Nau Ntơm 8:20 - Nau Brah Ndu Ngơi 2023

²⁰ Rnôk nây Y-Nôê ndâk du nơng ƀư brah ma Brah Yêhôva. Păng nhŭp lĕ rngôch mpa kloh jêh ri lĕ rngôch sĭm kloh gay nhhơr ndơ ƀư brah gŭch ta klơ nơng nây.

Bunong Bible Latin Script Cambodian dialect

²⁰ Jêh ri Nôê sŏ lŭ tâm rdăp, gay ma jan ntŭk jan brah ma Brah Yêhôva. Păng sŏ ƀă mpômpa (siŭm) ƀon ăp ntil i kơp kloh, sŏ ƀă siŭm mpăr ăp ntil i kơp kloh, păng nhhơr ndơ i nây, gŭch pur mlŏm ta kalơ ntŭk jan brah ri.

Bunong

²⁰ ជេសរី​នោអេ  ​ឆ៝ៈ​លុ​តឹម​រាទាប់ គៃ​មា​ជាន​នតុក​ជាន​ឞ្រាស​មា​ឞ្រាស​យេហោវា  ។ ពាង់​ឆ៝ៈ​បាៈ​មពោមពា​(ឆ្យុម)​ប៝ន​អាប់​នតីល​អី​កើប​ក្ល៝ស ឆ៝ៈ​បាៈ​ឆ្យុម​មពារ់​អាប់​នតីល​អី​កើប​ក្ល៝ស ពាង់​ញហើរ​នទើ​អី​នៃ គុច​ពូរ​មល៝ម់​តា​កាលើ​នតុក​ជាន​ឞ្រាស​រី។

Nau Ntơm 8:20 ပူးပေါင်းရင်းမြစ်များ

Nau Ntơm 13:18

Y-Abram trơn ngih bok păng hăn gŭ dăch ndru tơm guyh ta Mamrê, êp Hêbron, jêh ri ndâk ta nây du mlâm nơng ƀư brah ma Brah Yêhôva.

Nau Ntơm 13:4

jêng ntŭk păng ntơm ndâk nơng ƀư brah. Ta aơ, Y-Abram kuăl mbơh sơm ma amoh Brah Yêhôva.

Nau Ntơm 22:2

Brah Ndu lah: “Leo hom kon bu klâu may, kon nguay du huê nây dơm may rŏng ngăn ngên, jêng Y-Isăk, hăn tât ta n'gor Môria. Ta nây, ăn may nhhơr kon se jêng ndơ ƀư brah gŭch ta klơ du mlâm yôk Gâp mra ntĭm ma may.”

Nau Ntơm 22:9

Lah lĕ tât jêh ta ntŭk Brah Ndu de ntĭm, Y-Abraham ndâk ta nây du nơng ƀư brah, dăp long klơ nơng nây jêh ri chăp Y-Isăk kon păng, dơm păng ta klơ long klơ nơng ƀư brah.

Nau Ntơm 26:25

Y-Isăk rdâk du nơng ƀư brah, kuăl mbơh sơm ma amoh Brah Yêhôva jêh ri rdâk ngih bok păng ta nây. Jêh ri phung oh mon Y-Isăk kuyh du ntu dak ta nây.

Nau Ntơm 33:20

Ta aơ, Y-Yakôb ndâk du mlâm nơng ƀư brah jêh ri rnha amoh jêng Êl Êlôhê Israel.

Nau Ntơm 35:1

Brah Ndu lah ma Y-Yakôb: “Hăn gơnh hao ta ƀon Bêthel jêh ri gŭ ta nây. Rdâk đŏng ta nây du nơng ƀư brah ma Brah Ndu, Nơm hŏ tâm mpơl jêh ma may rnôk may nchuăt du bơh nâu may jêng Y-Êsau.”

Nau Ntơm 35:7

Păng ndâk ta nây du mlâm nơng ƀư brah jêh ri ntơ ntŭk nây jêng Êl Bêthel, yorlah ta nây Brah Ndu tâm mpơl jêh ma păng dôl păng nchuăt du bơh nâu păng.

