Nau Ntơm 6:9 - Nau Brah Ndu Ngơi 2023

⁹ Aơ jêng noi deh Y-Nôê. Tâm nôk rô̆ păng, Y-Nôê jêng du huê bunuyh sŏng srăng jêh ri mâu geh nau nduyh; păng hăn ndrel ma Brah Ndu.

Bunong Bible Latin Script Cambodian dialect

⁹ Dja nkoch nau rêh jêng Nôê. Ta rnôk Nôê nây nơh, geh du huê păng dơm bunuyh ueh bunuyh sŏng, mâu ôh say geh dôih ta păng. Păng iăt nau Kôranh Brah ngăn.

Bunong

⁹ អ្យា​ងក៝ច​នាវ​រេស​ជេង​នោអេ  ។ តា​រានោក​នោអេ  ​នៃ​នើស គែស​ទូ​ហ្វេ​ពាង់​ទើម​ឞូនុយ្ស​អ្វែស​ឞូនុយ្ស​ឆ៝ង់ មោ​អោស​ឆៃ​គែស​ទោយ្ស​តា​ពាង់។ ពាង់​អ្យាត់​នាវ​កោរាញ​ឞ្រាស​ងាន់។

Nau Ntơm 6:9 ပူးပေါင်းရင်းမြစ်များ

Nau Ntơm 10:1

Lôch dak lip, phung kon bu klâu Y-Nôê jêng Y-Sem, Y-Cham jêh ri Y-Japhet deh oh kon. Aơ jêng noi deh khân păng:

Nau Ntơm 17:1

Rnôk Y-Abram geh sĭn jât msĭn năm, Brah Yêhôva tâm mpơl đah păng jêh ri lah ma păng: “Gâp jêng Brah Ndu Geh Lĕ Nau Brah; ăn may hăn hom tanăp măt Gâp jêh ri gŭ rêh ueh sŏng srăng ngăn.

Nau Ntơm 2:4

Nây jêng nau ntơm ma nau rhăk njêng trôk jêh ri neh ntu. Tơlah Yêhôva Brah Ndu rhăk njêng trôk jêh ri neh ntu,

Nau Ntơm 48:15

Jêh nây păng ăn nau ueh uĭn ma Y-Yôsep: “Ơ Brah Ndu Chô yau gâp jêng Y-Abraham jêh ri Y-Isăk hŏ yơk mbah, Jêng Brah Ndu nơm mât mơh gâp Bơh nôk gâp mhe pơ deh kŏ tât nar aơ,

Nau Ntơm 5:1

Aơ jêng noi deh Y-Ađam. Rnôk Brah Ndu rhăk njêng bunuyh, Păng njêng kon bunuyh tâm ban ma Brah Ndu.

Nau Ntơm 5:22

Jêh deh Y-Mêtusêla, Y-Ênŏk hăn ndrel ma Brah Ndu tâm pe rhiăng năm, deh kon bu klâu kon bu ur.

Nau Ntơm 5:24

Y-Ênŏk hăn ndrel Brah Ndu, jêh nây roh klăk, yorlah Brah Ndu vơt chông păng.

Nau Ntơm 6:10

Y-Nôê bă pe nuyh kon bu klâu jêng Y-Sem, Y-Cham jêh ri Y-Japhet.

Nau Ntơm 7:1

Brah Yêhôva lah ma Y-Nôê: “May jêh ri lĕ rnăk may lăp hom tâm kumpăn, yorlah tâm rô̆ aơ Gâp saơ may jêng du huê bunuyh sŏng srăng tanăp măt Gâp.

II Samuel 22:24

Gâp mâu geh nau bu nduyh ôh tanăp Păng, Jêh ri gâp njrăng mât êng săk nơm bơh nau mhĭk.

I Phung Hađăch 3:6

Y-Salômôn lah: “Kôranh Brah hŏ mpơl jêh nuih n'hâm ueh toyh ma oh mon May jêng Y-Đavit, mbơ̆ gâp, tâm ban păng hŏ chuat hăn tanăp May tâm nau răp jăp, nau sŏng srăng jêh ri nuih n'hâm nau di. Kôranh Brah mpơl tay đŏng nuih n'hâm ueh toyh aơ ma păng, tơlah ăn ma păng du huê kon bu klâu gŭ ta sưng hađăch păng tâm ban hŏ geh nar aơ.

II Nau Rêh Jêng 15:17

Nđâp tơlah ê hŏ mƀăr lơi ôh ntŭk prêh bơh n'gor Israel, ƀiălah Y-Asa ăt lĕ nuih n'hâm ma Kôranh Brah tâm du bông nau rêh păng.

II Nau Rêh Jêng 25:2

Păng ƀư nau di tanăp măt Brah Yêhôva, ƀiălah nuih n'hâm mâu dơi jêng kloh rsang ngăn ôh.

Ndrom Samƀŭt bơh Yôp 1:1

Tâm n'gor Us geh du huê bunuyh amoh săk jêng Y-Yôp. Păng jêng du huê bunuyh răp jăp jêh ri sŏng, klach yơk ma Brah Ndu jêh ri der ngai nau mhĭk.

Ndrom Samƀŭt bơh Yôp 1:8

Brah Yêhôva ôp tay ma Satan: “May geh mĭn rmiăng treng uănh ma Y-Yôp, oh mon Gâp đŏng? Ta neh ntu aơ mâu geh ôh bunuyh tâm ban ma Y-Yôp; păng jêng du huê bunuyh mâu geh nau bu dơi nduyh ôh jêh ri sŏng, klach yơk ma Brah Ndu jêh ri der lĕ nau mhĭk.”

