Nau Ntơm 49:8 - Nau Brah Ndu Ngơi 2023

⁸ Y-Yuđa! Phung oh nâu may mra tâm rnê ma may, Ti may mra kuăn trô ko phung rlăng may, Phung kon bu klâu gâp mra chon mbah tanăp măt may.

Bunong Bible Latin Script Cambodian dialect

⁸ Ơ Yuđa, oh nô may mra rnê may dadê ngăn May tay dơi lơh đah phung rlăng ma may Oh nô may tay păn yơk ma may dadê.

Bunong

⁸ អើ​យូដា អ៝ស​នោ​មៃ​មរា​រានេ​មៃ​ទាទេ​ងាន់ មៃ​តៃ​ទើយ​លើស​ដាស​ផូង​រាលាង់​មា​មៃ អ៝ស​នោ​មៃ​តៃ​ពាន់​យើក​មា​មៃ​ទាទេ។

Nau Ntơm 49:8 ပူးပေါင်းရင်းမြစ်များ

Nau Ntơm 27:29

Ăn lĕ bunuyh ƀon lan pah kan ma may, Lĕ bri dak chon mon ta may! Chiă uănh hom ma phung oh nâu may, Phung kon bu klâu mê̆ may chon mon ma may da dê! Mbu nơm rtăp rak kon mra dơn nau bu rtăp rak tay, Mbu nơm dăn nau ueh uĭn ma may mra geh nau ueh uĭn tay.”

Nau Ntơm 29:35

Păng ntreo jêh ri deh đŏng ma du huê kon bu klâu. Păng lah: “Tơ̆ aơ gâp tâm rnê ma Brah Yêhôva.” Yor ri, păng tâm amoh kon nây Y-Yuđa. Jêh nây, păng rlu deh kon.

Nau Ntơm 42:6

Aƀaơ Y-Yôsep jêng kôranh chiă uănh Êjipt; păng jêng nơm tăch ba ma lĕ rngôch bunuyh ƀon lan tâm n'gor. Phung nâu Y-Yôsep hăn tât chon mon tanăp măt păng.

Nau Ntơm 46:12

Phung kon bu klâu Y-Yuđa jêng Y-Er, Y-Ônan, Y-Sêla, Y-Pêres jêh ri Y-Sêra. Ƀiălah Y-Er jêh ri Y-Ônan khĭt jêh ta Kanaan. Phung kon bu klâu Y-Pêres jêng: Y-Hêsron jêh ri Y-Hamul.

II Samuel 22:41

Kôranh Brah đŏng ƀư ăn ma phung rlăng gâp rle ndŭr kơi nchuăt du Gay gâp ƀư rai jêh phung tâm rmot đah gâp.

II Samuel 24:9

Y-Jôap mbơh ma hađăch rnoh kơp phung ƀon lan hŏ dơi kơp: Tâm phung Israel geh pham rsen bunuyh janh ktang dơi djôt đao, jêh ri tâm phung Yuđa geh prăm rsen nuyh.

II Samuel 5:3

Pônây, lĕ rngôch phung bu ranh Israel văch gay tâm mâp đah hađăch ta Hêbron; hađăch Đavit ƀư nau tâm rnglăp ma khân păng tanăp Brah Yêhôva, jêh ri khân păng tŏ dak ƀâu kah ma Y-Đavit jêng hađăch ma lĕ n'gor Israel.

I Nau Rêh Jêng 28:4

Ƀiălah, Yêhôva Brah Ndu Israel săch jêh gâp tă bơh rnăk vâl mbơ̆ gâp, gay ƀư hađăch chiă uănh phung Israel n'ho ro. Yorlah Păng săch jêh ndŭl mpôl Yuđa hao chiă uănh, jêh ri tâm ngih Yuđa, Păng hŏ săch rnăk vâl mbơ̆ gâp, jêh nây tă tâm nklang phung kon bu klâu mbơ̆ gâp, Păng hŏ maak đah gâp gay ŭch njêng gâp jêng hađăch chiă uănh lĕ phung Israel.

I Nau Rêh Jêng 5:2

Nđâp tơlah Y-Yuđa rlau lơn phung oh nâu păng, jêh ri du huê kôranh chiă uănh mra geh tă bơh păng, ƀiălah nau dơi kon bôk rah ăt jêng ndơ ma Y-Yôsep.

II Nau Rêh Jêng 14:8

Y-Asa geh du phung tahan pe rsen nuyh phung Yuđa, hŏ ndrăp rǐng khêl jêh ri tak, bar rsen pham rmưn phung Benjamin, hŏ ndrăp khêl jêh ri na; lĕ rngôch jêng phung tahan janh ktang.

II Nau Rêh Jêng 15:9

Păng rgum lĕ rngôch phung Yuđa, phung Benjamin jêh ri phung bu năch bơh lĕ ndŭl mpôl Êphraim, Manasê jêh ri Simêôn gŭ ndrel ma khân păng; yorlah geh âk bunuyh chalơi phung Israel hăn tĭng hađăch Asa dôl saơ Yêhôva Brah Ndu gŭ ndrel păng.

