Nau Ntơm 7:1 - Nau Brah Ndu Ngơi 2023

¹ Brah Yêhôva lah ma Y-Nôê: “May jêh ri lĕ rnăk may lăp hom tâm kumpăn, yorlah tâm rô̆ aơ Gâp saơ may jêng du huê bunuyh sŏng srăng tanăp măt Gâp.

Bunong Bible Latin Script Cambodian dialect

¹ Jêh ri Brah Yêhôva lah ma Nôê: “Hơi Nôê, leo rnăk vâl may, lăp gŭ ta trôm duk kuŏng i nây ndrel may nơm, yorlah dâng lĕ rngôch bunuyh ta neh ntu dja, Gâp say du huê may dơm bunuyh ueh bunuyh sŏng.

Bunong

¹ ជេសរី​ឞ្រាស​យេហោវា  ​លាស​មា​នោអេ  ៖ “ហើយ​នោអេ  លែវ​រានាក់​វ៝ល់​មៃ លាប់​គុ​តា​ត្រោម​ទូក​ក្វ៝ង់​អី​នៃ​នទ្រែល​មៃ​នើម យ៝រ​លាស​ទឹង​លែៈ​រាងោច​ឞូនុយ្ស​តា​នែស​នតូ​អ្យា គ៝ប់​ឆៃ​ទូ​ហ្វេ​មៃ​ទើម​ឞូនុយ្ស​អ្វែស​ឞូនុយ្ស​ឆ៝ង់។

Nau Ntơm 7:1 ပူးပေါင်းရင်းမြစ်များ

Nau Ntơm 6:18

Ƀiălah Gâp mra ƀư nau tâm rnglăp đah may, jêh nây may mra lăp tâm kumpăn nđâp ma ur may, phung kon bu klâu jêh ri phung ƀăn may.

Nau Ntơm 6:9

Aơ jêng noi deh Y-Nôê. Tâm nôk rô̆ păng, Y-Nôê jêng du huê bunuyh sŏng srăng jêh ri mâu geh nau nduyh; păng hăn ndrel ma Brah Ndu.

Nau Ntơm 7:13

Tâm nar nây đŏng, Y-Nôê jêh ri ur păng, pe nuyh kon bu klâu păng jêng Y-sem, Y-Cham jêh ri Y-Japhet, jêh ri pe nuyh ƀăn păng lăp ndrel tâm kumpăn.

Nau Ntơm 7:7

Y-Nôê ndrel ma ur păng, phung kon bu klâu jêh ri phung ƀăn păng lăp tâm kumpăn gay ma rklaih bơh dak lêng.

II Samuel 22:24

Gâp mâu geh nau bu nduyh ôh tanăp Păng, Jêh ri gâp njrăng mât êng săk nơm bơh nau mhĭk.

Nau Hôr 10:9

Bunuyh gŭ rêh sŏng mra geh nau đăp mpăn, Bi phung tĭng ndô̆ trong kue bu mra ƀư mpơl lĕ kan păng.

Nau Hôr 14:26

Tâm nau klach yơk ma Brah Yêhôva geh ntŭk rnơm nsing nâp ngăn, Jêh ri phung jêng kon Păng mra dơi geh du ntŭk gŭ krap.

Nau Hôr 18:10

Amoh Brah Yêhôva jêng du pôih nâp ngăn, Bunuyh sŏng srăng nchuăt tât ta nây, dơi joi ntŭk du krap đăp mpăn.

Êsêkiêl 14:14

nđâp lah tâm bri nây geh pe nuyh aơ jêng Y-Nôê, Y-Daniel jêh ri Y-Yôp, khân păng dơi tâm rklaih knŏng huêng khân păng nơm yor nau sŏng srăng khân păng, Brah Yêhôva lah pônây.

Sôphôni 2:3

Hơi lĕ rngôch jêng phung dêh rhêt tâm bri neh, Jêng bunuyh mra ƀư tĭng nau Kôranh Brah ntăm, Joi hom Brah Yêhôva, Joi hom nau sŏng srăng, joi nau rdơ̆ rbăn; Klăp lah khân may mra dơi king n'gang Tâm nar Brah Yêhôva ji nuih.

Luka 1:6

Lĕ bar hê jêng bunuyh sŏng srăng tanăp Brah Ndu, tông djôt prăp lĕ nau vay jêh ri tĭng nau ntĭm Kôranh Brah ntăm nŭm rĭng ngăn.

Luka 17:26

Tâm rnôk Y-Nôê tâm ban lĕ ri mơ tâm nar Kon Bunuyh nâm pônây:

Kôranh Oh Mon 2:39

Yorlah nau ton nây prăp ma khân may, ma phung kon sau khân may, jêh ri ma lĕ rngôch bunuyh gŭ ngai, jêng lĕ rngôch bunuyh Kôranh Brah jêng Brah Ndu he mra kuăl.”

ហេឞ្រើ 11:7

Yor ma nau chroh, Brah Ndu mbơh lor ma Y-Nôê ma lĕ ndơ ê hŏ saơ ôh, jêh ri păng klach yơk ma nau nanê̆ ngăn, ndâk du mlâm kumpăn gay ma tâm rklaih rnăk vâl păng nơm. Bơh nau nây, păng dơi rmal neh ntu jêh ri jêng nơm dơn nau sŏng srăng tât bơh nau chroh.

I Pêtrôs 3:20

jêng phung kăl e mâu tông ôh Brah Ndu, nôk Păng srôih gŭ kâp tâm rnôk Y-Nôê, tâm lĕ mông nar ƀư kumpăn. Tâm kumpăn geh knŏng djê̆ bunuyh, lĕ rngôch jêng pham bunuyh, dơi klaih bơh dak.