Ndrom Samƀŭt bơh Yôp 12:4

Gâp dôl jêng nau gơm ăn ma mĭt jiăng, Nđâp lah gâp hŏ kuăl mbơh sơm ma Brah Ndu jêh ri Păng plơ̆ lah ma gâp; Bunuyh răp jăp n'hêl nê̆ jêng nkhơng nau gơm mưch ăn ma neh ntu!

Nau Mprơ Ơm 37:37

Sek uănh hom ma bunuyh rah vah jêh ri uănh ma bunuyh sŏng, Yorlah nglĕ dŭt bunuyh đăp mpăn mra geh nau ueh maak.

Nau Mprơ Ơm 37:39

Nau tâm rklaih phung sŏng srăng văch tă bơh Brah Yêhôva; Păng jêng pôih nâp khân păng tâm rnôk rêh ni.

Nau Hôr 4:18

Ƀiălah trong phung sŏng srăng ang nâm bu nar nchrat ang, Nau ang lơ hâu kŏ tât nar nklang bôk.

Nơm Nti 7:20

N'hêl nanê̆, mâu geh du huê bunuyh sŏng srăng ta klơ neh Ƀư nau ueh ƀaƀơ mâu mâp tih ôh.

Êsêkiêl 14:14

nđâp lah tâm bri nây geh pe nuyh aơ jêng Y-Nôê, Y-Daniel jêh ri Y-Yôp, khân păng dơi tâm rklaih knŏng huêng khân păng nơm yor nau sŏng srăng khân păng, Brah Yêhôva lah pônây.

Êsêkiêl 14:20

nđâp lah geh Y-Nôê, Y-Daniel jêh ri Y-Yôp gŭ tâm bri nây, Kôranh Brah Yêhôva lah, ngăn nâm bu Gâp gŭ rêh mro mrăng, khân păng tâm ban lĕ mâu dơi tâm rklaih ôh du huê kon bu ur mâu lah kon bu klâu khân păng, ƀiălah knŏng dơi tâm rklaih nau rêh khân păng nơm yor nau sŏng srăng khân păng dơm.

Habakuk 2:4

Uănh hom, phung sưr rlau Mâu geh ôh nuih n'hâm sŏng; Ƀiălah bunuyh sŏng srăng mra gŭ rêh yor nau chroh păng nơm.

Luka 1:6

Lĕ bar hê jêng bunuyh sŏng srăng tanăp Brah Ndu, tông djôt prăp lĕ nau vay jêh ri tĭng nau ntĭm Kôranh Brah ntăm nŭm rĭng ngăn.

Luka 2:25

Nôk nây, ta ƀon Yêrusalem geh du huê bunuyh sŏng srăng jêh ri gŭ sŏng, amoh păng Y-Simêôn. Păng kâp gân nau bonh leng phung Israel, jêh ri Brah Huêng Ueh gŭ ta klơ păng.

Luka 23:50

Geh du huê bunuyh amoh păng Y-Yôsep, kôranh pah kan ma Mpôl Kôranh Phat Dôih, jêng bunuyh ueh jêh ri sŏng srăng,

Kôranh Oh Mon 10:22

Khân păng plơ̆ lah, “Kôranh tahan Kôrnei jêng bunuyh sŏng srăng, klach yơk ma Brah Ndu, lĕ rngôch phung Yuđa mbơh nkoch ueh ma păng. Geh tông mpăr kloh ueh, đă kuăl may hăn ta ngih păng, ŭch iăt nau may nti lah.”

Samƀŭt Pôl Njuăl Ăn Ma Phung Nsing Ta Ƀon Rôm 1:17

Yorlah tâm Nau Mhe Mhan Ueh aơ, tâm mpơl jêh nau sŏng srăng Brah Ndu geh bơh nau chroh njŭn leo nau chroh, tâm ban geh nau nchih: “Bunuyh sŏng srăng mra rêh yor nau chroh.”

Galati 3:11

Nanê̆ ngăn rah vah, mâu mâp geh du huê bunuyh tă bơh nau vay dơi kơp sŏng srăng tanăp măt Brah Ndu, yorlah: “bunuyh sŏng srăng mra gŭ rêh yor nau chroh.”

Nau Vay Nkah Tay 18:13

Ăn khân may gŭ răp jăp nanê̆ ngăn ngên đah Yêhôva Brah Ndu khân may.

ហេឞ្រើ 11:7

Yor ma nau chroh, Brah Ndu mbơh lor ma Y-Nôê ma lĕ ndơ ê hŏ saơ ôh, jêh ri păng klach yơk ma nau nanê̆ ngăn, ndâk du mlâm kumpăn gay ma tâm rklaih rnăk vâl păng nơm. Bơh nau nây, păng dơi rmal neh ntu jêh ri jêng nơm dơn nau sŏng srăng tât bơh nau chroh.

I Pêtrôs 2:5

Ăn Păng dŏng hom khân may nâm bu lŭ rêh gay rdâk du mlâm ngih brah, jêh ri tă bơh Brah Yêsu Krist, khân may kan kôranh ƀư brah kloh ueh, gay nhhơr ndơ ƀư brah, ƀư maak nuih n'hâm Brah Ndu.

II Pêtrôs 2:5

tơlah Păng mâu yô̆ an ma neh ntu kăl e, ƀiălah ăn dak lêng toyh ƀư rai neh ntu mâu chroh nây, knŏng prăp Y-Nôê, bunuyh mbơh nkoch ma nau sŏng srăng, jêh ri pơh nuyh êng;