Nau Ntơm 4:4

Bi Y-Abel nhhơr biăp deh dak bôk tâm mpôl păng jêng ndơ dŭt kah. Brah Yêhôva dơn Y-Abel jêh ri ndơ păng nhhơr,

Nau Ntơm 7:2

Ăn may djôt leo hom phung mpô mpa kloh, ăp ntil pơh kôp, nkuăng jêh ri me; bi ma ntil mpô mpa mâu kloh, ăp ntil du kôp, nkuăng jêh ri me.

Nau Ntơm 7:3

May djôt leo đŏng phung mpôl sĭm klơ trôk, ăp ntil pơh kôp, nkuăng jêh ri me, gay prăp ntil khân păng lam klơ neh.

Nau Ntơm 8:19

Lĕ rngôch mpa bri, mpa vơr klơ neh, ntil sĭm nđâp ma lĕ rngôch mpa rêh nsong klơ neh luh bơh kumpăn da dê, tĭng nâm ntil khân păng.

Ndrom Samƀŭt bơh Yôp 1:5

Lôch jêh nar nhêt sa, Y-Yôp vay kuăl phung kon păng plơ̆ sĭt gay ƀư nau rƀŭn ƀư kloh ma khân păng. Păng kah rngăl ơm ôi nhhơr ndơ ƀư brah gŭch ma ăp nơm kon, yor păng mĭn êng: “Klach lah phung kon gâp ƀư tih jêh ri tâm nuih n'hâm suai rak Brah Ndu.” Y-Yôp ƀư ƀaƀơ pônây.

Nau Ngluh Êjipt 10:25

Ƀiălah Y-Môis ơh: “May ăn đŏng ma hên geh ndơ ƀư brah jêh ri ndơ nhhơr ƀư mpa ƀư brah gŭch ma Yêhôva Brah Ndu hên.

Nau Ngluh Êjipt 29:18

jêh nây gŭch lĕ biăp nkuăng ta klơ nơng ƀư brah. Nĕ jêng ndơ ƀư brah gŭch nhhơr ma Brah Yêhôva, jêng du nau ƀư brah dŏng ŭnh nhhơr ndơ n'hôl ƀâu kah ƀư maak ma Brah Yêhôva.

Nau Ngluh Êjipt 29:25

Jêh nây, ăn may sŏk tay lĕ ndơ nây bơh ti khân păng jêh ri su ndơ nây ta klơ nơng ƀư brah nđâp ndơ ƀư brah gŭch nhhơr ma Brah Yêhôva. Nây jêng du nau ƀư brah dŏng ŭnh nhhơr ndơ n'hôl ƀâu kah ƀư di nuih n'hâm Brah Yêhôva.

Nau Kơp Bunuyh 7:21

du ndrôk nkuăng rah, du mlâm biăp nkuăng, du biăp kon du năm dŏng ma ndơ ƀư brah gŭch;

Samƀŭt Pôl Njuăl Ăn Ma Phung Nsing Ta Ƀon Rôm 12:1

Pôri hơi oh nâu, yor ma nau Brah Ndu yô̆ nđach, gâp vơh dăn ma khân may, nhhơr săk jăn khân may nơm ƀư mpa ƀư brah rêh, kloh ueh jêh ri ueh nuih n'hâm ma Brah Ndu, nau nây jêng nau yơk mbah ngăn khân may.

ហេឞ្រើ 13:10

He geh du nơng ƀư brah, phung pah kan tâm ngih bok mâu dơi vay sa ta nây ôh.

I Pêtrôs 2:5

Ăn Păng dŏng hom khân may nâm bu lŭ rêh gay rdâk du mlâm ngih brah, jêh ri tă bơh Brah Yêsu Krist, khân may kan kôranh ƀư brah kloh ueh, gay nhhơr ndơ ƀư brah, ƀư maak nuih n'hâm Brah Ndu.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.