Nau Ntơm 7:21 - Nau Brah Ndu Ngơi 2023

²¹ Lĕ rngôch mpa rêh klơ neh khĭt da dê, ntơm bơh sĭm och, mpô mpa rong, mpô mpa bri, lĕ rngôch mpa vơr klơ neh, tât ma phung bunuyh.

Bunong Bible Latin Script Cambodian dialect

²¹ Jêh ri lĕ rngôch ndơ i geh nau rêh ta neh ntu dja, dâng siŭm mpăr kalơ trôk, dâng mpômpa (siŭm) ta ƀon ta bri, lĕ rngôch mpômpa (siŭm) hung vơr lam neh ntu dja, ndrel ma lĕ rngôch bunuyh khât lĕ phiao.

Bunong

²¹ ជេសរី​លែៈ​រាងោច​នទើ​អី​គែស​នាវ​រេស​តា​នែស​នតូ​អ្យា ទឹង​ឆ្យុម​មពារ់​កាលើ​ត្រោក ទឹង​មពោមពា​(ឆ្យុម)​តា​ប៝ន​តា​ឞ្រី លែៈ​រាងោច​មពោមពា​(ឆ្យុម)​ហូង​វើរ​លាម​នែស​នតូ​អ្យា នទ្រែល​មា​លែៈ​រាងោច​ឞូនុយ្ស​ខឹត​លែៈ​ផ្យៅ។

Nau Ntơm 7:21 ပူးပေါင်းရင်းမြစ်များ

Nau Ntơm 1:25

Brah Ndu njêng lĕ mpô mpa bri tĭng nâm ntil, mpô mpa rong tĭng nâm ntil, jêh ri lĕ ntil mpa vơr ta neh tĭng nâm ntil. Brah Ndu saơ nau nây jêng ueh.

Nau Ntơm 6:13

Brah Ndu lah ma Y-Nôê: “Gâp hŏ mĭn jêh mra nkhĭt lĕ rngôch bunuyh, yor ma khân păng dĭng neh ntu bêng ma nau djơh janh. Aơ, Gâp mra ƀư rai khân păng bơh klơ neh.

Nau Ntơm 6:17

Bi Gâp, Gâp mra ăn dak lêng tât ta neh ntu gay ƀư rai lĕ rngôch nglay săk geh n'hâm nsôr gŭ tâm dâng trôk. Lĕ rngôch mpa klơ neh mra khĭt.

Nau Ntơm 7:4

Yorlah hôm pơh nar đŏng, Gâp mra nkhŭt dak mih jŭr ta neh tâm puăn jât nar puăn jât măng, jêh ri Gâp mra pih kloh lĕ rngôch mpa rêh bơh klơ neh, jêng ndơ Gâp hŏ njêng jêh.”

Ndrom Samƀŭt bơh Yôp 34:15

Pôri lĕ rngôch phung nglay săk mra khĭt ndrel, Jêh ri kon bunuyh plơ̆ sĭt ma ndruyh neh.

Êsai 24:19

Neh ntu bu mbang rai, Neh ntu hêk âk rngơl, Neh ntu n'gơ ktang ngăn.

Êsai 24:6

Yor nây, nau rak rtăp sa rvăn neh, Phung ƀon lan klơ păng krêp nau tih. Yor nây phung gŭ tâm neh ŭnh sa, Knŏng hôm klen djê̆ bunuyh.

Ndrom Samƀŭt bơh Ôsê 4:3

Yor nây, bri dak mra klâng ndrê; Lĕ rngôch bunuyh huănh huơi da dê, Nđâp ma mpô mpa bri jêh ri sĭm klơ trôk tâm ban lĕ; Lĕ phung ka tâm dak mƀŭt ăt mâu hôm.

Yôel 2:3

Tanăp măt khân păng, geh ŭnh sa rvăn, Pakơi khân păng, geh chiông ŭnh sa ƀhiau. Êlor panăp khân păng văch, bri neh nâm bu n'gar Êđen; Pakơi khân păng rgăn, knŏng hôm jêng bri rdah rngot njăp. Mâu geh ôh ndơ dơi klaih bơh khân păng.

Sôphôni 1:3

Gâp mra pih kloh lĕ kon bunuyh jêh ri mpô mpa, Gâp mra pih kloh lĕ sĭm klơ trôk jêh ri ka tâm dak mƀŭt; Gâp mra ƀư ma phung mhĭk chêh prah, Jêh ri ƀư rai lơi phung bunuyh bơh neh ntu.” Brah Yêhôva lah pônây.

Mathay 24:39

khân păng mâu gĭt ôh tât nar dak rdŭl bŭk tât jêh ri đô̆ rdu lĕ rngôch. Nôk Kon Bunuyh văch tâm ban đŏng.

Luka 17:27

Bu nhêt, sa, tâm gŭ ur sai, ƀư ndrôi, kŏ tât nar Y-Nôê lăp tâm kumpăn, jêh nây dak rdŭl bŭk lip tât ƀư rai lĕ rngôch.

Samƀŭt Pôl Njuăl Ăn Ma Phung Nsing Ta Ƀon Rôm 8:20

Lĕ rngôch ndơ tâm dâng nau dơm dam, mâu di ŭch mĭn êng, ƀiălah yor Nơm ŭch khân păng gŭ tâm dâng, tâm nau kâp gân pô aơ

Samƀŭt Pôl Njuăl Ăn Ma Phung Nsing Ta Ƀon Rôm 8:22

Yorlah he gĭt lĕ rngôch ndơ rhăk njêng rđêng da dê jêh ri ji kruăt tât ta nar aơ;

II Pêtrôs 2:5

tơlah Păng mâu yô̆ an ma neh ntu kăl e, ƀiălah ăn dak lêng toyh ƀư rai neh ntu mâu chroh nây, knŏng prăp Y-Nôê, bunuyh mbơh nkoch ma nau sŏng srăng, jêh ri pơh nuyh êng;