Păng sŏk dơn ndơ ƀư brah. Ƀiălah tơlah kon bunuyh, ăn păng dơn nau rak rtăp tanăp măt Brah Yêhôva; yorlah nar aơ khân păng hŏ mprơh gâp luh tă bơh ntŭk prăp ma gâp tâm drăp ndơn bơh Brah Yêhôva, jêh ri khân păng lah pô aơ: ‘Hăn hom mbah ma lĕ brah êng.’