II Nau Rêh Jêng 17:2

Păng dơm phung tahan tâm lĕ rngôch ƀon nâp tâm n'gor Yuđa, ƀư pôih tahan tâm n'gor Yuđa jêh ri tâm lĕ ƀon ta Êphraim jêng lĕ ƀon Y-Asa, mbơ̆ păng hŏ pit in jêh.

II Nau Rêh Jêng 30:11

Nđâp lah kơt nĕ, ăt geh noi deh tâm phung Aser, Manasê, jêh ri Sabulôn khân păng geh nau dêh rhêt jêh ri văch tât ma ƀon Yêrusalem.

Nau Mprơ Ơm 76:1

Tâm n'gor Yuđa bu gĭt Brah Ndu, Amoh Păng dŭt toyh ngăn tâm nklang phung Israel.

Êsai 9:7

Kôranh Brah hŏ njuăl du nau ngơi tâm rdâng đah phung Yakôb, Jêh ri nau ngơi nây tŭp ta ngih phung Israel.

Êsêkiêl 21:29

Pôri yor Kôranh Brah Yêhôva lah: ‘Yor khân may lĕ nkah jêh gay kah gĭt tay nau mhĭk khân may nơm, bu mra mpơl nau tih khân may, nau tih tâm lĕ rngôch nau ƀư bu mra mpơl; yorlah khân may dơi nkah nau tih nây yor ri bu mra nhŭp khân may.

Nau Kơp Bunuyh 1:27

dơi kơp pơh rmưn puăn rbăn prao rhiăng nuyh.

Nau Kơp Bunuyh 10:14

N'ha kơ ma rmlak tahan Yuđa hăn du luh lor, tĭng ăp ndŭl mpôl. Y-Nahsôn, kon bu klâu Y-Aminadap, kôranh phung tahan Yuđa.

Nau Kơp Bunuyh 26:20

Phung kon sau Y-Yuđa tĭng nâm ndŭl mpôl khân păng nơm glom geh: Y-Sêla deh luh ndŭl mpôl Sêla; Y-Pêres deh luh ndŭl mpôl Pêres; Y-Sêra deh luh ndŭl mpôl Sêra.

Nau Kơp Bunuyh 26:22

Nĕ jêng phung ndŭl mpôl Y-Yuđa; rnoh kơp jêng pơh rmưn prao rbăn prăm rhiăng nuyh.

Nau Vay Nkah Tay 33:7

Ma phung Yuđa, Y-Môis lah pô aơ: “Hơi Brah Yêhôva, dăn May iăt bâr bơh phung Yuđa Jêh ri njŭn leo khân păng sĭt ndrel ma phung ƀon lan khân păng; Dŏng bar ti khân păng nơm n'gang khân păng nơm. Dăn May kơl tâm rdâng đah phung rlăng khân păng.”

ហេឞ្រើ 10:13

jêh ri bơh nĕ, Păng gŭ kâp kŏ tât phung rlăng đah Păng mra jêng rnơl chrong jâng ma Păng.

ហេឞ្រើ 7:14

Yorlah nanê̆ Kôranh Brah he luh tă bơh ndŭl mpôl Yuđa, du ndŭl mpôl Y-Môis mâu mâp ngơi ma nau pah kan kôranh ƀư brah ôh.

Yôsuê 10:24

Nôk bu njŭn leo prăm hađăch nây văch ma Y-Yôsuê, Y-Yôsuê kuăl lĕ rngôch phung bu klâu Israel jêh ri lah ma phung kôranh chiă uănh tahan hŏ hăn ndrel jêh n'hanh păng pô aơ: “Văch dăch hom, jot jâng khân may ta trô ko phung hađăch aơ.” Khân păng hăn văch dăch, jot jâng khân păng ta trô ko phung hađăch nây.

Yôsuê 15:20

Nĕ jêng drăp ndơn ndŭl mpôl Yuđa, tĭng nâm ăp rnăk vâl khân păng.

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”

Nau Tâm Mpơl 5:5

Ƀiălah du huê tâm phung kôranh bu ranh lah ma gâp: “Lơi ta nhĭm, ri, Yau mŭr tă bơh ndŭl mpôl Yuđa, phung kon sau Y-Đavit, dơi jêh rĭ dĭng dơi pơk ndrom samƀŭt jêh ri doh lơi ndơ pơh tâp pŏng.”

Phung Kôranh Phat Dôih 20:18

Pônây, phung ƀon lan Israel dâk hăn hao ma Bêthel jêh ri ôp ma Brah Ndu pô aơ: “Mbu nơm tâm hên mra hăn tâm lơh đah ndŭl mpôl Benjamin?” Brah Yêhôva plơ̆ lah: “Phung Yuđa mra hăn lor.”