Nau Ntơm 6:7 - Nau Brah Ndu Ngơi 2023

⁷ Brah Yêhôva lah: “Gâp mra ƀư rai ƀhiau mpôl bunuyh bơh klơ neh, jêng ndơ Gâp hŏ njêng jêh, ntơm bơh kon bunuyh tât ma ntil mpô mpa, ntil mpô mpa vơr, ntil sĭm klơ trôk, yorlah Gâp nduyh tôr hŏ njêng jêh khân păng.”

Bunong Bible Latin Script Cambodian dialect

⁷ Păng lah êng săk Păng Nơm: “Gâp mra lơh hêng lơi bunuyh i Gâp njêng ăn lĕ bơh neh ntu dja ƀŏt, ntơm bơh bunuyh tât ma mpômpa (siŭm) ta bri ta ƀon, siŭm mpăr ta kalơ trôk, ndrel ma ăp ntil mpômpa (siŭm) hung vơr ta neh ntu dja, yorlah Gâp nhhuach lăn njêng păng nơh”.

Bunong

⁷ ពាង់​លាស​អេង​ឆាក់​ពាង់នើម៖ “គ៝ប់​មរា​លើស​ហេង​លើយ​ឞូនុយ្ស​អី​គ៝ប់​ញជេង​អ៝ន់​លែៈ​ឞើស​នែស​នតូ​អ្យា​ប៝ត់ នតើម​ឞើស​ឞូនុយ្ស​ត៝ត់​មា​មពោមពា​(ឆ្យុម)​តា​ឞ្រី​តា​ប៝ន ឆ្យុម​មពារ់​តា​កាលើ​ត្រោក នទ្រែល​មា​អាប់​នតីល​មពោមពា​(ឆ្យុម)​ហូង​វើរ​តា​នែស​នតូ​អ្យា យ៝រ​លាស​គ៝ប់​ញហ្វាច​លាន់​ញជេង​ពាង់​នើស”។

Nau Ntơm 6:7 ပူးပေါင်းရင်းမြစ်များ

Nau Ntơm 6:6

pôri Brah Ndu nduyh tôr yorlah hŏ njêng jêh kon bunuyh klơ neh, jêh ri rngot tâm nuih n'hâm.

Nau Ntơm 7:21

Lĕ rngôch mpa rêh klơ neh khĭt da dê, ntơm bơh sĭm och, mpô mpa rong, mpô mpa bri, lĕ rngôch mpa vơr klơ neh, tât ma phung bunuyh.

Nau Ntơm 7:4

Yorlah hôm pơh nar đŏng, Gâp mra nkhŭt dak mih jŭr ta neh tâm puăn jât nar puăn jât măng, jêh ri Gâp mra pih kloh lĕ rngôch mpa rêh bơh klơ neh, jêng ndơ Gâp hŏ njêng jêh.”

Nau Ntơm 8:21

Brah Yêhôva maak dơn nau n'hôl ƀâu kah jêh ri mĭn êng: “Gâp mâu mra rtăp rak neh ntu đŏng ôh yor ma phung bunuyh, nđâp lah nau mĭn phung bunuyh djơh mhĭk ntơm bơh păng hôm mom. Gâp mâu mra ƀư rai đŏng ôh lĕ rngôch mpa rêh tâm ban ma Gâp hŏ ƀư jêh.

Nau Mprơ Ơm 37:20

Bi ma phung mhĭk mra rai yot; Phung rlăng Brah Yêhôva mra nâm bu ngi kon biăp, Bu mra su gŭch, rai lêk roh hêt nâm bu nhhŭk tŭk.

Nau Hôr 10:27

Nau klach yơk ma Brah Yêhôva ntop jŏ nar khay gŭ rêh, Bi năm gŭ rêh ma phung mhĭk mra n'hŭch lơi ăn ƀhôi.

Nau Hôr 16:4

Brah Yêhôva rhăk njêng lĕ rngôch mpô mpa geh da dê nau ŭch, Nđâp ma lĕ bunuyh ƀai đŏng prăp ma nar nau mhĭk.

Êsai 27:11

Lah n'gĭng păng kro jêh ri bu nkê̆ch pă, Phung bu ur sŏk gay ƀư long sŭnh ŭnh. Yorlah phung ƀon lan aơ mâu ŭch gĭt rbăng ôh, Yor nây Nơm njêng khân păng mâu yô̆ nđach ma khân păng ôh, Nơm njêng khân păng mâu ăn nau ueh ôh.

Ndrom Samƀŭt bơh Ôsê 4:3

Yor nây, bri dak mra klâng ndrê; Lĕ rngôch bunuyh huănh huơi da dê, Nđâp ma mpô mpa bri jêh ri sĭm klơ trôk tâm ban lĕ; Lĕ phung ka tâm dak mƀŭt ăt mâu hôm.

Amôt 7:3

Brah Yêhôva tâm rgâl nau mĭn ma nau kan aơ. Brah Yêhôva lah: “Nau aơ mâu mra tât ôh.”

Amôt 7:6

Brah Yêhôva tâm rgâl nau mĭn ma nau kan aơ. Brah Yêhôva lah: “Nau aơ mâu mra tât ôh.”

Sôphôni 1:18

Nđâp ma prăk mâu lah mah khân păng Kŏ mâu dơi đŏng tâm rklaih khân păng Tâm nar Brah Yêhôva ji nuih. Ƀiălah tâm lam neh ntu mra geh ŭnh ntôn bơh Păng su ntrŭt, Yorlah Păng mra ƀư rai lĕ rngôch phung gŭ ta klơ neh ntu Ma nau krit toyh ngăn!”

Sôphôni 1:2

Brah Yêhôva lah: “Gâp mra pih kloh lĕ rngôch ndơ tă bơh klơ neh ntu.

Sôphôni 1:3

Gâp mra pih kloh lĕ kon bunuyh jêh ri mpô mpa, Gâp mra pih kloh lĕ sĭm klơ trôk jêh ri ka tâm dak mƀŭt; Gâp mra ƀư ma phung mhĭk chêh prah, Jêh ri ƀư rai lơi phung bunuyh bơh neh ntu.” Brah Yêhôva lah pônây.

Nau Vay Nkah Tay 28:63

Brah Yêhôva hŏ geh nau maak jêh dôl ƀư ăn khân may chăt hao jêh ri ăn bĭk rơ̆ ngăn, pôri Păng mra geh nau maak đŏng dôl ƀư ma khân may roh rai jêh ri nau rai lôch kơt nây. Bu mra nsot lơi khân may bơh n'gor khân may bơi lăp gay pit sŏk.

Nau Vay Nkah Tay 29:20

Brah Yêhôva mâu mra yô̆ an ôh ma păng nây, ƀiălah nau ji nuih jêh ri nau ntôn bơh Brah Yêhôva mra su bunuyh nây. Lĕ rngôch nau rak rtăp hŏ nchih jêh tâm ndrom samƀŭt aơ mra nkhŭt ta păng jêh ri Brah Yêhôva mra jut lơi amoh păng bơh tâm neh ntu aơ.

I Samuel 15:11

“Gâp lĕ nhhuach jêh njêng ăn ma Y-Sôl jêng hađăch, yorlah păng ndôn kơi tă bơh Gâp, mâu ƀư tĭng nâm nau Gâp ntăm.” Y-Samuel rngot ngăn, jêh ri păng vơl dăn ma Brah Yêhôva du măng kŏ ang.